Naarive ahivahiwe nlamulo, Jako kanganyedha wihina Yehova di Mulugu eebaribari ni difwanelele webedhiwa. (Êx 20:3-5) Bumwahaya, Yehova numuloba Jako ohogolowela oBeteli, oliye wawaddela amudhaaye wihina erahile dhikamuthu dhosema yanniwana. Jako othukula dhikamuthu, njhilisi dhatedhene dhojerimela otibela. (Gén 35:1-4) Mohanganyedha, Yehova ahihagalala vanlubale nuliye.

Emodhave ni peeno. Nimwebedhege Yehova baahi. Nnande addi? Nrabele webedha dhikamuthu dhosema obe makanga. Akala nihikanna ethu-sithu eniwanana ni masenga, nivokere ode. Teto ohunasakule yaredhelo orajhihe wikoha: Ginodhiveliwa woona vidiyu obe malivuru enawoniha a vampiru, esukwa, kopolo dhahinadhuwanyeya? Obe ginodhiveliwa yaredhelo-si-yaredhelo enavolowela meera, ni othandda? Nikale wolapelawene ndhithu Yehova aniddiye.​—Sal 97:10.

OSUGWE VIDIYU “MMUKAKE SADDANA,” WAMALA WAWAKULE MAKOHO ALA:

• Yampadduwela ddi namahudhera a Bibliya ithaniwa Paula?

• Mwahaya bwaddi sapama waja nikavihero nanamaholela mulogo muthu afwanyiwaga makathamiho mwaha wa ademoniyu?

• Nafunaga obareliwa ni Yehova nikale wolapelawene ndhithu baani?

• Paula aasakule werana ethu baani?

• Makalelo baani onafuniwe warabela ademoniyu, murudda onakaliwe?