Yoxagiha

Osakule ohudhera dhithu dhathima

Iyo aatene kaninna mudhidhi wowinjhiva wihina nerena ohudhera wehu wavayeka. Nnande aavi olabihedha pama mudhidhi ninnihuna? Vobajha, osakule mudhidhi onafuniwe ohudhera. Onere wanda opurelamo dhinahudheriwe wahudheraga dhithu vang’ono nupwaseya, ohiya ohudhera dhithu dhowinjhiva mudhidhi mmodhave.

Voharela, osakule dhithu onafuniwe ohudhera voobajha. (Efé. 5:15, 16) We podi olabihedha dhoxagiha ndha:

• Omwileri Bibiliya malabo amateene. (Sal. 1:2) We podi obajha olabihedhaga porogarama oomwileri Bibiliya a Egumi ni mabasa ehu eekirisawu.

• Omwegeredhege Namasugwera ni weegeredhege mutugumano dha vaari va sumaana. Wiweegeredhe pama wihina ovahege dhowakula. — Sal. 22:22.

• Okanne elemelelo yowijhiha epaddi yomuzimuni wodheela wawileri malivuru ehu, marevista, woona vidiyu ni muselu dhimodha dhinavuwihiwa musayitini jw.org.

• Osayele muselu onuudhivela wihina ohudhere. We podi osayela ohudhera woodheela makathamiho enufwanya, wodheela nikoho onniwena obe muselu wamBibiliyani wafuniwe wonelamo pama. Wihina osayele muselu dhimodha ovolowe musayitini jw.org epaddi “Exercícios Bíblicos”.