Hee. Ademoniyu angero ‘othega’ ni emurugunuwele Mulugu.’ (2 Pedro 2:4) Mungero oobajha amurugunuwele Mulugu di Saddana Ddiyabo Bibliya anamwithana, namathonga a Demoniyu — Mateus 12:24, 26.

Malabo a Nowe angero yahimurugunuwela Mulugu

 Bibliya anowoga wihina mutokora ohunadhe malabo a Nowe angero yahimurugunuwela Mulugu: ‘Ahima a Mulugu eebaribari wawona wi ahima anahiyana yabaliwe ni athu yahithabwa owoma. Wasakulelavo angasi-angasi, watela.’ (Génesis 6:2) Angero ayo abure ‘yahisukuma mburo wewa wapama odhulu’ vano owara mwiili wemuthu wihina yagonihege ahiyana yaari elabo yavati. —Judas 6.

 Nuthanyuwa mutokora angero ale ohiwelela ohiya mwiili wemuthu ohogolowela odhulu. Mbwenye nuuhogolowela odhulu kayakosa epaddi ya emudhi ya Mulugu. Ninga makalelo osinyusiwa, vano kinawedha owara mwiili wemuthu. — Efésios 6:11, 12.