Athu owinjhiva enona mwigimanyo ninga yintelelo ya makiristawu aatene. Naarive Anamoona a Yehova egaali makiristawu kinalabihedha mwigimanyo yamwebedhaga Mulugu. Mwaha waddi?

 Ethu yobajha Bibliya kanawoga wi Yesu akwile va mwigimanyoni mbwenye anawoga wi Yesu akwile vantxikwani obe vamusathini. Ohiya eyo Bibliya anihina makiristawu ethawe webedha ‘dhikwa muthu dhosema’ enavolowelavo ohulabihedha mwigimanyo.—1 Coríntios 10:14; 1 João 5:21.

 Sapama wawubuwela madhu ala awogile Yesu egi: ‘Mowindo athu aatene enere onona wi muri anamahara aaga: mwadhivelanaga mmodha ni mukwaye.’ (João 13:34, 35) Ni madhu yala Yesu ohoniha wihina fudhivela winatonyihedha makiristawu ebaribari ohiya mwigimanyo obe ekwamuthu yosema.