Anamatelana
3: Orihana
ENATAPULELA DDI?
Mulobwana ni muhiyana yarihanaga enoweddihana pama, naarive akala enathapanyedha muselu ehinniwana monelo mmodhave. Livuru ninna musolo Dhithu Kumi Dhinasaddule Matelo Awo a nnowoga ayi wodhela anamatelana enarihana: “Kadda muthu kanadidela monelo waye . . . mbwenye, aliwa enothapanyedha wodhela ndhe yahinniwana monelo mmodhave, enopwasedha ovuruwanana mmodha ni mukwaye ninriho. Yindo aliwa enofwanya makalelo owiwanana.”
BIBLIYA ANAWOGA EGI: ‘Odhivela . . . kunaveda dhofuna dhaye.’ — 1 Coríntios 13:4, 5.
“Omuriha mwaraga enatapulela onona ethu yapama aneriyena ni oherana ethu-sithu yanonge matelo ehu.” — Micah.
EKALELE DDI YOFUNEYA?
Anamatelana yahirihanaga makalelo ewa othapanya enakala okangana obe onyanyuwelana, malabo mamodha opwazana. Anamasayela muselu enawoga wi dhithu ndho dhinoniha wihina matelo yayo enere omala.
“Madhu overeya, owoga mawujhe obe omuteya mwariye podi omuthukulela woona wi kanna thima, ogujhula ororomeleya munninyuna ni ononga matelo enyu.” — Brian.
KI ONERE DDI?
WIMELE WUBUWELE
Kadda sumana opwasedhe dhithu onawogiwe ni oneriwena. Wamala owakule makoho ala:
-
‘Malabo mangasi gimunyanyuwelimi mwaraga obe mamunaga? Dila ngasi gimutamalelimi?’
-
‘Makalelo baani gonihimi wi ginomuriha?’
MUTHAPANYEGE
-
Madhu baani obe dhowera dhonihe wihina kadda muthu anomuriha mukwaye?
-
Madhu baani obe dhowera baani dhoonihe wihina kadda muthu kanamuriha mukwaye?
DHOLUBA
-
Olebe dhithu tharu mwariyo obe mamuno eriliyena dhinoniha wihina anowuriha. Kadda muthu alebe lista naaye anvahedhe mukwaye. Mwindo kadda muthu ilibiherege wihina eeregena ele alombe mukwaye.
-
Olebe dhithu dhinudhivela dhinerana mwariyo obe mamuno. Mwindo muthapanyedhe makalelo kadda muthu anatamaleliye dhikalelo dha mukwaye.
“Omuriha mamunaga enatapulela wooniha ni dhowera dhaaga wihina ginonvaha thima ni ginofuna oliye ahagalalege. Kinahoweleya werana ethu enlubalene. Malabo mamodha, dhithu dhing’onove podi woniha wi ginomuriha muthu di muthu.”— Megan.
Enahoweleya kahi wiwoonaga wi onomuriha mamuno obe mwariyo, mbwenye akala oliye anowoona wihina anorihiwa.
BIBLIYA ANAWOGA EGI: ‘Muware thagaraga, opama, wiyeviha, ni opwaaseya.’ — Colossenses 3:12.
[Ndhu namusiddo]
a Musolo wa ewogeloya: Ten Lessons to Transform Your Marriage.
