MOWIWANANA ni mweeddelo waamwaana Ezarayeli, wiiba jhibo yaali ethu yathima mwigumini mwewa. Teto Bibiliya anowaawoga athu yadhiveliwa orumiha dhipano dha jhibo yibaga. Mbibiliyani dholebela dhowinjhiva dhilebiwe ninga jhibo. Motajhiha, yolebela ya Salmos, Cântico de Salomão ni Lamentações dhilibiwe ninga jhibo. Livuru dhaala nnawoga wodhela makalelo yaali egumi mudhidhi waamwaana Ezarayeli, nnihina: “Bibiliya anowoniha pamadhene wihina aamwaana Ezarayeli yowiba mudhidhi wohiyanahiyana yaparaga mabasiwa obe yeragana ethu-sithu.”

Jhibo dhiibiwa kadda labo. Aamwaana Ezarayeli yowiba jhibo wihina yonihe makalelo yaaliwa. (Isa. 30:29) Ahiyana yorumiha epano dhaala enithaniwa pandereta, teto yowiba nuuhagalala ni yoowiina mudhidhi wa mathanga. Ohiya eyo aliwa yowiba ni yoowiina mwene ahabaga mpaddo obe anyakoddo ewa yagonjhiha amwiddani ni mudhidhi wowebedha. (Juí. 11:34; 1 Sam. 18:6, 7; 1 Reis 1:39, 40) Aamwaana Ezarayeli yowiba wihina yonihe makalelo yaaliwa owuukuweene mwaha omuyelela muthu yamudhiveliwa muukwani. (2 Cró. 35:25) Teto, referensiya dhaala, nnawoga neegi: “Mohanganyedha meberewu yaali nlogo yadhiveliwa wiiba.”

Amwene owizarayeli yodhiveliwa jhibo. Amwene owizarayeli yodhiveliwa ovuruwana jhibo. Motajhiha, mwene Sawuli ahimwithaniha Davidi wihina amwibelege jhibo. (1 Sam. 16:18, 23) Teto nuuvira mudhidhi Davidi nuukala mwene, oliye osasanya dhipano dhowiibana, olebela jhibodha ni wawegeredha athu wihina yiibege jhibo nde mu tempulu mwa Yehova. (2 Cró. 7:6; Amós 6:5) Ohiya eyo, mwene Salomawu ahikanna anamiba aye yakala opalasiyu. — Ecl. 2:8.

Aamwaana Ezarayeli yolabihedha jhibo wihina emwebedhe Yehova. Yathimaya, aamwaana Ezarayeli yolabihedha jhibo wihina emwebedhe Yehova. Wihina noonelemo pama, alobwana owakwana 4 000 yorumiha dhipano dha jhibo mutempulu yoJeruzale. (1 Cró. 23:5) Aliwa yiibesa emurumihaga bangwe ni mugogo. (2 Cró. 5:12) Mbwenye kaayali alobwana yaala baahi yanvuwiha Yehova ni jhibo, aamwaana Ezarayeli owinjhiva yoowiiba jhibo mudhidhi yeeddaga olenddo wewa yadhowaga otempulu oJeruzale. Jhibo dhimodha dhanoniwe ninga jhibo dha Subida. (Sal. 120-134) Mowiwanana ni dholebela dha maJudewu, amwaana Ezarayeli yamwiiba Salmos a Halel. a obe yoomwibela jhibo Yehova mudhidhi wa paskwa.

Teto ofiya peeno, nlogo na Yehova nnovaha thima jhibo Dhomwene. Ohiya eyo, wiiba winookosa epaddi wa webedha wehu. (Efe. 5:19) Nnothabwa wandana ni addibilihu naamwibelaga jhibo Yehova. (Kol. 3:16) Teto wiiba jhibo, winonikavihera vanlubale nafwanyiwaga makathamiho oorusa mwigumini mwehu. (Dho. 16:25) Mwebaribarene wiiba jhibo makalelo owoniha wihina nnomuroromela Yehova ni nnomudhivela.