Leʼek ti walak u kʼämik a yajilal a maka walak u kʼaatik «Kʼuʼkaʼa tan in kʼämik a yaja?» Mil u kiʼil ti wool ti leʼek a Bʼibʼle walak u nuuktik ti chilam a kʼaatchiʼ abʼeʼe!

1. Bʼiki ti yanaji a kʼasil yokʼolkabʼ umen a Kisini?

A Kisini u pochʼa u tʼan a Dʼioso. U kʼati a gobʼernaar yokʼolooʼ a kristiyaano mentäktunu u choʼaj aj Adan etel ix Eva, tiʼi kaʼ u pochʼooʼ u tʼan a Dʼioso. U tusaj ix Eva. (Genesis 3:1-5) U bʼetaj kaʼ u tukle ti leʼek a Jehovah tan u mächik a bʼaʼal a kiʼ tiʼi ix Eva. U yadʼajlik ti mas kiʼakooʼ u yool a kristiyaano wa maʼ u tzʼokʼsikooʼ a Dʼioso. A primero tus u bʼetaja, leʼek kaʼ u yadʼaj ti maʼ kimil u kaʼa ix Eva. A Bʼibʼle u yadʼaj «Alaʼaji, aj tus bete cuenta u tat aj tus u men leʼec u yaax cajsaj.»​—Juan 8:44.

2. Kʼuʼ u bʼetajooʼ aj Adan etel ix Eva?

A Jehovah u tzʼaj kʼuʼ a kiʼ tiʼijooʼ aj Adan etel ix Eva. U yadʼaj tiʼijooʼ ti jedʼeʼekooʼ u jantik tulakal u wich a cheʼ a yana, jadʼiʼ junteklik a maʼ u jantikooʼ u wich. (Genesis 2:15-17) U jantajooʼilik u wich a cheʼ abʼeeʼ. Ix Eva «u [uxaj] u wich a cheʼe y kaji u jante.» Pachili, leʼek aj Adan «kajilik u jante.» (Genesis 3:6) Ket maʼ u tzʼokʼsajooʼ u tʼan a Dʼioso. Umen maʼloʼ ti bʼetabʼooʼ jedʼeʼek kuchi u bʼetikooʼ a tukul a kiʼi. Pero adʼooʼ maʼ uchooʼ u tzʼokʼsaj. Uchooʼ u sipʼil. U yeʼajooʼ ti maʼ u kʼatooʼ kaʼ adʼabʼäkooʼ tiʼi umen Dʼios kʼuʼ a kaʼ u bʼetooʼ y kʼuʼ a maʼ u bʼetikooʼ. Yaabʼ a yajil u kʼämajooʼ umen kʼuʼ u bʼetajooʼo.​—Genesis 3:16-19.

3. Kʼuʼ a yanaji umen uchooʼ u sipʼil aj Adan etel ix Eva?

Tupach ti uchooʼ u kʼebʼan aj Adan etel ix Eva, maʼ kaʼ maʼloʼooʼi y u mansajooʼ tun tiʼijooʼ u tzʼubʼ. A Bʼibʼle u yadʼaj: «Yanaji a sipʼil yocʼolcab u men a jun tuulu, leʼec aj Adan. U men yanaji a sipʼili, yanaji a quimili. Yanaji u laj quimil tulacal a cristiano yocʼolcab u men u laj cüxtajooʼ u sipʼil.»​—Romanos 5:12.

Yaabʼ kʼuʼkaʼa walak ti kʼämik a yaja. Yan ti kʼin walak ti kʼämik a yaj umen a tukul a maʼ toj walak ti bʼetiki. Walaklik ti kʼämik a yaj umen a tukul a maʼ toj walakooʼ u bʼetik a maka. Yan ti kʼin walak ti kʼämik a yaja umen tiempo teʼ keʼenoʼon tubʼaj uchi a sabʼeʼentzili.​—Xoko a Eclesiastes 9:11.

 MAS KAMBʼALTETO

4. Leʼek mak a keʼen tupach a yajilal a walak ti kʼämik

Yaabʼ mak walak u tzʼokʼsik ti Dʼios tan u kontrolaartik a yokʼolkabʼa. Jaj wa abʼeeʼ? Chaʼanteʼex a VIDʼEO.

Xokeʼex a Santiago 1:13 etel a 1 Juan 5:19–​NWT, kaʼtun tzikbʼalteʼex a kʼaatchiʼ adʼaʼa:

• Dʼios wa tan u bʼetik kaʼ yanak a yajil etel a kʼasili?

5. Kʼuʼ a tan u yuchul uchukal u kaal ti gobʼernaar a Kisini

1. Leʼek aj Adan etel ix Eva maʼloʼooʼ y tuwich a kichʼpan yokʼolkabʼ kunlajooʼ. Pero u tzʼokʼsajooʼ a Kisini y u pochʼajooʼ u tʼan a Jehovah

2.   Umen maʼ uchooʼ u tzʼokʼsaj tʼan yanaji a sipʼili, a yajilala y a kimil tuwich a yokʼolkabʼa

3. A Jehovah bʼel u kaʼa u jobʼes a sipʼili, a yajilala y a kimili. A kristiyaano bʼelooʼ u kaʼa ti maʼloʼtal y bʼelooʼ u kaʼa ti kuntal ichil a kichʼpan yokʼolkabʼ

6. A Jehovah yan u kuentaj toʼon ti tan ti kʼämik a yaja

Yan wa u kuentaj a Dʼios tiʼitoʼon ti tan ti kʼämik a yaja? Tzʼaj ti kuentaj kʼuʼ u tzʼiibʼtaj aj Rey David etel aj apostolo Pedro. Xokeʼex a Salmo 31:7 etel a 1 Pedro 5:7, kaʼtun tzikbʼalteʼex a kʼaatchiʼ adʼaʼa:

• Bʼiki a wool ti tan a weeltik ti a Jehovah yan u kuentaj tiʼitoʼon ti tan ti kʼämik a yaja?

 KʼUʼ A KÄNAJA

U sipʼil Kisin y u sipʼil aj Adan etel ix Eva ti yanaji a kʼasil tuwich a yokʼolkabʼa. A Jehovah yan u kuentaj tiʼitoʼon y seebʼaʼan u jobʼsik a yajilala.

Tzikbʼalbʼäl kʼuʼ ti känaja

• Kʼuʼ ti tusil a adʼabʼi tiʼi ix Eva umen a Kisini?

• Umen u pochʼaj u tʼan a Jehovah aj Adan etel ix Eva, kʼuʼ ti kʼämajeʼexe?

• Bʼiki ti weel ti yan u kuentaj tiʼitoʼon a Jehovah ti tan ti kʼämik a yaja?