Yolebela ela enawoga: ‘Woona, vamuruddani onakaliwe, muthu ohawa onihiwaga goyi obe oviriganihiwaga wogowa ni opama, kutikine. Mwaha wi ole ali vampaddoni athongaga anathongiwa ni muthu mmodha ompitha oliye, teto ehikalawo amodha enna owedha wapitha aliwa.’ — Ecl. 5:8.

Ni monelo wa muthu, yolebela ela enawagana athu a guverno enna onamathonga. Mbwenye ohiya eyeneve, vihikala ebaribari yolibiha ni yohagalasa wodhela Yehova.

Eclesiastes 5:8 anamuwoga namathonga onawoniha goyi aliba ohawa teto ahinaasamalela ni makalelo owogowa. Namathonga ola enohoweleya ubuwelege wi, podi wera oliye onnawang’aneliwa ni muthu anna mutholo munlubale obe onna onamathonga ompitha oliye. Mwebaribarene podi wera ehikalawo amodha enna mutholo munlubale. Yowukulihaya sowi, muwari mwa guverno anamathonga atene podi okala athu abure, mwaha wa yeyo enona goyi baale enaathongiwa.

Naari dhithudha dhikalaga ninga soorusa, ehikalawo ethu enanlibiha. Wubuwelege wi Yehova onowawona ‘ale eri anamathonga’ muwari mwa guverno. Iyo podi omuroromela Mulugu ni omwaddela makathamiho ehu. (Sal. 55:22; Fil. 4:6, 7) Nihinona wi ‘mento a Yehova enosugwa elabo yatene, wihina emukavihere ole onna murima wapama.’ — 2 Cró. 16:9.

Mogwaddela, Eclesiastes 5:8 anasoriha ebaribari enereya muwari mwa guverno. Ohukalawo ole onna mutholo wapitha aliwa. Ethu yathimaya, yolebela ela enanubusedha wihina Yehova dinna onamathonga winlubale wapitha atene, mwebaribarene oliye di namathonga a vadhulu. Movanene oliye anathonga amulabihedhaga mwanaye Yesu Kiristu mwene a Omwene waye. Akopolo dhatedhene onosugwa dhatedhene, oliye dowogowa teto mwanayeya ori ndo.