Athu owinjhiva enowilibihedha olaba malabo amateene wihina efwanye dhithu enahoweliwa kadda labo. Mowukuliha makathamiho a elabo ela enoweriha wihina ekale ethu yorusa. Mwahaya bwaddi?

• Yakalawo makathamiho, dhithu ninga dhoojha ni nyumba dhinokwima vanlubale.

• Makathamiho yinjhiva athu enoyelela mabasa obe korowa yakeliwa podi ovuguliwa.

• Ngovi enotota makathamiho owinjhiva ninga ononga malondda, nyumba ni dhithu dhimodha. Mwaha wa yeyo athu owinjhiva enoohawa.

• Wanona olabihedha pama korowa, wafwanyiwa makathamiho onere okala owiwegeredhene.

• Onone wihina korowa kadhinaroromeleya; onofiya mudhidhi korowa ni dhokanna dhimodha kuhukanna thima.

• Dhihikalawo dhithu korowa dhihinandiwa ogula, ohagala ni murala wowiwanana.

Bibiliya onihina: “Nakanna ethu yoojha ni yowara, nnere ohagalala.” — 1 Timotiyu 6:8.

Ohagalala enovolowelavo ohuthabwa wubuwela dhithu nnunlelihu ni ohagalala ni dhithu nnahowelihu. Thabwa-thabwa akala kaninna korowo dhowinjhiva.

Wihina nihagalale podi wera enohoweleya ojajaliha egumi yehu. Akala nnofuna dhithu dhowinjiva dhinakwaranya korowa nnakannihuna, dhithudha dhinerege othabwave.