Dhothuwathuwiha dha mwilaboni podi onyowiha emuthu yehu yomwilini ni yomubuweloni. Mwaha wa yeyo owinjhiva enoyelela ejhehedho ni kinna ebaribari akala dhithudha dhinere owomela. Nimakalelo baani?

• Athu amodha kinafunawene wubuwela dhithu dhosogolo.

• Amodha enong’wa obe enolabihedha murombwe dhoviriganiha ogogo wihina yathawe makatamiho.

• Amodhaya enofiyedha ofunaga okwa. Aliwa enowoga yegihina: “Gahakwewene wihina givume.”

• Makathamiho mamodha enufwanyani podi wera kinalegele. Mudhidhi bumudhidhi dhithudha podi owomela.

• Naarive dhithudha dhihisadduwe, dhihikalawo dhithu dhimodha dhinukavihere owanana makathamiho awo.

• Bibiliya anopaganya wihina anere omariha makathamiho aamateene. Ejhehedho ela seebaribari ni soororomeleya.

Bibiliya anihina: “Mowindo, kamuthuwathuwelege labo na mangwaana, mwaha mangwaana dhinere okumelela dhothuwathuwiha dhimodha. Kadda labo nihikanna makathamiho ewa.” — Matewuji 6:34.

Kamuthuwathuwelege labo na mangwaana. Kuhiye wihina dhothuwathuwiha dhamangwana dhuhihe werana dhithu onahoweliwe werana peeno.

Othuwathuwa mwaha wa dhithu dhabure podi wera dhihinapaddwe dhinere wenjhedhedha stress yawo podi oridhiha ejhehedho yawo yowihina winere okala osogolo wowomela.

Namaleba jhibo dhaala ohulobela wa Mulugu egi: “Madhu enyu waara winamoneya manyalo aaga, ni  waara winamoneya dila yaga.” (Salmo 119:105) Woone makale Bibiliya — madhu a Mulugu — eniwananiwa ni madhu ala.

Mahiyu wara winonikavihera woona vego nnafunihu onyingalavo. Nimakalelo mamodhave, Bibiliya ononivaha dholaga dhinaniholela mudila mwehu ni dhinanikavihera werana dhothoma dhapama nafwanyiwaga makathamiho.

Ohiya eyo waara winonikavihera woona dhithu dhili osogolo. Nimakalelo mamodhave, Bibiliya ononikavihera onona dhithu dhinapadduwe osogolo.