Paskwa oogomihera afuna omujha Yesu aakale a vayeka. Oliye ahinona wihina paskwa ole avira ere opiwa. Bumwahaya adhe egeredhege wihina amujhe ni arumiwaye ni atikitere Ojha wa Nabwiya. Yesu omuloba Peduru ni Juwawu wihina yegeredhe mburo yafuniwa omujha paskwa. (Lu 22:7-13 osugwe fotu ya vakapani.) Eyo enonubusedha wi enohowela wiwegeredha 27 a março mweri wowubuwela okwa wa Yesu ohunafiye. Mwebaribarene mulogo ohumusakula namawoga mwaha, athu enoose ekatheya ni dhithu dhimodha. Ki iyo nniisasanyedhe addi nlabo nowubuwela okwa wa Yesu nihinafiye?

Wegeredhe murima wawo. Wileri dholebela dhinawoga wodhela dhopadduwa dha Yesu ni wubuwelege pama. We podi ofwanya dholebela ndha mulivuruni Examine as Escrituras Diariamente. Obe wafunaga ononelamo pamadhene omusugwe Apêndice B12 a Tradução do Novo Mundo da Bíblia Sagrada. (Obe osugwe Mwana livuru na mutugumano na Abril a 2020.) Wihina ofwanye dhithu dhimodha dhinawoga wodhela thima enna yowobola wihina olabihedhe ohudhera wawo weemudhi omusugwe Índice das Publicações da Torre de Vigia obe Guia de Pesquisa para Testemunhas de Jeová.

Wawithane athu amodha wihina edhe nuubuwela okwa wa Yesu. Wilibihere wihina wawithane athu owinjhiva. Omubuwele muthu baani onafuniwe omwithana. Motajhiha, athu emuhudhere Bibliya ni we, athu owaanona ni amudhawo. Anamaholela mulogo kahiyo oddiwala wawithana ale edduddumadhe mmulogoni. Ki namwithana muthu ahinakala murudda wehu? Ovolowe mu site jw.org, oddabwinye vilebiwe WODHELA IYO wamala oddabwinye “Wubuwela.”

Dhitu baani dhimodha dhinahoweleya werana wihina nniisasanyedhe?