Athu owinjhiva kanaaroromela ale enna owedha. Eyo enowoneleyamo, mwaha okuma kale athu enolabihedha owedha enniwana wihina yakwanihedhe nde enafuniiwa baahi. (Miq 7:3) Nnomutamalela vanlubale Yehova, mwaha onivaha anamaholela mulogo, enaxagihiwa wihina elabihedhe owedha wewa wi ekavihere nlogo na Yehova. — Est 10:3; Mt 20:25, 26.

Mohiyana ni anamathonga a elabo ela, anamaholela mulogo enowakwanihedha mutholo wewa mwaha wa odhivela enniwana ni Yehova vamodha ni nlogo naaye. (João 21:16; 1Ped 5:1-3) Teto ni dhoholela dha Yesu, anamaholela mulogo ala enomukavihera kadda namalaleya wonelamo wihina enokosa epaddi ya emudhi ya Yehova ni omukavihera onfiyedha Oliye. Aliwa enowakavihera mowaguva addibila epaddi yomuzimuni, yakala aredda ni yafwanyiwa ngovi. Akala we onohowela nikavihero, onoonamo aavi othapanya ni anamaholela a mulogo wawo? — Tg 5:14.

OSUGWE VIDIYU ANAMAKUKULA ENASAMALELA MAMBILA, WAMALA WAWAKULE MAKOHO ALA:

• Mariana aakaviheriwe aavi ni anamaholela mulogo?

  Olebevo yowakula yawo

• Elias aakaviheriwe aavi ni anamaholela mulogo?

  Olebevo yowakula yawo

• Nuvuruwana dhopadduwa ndha, anakala aavi wawonaga mabasa enapara anamaholela mulogo?

  Olebevo yowakula yawo