KAMBʼAL 13
Bʼiki ti maʼ Tanooʼ u Tzʼokʼsik a Dʼios a Religion a maʼ Jaja
Wa yan u yakunaj a Dʼioso, kʼuʼkaʼa tun yaabʼooʼ a religion tanooʼ u yadʼik ti tanooʼ u tzʼokʼsik a Dʼioso pero walakooʼ u bʼetik kʼuʼ a kʼasa? Leʼekooʼ a religion a jabʼix abʼeeʼ, maʼ jajooʼi, maʼ walakooʼ u yadʼik u jajil u pektzil a Dʼioso. Bʼiki ti tanooʼ u bʼetik abʼeeʼ? Bʼiki u yool a Dʼios etel kʼuʼ a tanooʼ u bʼetiki? Kʼuʼ a bʼel u kaʼa u bʼeteʼ a Dʼioso?
1. Bʼiki ti maʼ jaj kʼuʼ a walak u kaʼansik a religion tupektzil a Dʼioso?
Leʼekooʼ a religion a maʼ jaja «u jelajooʼ a bʼaʼal a jaj talaʼan etel a Dʼioso. Kajooʼ u kaʼanse a tusu.» (Romanos 1:25) Yaabʼooʼ a religiono, maʼ walakooʼ u kaʼansik u kʼabʼaʼ a Dʼios tiʼijooʼ u meembʼro. Pero a Bʼibʼle walak u yadʼik kaʼ ti usaarte u kʼabʼaʼ a Dʼioso. (Romanos 10:13, 14) Yanooʼ aj chʼaʼbʼeje walakooʼ u yadʼik ti Dʼios u kʼati ti walak u uchul a yaj tiʼijooʼ kristiyaano pero maʼ jaj abʼeeʼ. Maʼ Dʼios u xookil a kʼasili. (Xoko a Santiago 1:13.) Umen a tus a walakooʼ u kaʼansik a religiono, yaabʼ a kristiyaano jabʼix maʼ jedʼeʼekooʼ u naʼtzʼtal etel a Dʼios ti walakooʼ u tuklik.
2. Bʼiki ti tanooʼ u yeʼik religion etelooʼ u modʼo ti maʼ jaj ti tanooʼ u tzʼokʼsik a Dʼioso?
A religionooʼ a maʼ jaja maʼ walak u trataartikooʼ a kristiyaano jabʼix tukʼati a Jehovah. U yadʼaj Bʼibʼle ti leʼek a religion a maʼ jaja «Top mani tu pach u sipʼil bete cuenta tac ti caʼan u caʼnalil u yaabil u sipʼil.» (Revelacion 18:5) Uchi kaakooʼ u yokes u bʼajil ichil a poliiticojo. Walak u yaantikooʼ a walakooʼ u bʼel ti gerra. Yaabʼ a walak u kimil umenooʼ. Ulaakʼili walakooʼ u kʼaat takʼin tiʼijooʼ u meembʼro y alaʼooʼo ayikʼalooʼ y kiʼooʼ u kuxtal. Etel bʼoon a tanooʼ u bʼetiki tanooʼ u yeʼik ti maʼ u yeelooʼ a Dʼioso. Maʼ u naj ti tanooʼ u tzʼokʼsaj umen maʼ toj kʼuʼ a tanooʼ u bʼetiki.—Xoko a 1 Juan 4:8.
3. Bʼiki u yool a Dʼios etel a religion a maʼ jaja?
Wa maʼ kiʼ a wool etel kʼuʼ a tanooʼ u bʼetik a religion a maʼ jaja, bʼikitun u yool a Jehovah ti walak a tukliki? A Jehovah maʼilik kiʼ tuwich kʼuʼ a tanooʼ u bʼetik aj chʼaʼbʼeje, umen maʼ jaj kʼuʼ a walakooʼ u kaʼansik tupektzil y maʼ tanooʼ u trataartik u meembʼro ti kiʼ. A Jehovah yaj u yubʼooʼ a kristiyaano. Tan u promesartik ti kʼochol u kaʼa a tiempo ti «maʼ tu caʼ cüxtabül» a religion a maʼ jaja. (Revelacion 18:21) Ti bʼoobʼeʼe, a Dʼioso seebʼaʼan u laj jobʼsik a religion a maʼ jaja.—Revelacion 18:8.
MAS KAMBʼALTETO
Kambʼalte bʼiki u yool a Dʼios tupach a religion a maʼ jaja. Kambʼaltelik kʼuʼ a bʼetajaʼanooʼ umene y bʼiki ti maʼ a chaʼik u mächikech abʼeeʼ tiʼi kaʼ a mas naʼtej u pektzil a Jehovah.
4. Maʼ laj kʼämoolaʼan tulakal a religion umen a Dʼioso
Yaabʼ mak walakooʼ u tzʼokʼsik ti leʼek a religiono, jabʼix a bʼej a jujumpaaya y laj etel Dʼios tan u bʼel. Pero, jaj wa abʼeeʼ? Xokeʼex a Mateo 7:13, 14, kaʼtun tzikbʼalteʼex a kʼaatchiʼ adʼaʼa:
-
Kʼuʼ u yadʼaj a Bʼibʼle tupektzil a bʼej a tiʼi kuxtala?
Chaʼanteʼex a VIDʼEO, kaʼtun tzikbʼalteʼex a kʼaatchiʼooʼ adʼaʼa.
-
U yadʼaj wa Bʼibʼle ti yaabʼ a religion kʼämoolaʼan umen Dʼioso?
5. A religion a maʼ jaja maʼ walak u yeʼik u yakunaj a Dʼioso
Ila bʼiki ti walak u yeʼik religion ti maʼ jaj ti tanooʼ u tzʼokʼsik a Dʼioso. Junpʼeel a bʼaʼal a jumpul maʼ kiʼ a walakooʼ u bʼetiki leʼek ti walakooʼ u yoksik u bʼajil ich gerra. Tiʼi kaʼ a wilaʼ a jumpʼeel ejemploj, chaʼanteʼex a VIDʼEO. Kaʼtun tzikbʼalteʼex a kʼaatchiʼooʼ adʼaʼa.
-
Kʼuʼ u bʼetajooʼ a kʼunaj ti uchi u kaʼpʼeelil a noxiʼ gerra yokʼolkabʼ?
-
Bʼiki a wool etel kʼuʼ u bʼetajooʼ?
Xokeʼex a Juan 13:34, 35 y 17:16. Kaʼtun tzikbʼalteʼex a kʼaatchiʼooʼ adʼaʼa:
-
Bʼiki u yool a Jehovah ti walak u yoksikooʼ u bʼajil a religion ich gerra?
-
Yaabʼ a kʼas u bʼetooʼ a religion a maʼ jaja. Kʼuʼ a wilaʼ inchech, a walakooʼ u bʼetiki?
Leʼek a religion a maʼ jaja maʼ tan u yeʼik u yakunaj a Dʼioso
6. A Dʼioso u kʼati u yaantooʼ a mak kaʼ jokʼokooʼ ichil a religion a maʼ jaja
Xokeʼex a Revelacion 18:4, a kaʼtun tzikbʼalteʼex a kʼaatchiʼ adʼaʼa:
-
Bʼiki a wool ti tan a känik ti leʼek a Dʼioso, u kʼati u saʼaltej a mak a keʼenooʼ ichil a religion a maʼ jaja?
7. Pulʼoolte a kambʼaltik u pektzil a jajil Dʼioso
Jedʼeʼek wa a wadʼik ti maʼ kiʼ a Dʼioso, umen kʼuʼ a tanooʼ u bʼetik a religion a maʼ jaja? Tuklej juntuul a mejentzil a tan u chiitbʼil umen u tata, maʼ u kʼati u kʼämooltej kʼuʼ a tan u adʼabʼäl tiʼi. Jokʼi ichil u yotoch u tat y bʼini u bʼeteʼ a kaʼax kʼuʼaka. Maʼ kiʼ tuwich u tat kʼuʼ a tan u bʼetiki. Pero toj wa kaʼ ti wadʼäʼ ti tattzil a yan u sipʼili?
-
Toj wa kaʼ ti pʼätäʼ ti kambʼaltik u pektzil a Jehovah, umen kʼuʼ a tanooʼ u bʼetik a religion a maʼ jaja?
YAN MAK WALAK U YADʼIK: «Maʼ in kʼati in wuyi u pektzil a religiono, kaʼax kʼuʼak u bʼetooʼ.»
-
Bʼoobʼeʼ wa a wool incheche?
-
Kʼuʼkaʼa maʼ a chaʼik tiʼi kʼuʼ a walak u bʼetik a religion a maʼ jaja, tiʼi kaʼ a wilaʼ ti maʼ kiʼ a Jehovah?
KʼUʼ A KÄNAJA
A religion a maʼ jaja, maʼ tanooʼ u kaʼansik u jajil u pektzil a Dʼioso y jedʼeʼekilik a wilik abʼeeʼ etel kʼuʼ a tanooʼ u bʼetiki. A Dʼioso bʼel u kaʼa u jobʼes a religion a maʼ jaja.
Tzikbʼalbʼäl kʼuʼ ti känaja
-
Bʼiki a wool etel kʼuʼ a walakooʼ u kaʼansik a religion a maʼ jaja y etel kʼuʼ a walakooʼ u bʼetiki?
-
Bʼiki u yool a Jehovah etel a religion a maʼ jaja?
-
Kʼuʼ a bʼel u kaʼa u bʼeteʼ a Dʼios tiʼijooʼ a religion a maʼ jaja?
MAS ILATOJ
Kambʼalte kaʼpʼeel bʼiki ti maʼ tanooʼ u tzʼeek u yanil a Dʼios a religion a maʼ jaja.
«Laj Ket wa a Religiono? Laj Bʼel wa u Kaʼa u Naʼtzʼkunteech Etel Dʼios?» (Web article)
Kʼuʼkaʼa u kʼati Jehovah kaʼ ti tzʼaaʼ u yanil ich komonil etelooʼ ti wettzʼokʼsajil?
Juntuul paadʼe maʼ kiʼ tuwich kʼuʼ a tan u bʼetik u religion. Pero maʼ u chaʼa kaʼ wetʼbʼek u kambʼalte u pektzil a jajil Dʼioso
«Kʼuʼkaʼa u Pʼätik u Kʼunaj Juntuul a Paadʼeje» (Awake!, February 2015)
Uchi kaak a religiono u kaʼanse a tus tupektzil a Dʼioso. Naʼtej u tojil oxpʼeel a tus walakooʼ u kaʼansiki.
a Tiʼi kaʼ a naʼtej kʼuʼkaʼa walak u yadʼik Revelacion ti leʼek a religion a maʼ jaja, leʼek ix chʼupʼ a tzʼajaʼan u kʼabʼaʼ ti noxiʼ kaj Babylonia, ila a Puunto 1 a yan tak tupach a juʼum.
