Nikuru na Anamoona a Yehova nibanjhe sekulu 19. Mudhidhi yole nikuru ning’ono namahudhera a Bibliya waddamela Pittsburgh, Pensilvânia, elabo yo Wistadu Unidu obajha omusanya Bibliya. Aliwa yoliganiha dhithu dhahudhiha anyagereja nindhe dhinahudhiha Bibliya. Aliwa obajha olaleya dhithu yafwanyiwa elabihedhaga malivuru ni revista peeno nnoniwe ninga Namasugwera — Alaleyaga Omwene wa Yehova.

 Mmodha a nikuru nenna na anamahudhera a Bibliya ali mulobwana ithaniwa Charles Taze Russell. Naarive Russell agasogolele mabasa omuhudhiha bibliya mudhidhi yole ni okala oobajha omuleba Namasugwera kahiyo oliye iitile gereja ya Anamoona a Yehova. Yofuna ya Russell ni anamahudhera Bibliya amodha a nsaka nenne, wari olaleya dhohudhiha dha Yesu Kiristu ni ohara mweddelo wa makiristawu oobajha. Woona wihina Yesu Ditale mulogo wekiristawu, iyo nnamona oliye ninga namiita anikuru nehu. — Colossenses 1:18-20.