Hee, mwaha nikaviherona nnadha wa Mulugu ‘anatodola, anahagala ni analibiha athu eri owukuwene.’—2 Coríntios 7:6.

•   Kopolo. Mulugu ‘kanahagalasa ni kanalibiha’ mwaha wamariha makathamihoya, mbwenye mwaha wowakula malobelo awo olobaga kopolo wihina owanena wukuuwa onniwena. (Filipenses 4:13) We podi okanna ebaribari wihina Mulugu anowuvuruwana walobelaga mwaha Bibliya anihina: ‘Yehova onowawaddamela ale enna murima woohoseya, teto onowavulusa ale ekwerebeyile.” (Salmos 34:18) Mwebaribarene, Mulugu anowuvuruwana wamulobaga nikavihero naarive ohandaga owoga ele enuthuwa-thuwiha. — Romanos 8:26, 27.

•   Dhopadduwa dhapama. Namaleba dhaala a Bibliya ahilobela egi: ‘Ngaali va makathamiho gahusayelani. Ethu yamukavihere salmista ola wari wubuwela wihina Mulugu anofuna onikurumuwela dhothega dhehu.’ Vano oliye oleba egi: ‘Mwahere mulebelaga dhothega dhehu dhatedhene, baani avuluwe? Mbwenye nyu munonikurumuwela, bumwahaya nigudhivelani.’ — Salmos 130:1, 3, 4.

•   Ejhehedhelo. Ohiya onitodolave, Mulugu anopaganya wamariha makathamiho enanitotela wukuuwa. Oliye aakwanihedha mpaganyo ola ‘kanubuwelege dhithu dha kale (ninga wukuuwa).’— Isaías 65:17.

 Osugwe: Naarive anamoona a Yehova enonaga wi Mulugu anookavihera, naaliwaya enoveda nikavihero naamediku yafwanyiwa oredda ola wothabwa wukuuwa. (Marcos 2:17) Mbwenye kannamuthomela muthu murombwe woojha, nihinona wihina kadda muthu ohukanna yothoma yaye.