Namuhudheraga Bibiliya, nnolabihedha dhipano dhohiyanahiyana dhosayelana wihina noonelemo pama dhithu nniilerihu. Mbwenye efunelo yehu nahudheraga kahi wenjhedhedha enonelo yehu wodhela Bibiliya baahi. Mbwenye efunelo yehu ekale ofwanya dhoviteya dhomuzimuni wodhela Yehova, dhinenjhedhedha odhivela wehu ni Oliye. Wihina naande werana eyo sapama wikoha: ‘Yolebela ela, enagihudhiha ddi wodhela Yehova?’

Motajhiha, we podi osayela dhithu dhinoniha wihina Yehova mwebaribareene ohukanna dhikalelo ninga odhivela, thotho, wogowa ni kopolo. Ohiya dhikalelo dhendha baahi, Yehova ohukanna dhikalelo dhimodha dhinanitikiniha. Onaafwanye waani muselu dhimodha dhinawoga wodhela dhikalelo ndha?

Mu Índice das Publicações da Torre de Vigia we podi ofwanya lista ya dhikalelo dhowakwana 50 Yehova aanniyena. Dhikalelo ndha dhinafwanyeya epaddi enna muselu “Jeová” mwana musolo “Lista de qualidades”. (Teto we podi ofwanya lista ninga nna mu Guia de Pesquisa para Testemunhas de Jeová, muselu “Jeová Deus”, mwana musolo “As qualidades de Jeová.”)