KAMBʼAL 14
Bʼiki ti Jedʼeʼek ti Nakʼsik u Yanil a Dʼios Ichil u Tojili?
Jabʼix ti kambʼaltaj ichil a kambʼal 13, maʼ tulakal religion kʼämoolaʼan umen a Dʼioso. Pero jedʼeʼek ti kiʼkuntik u yool ti waj Bʼetajil leʼek kaʼ ti tzʼaaʼ u yanil jabʼix tukʼatiji. Bʼikiʼil «a tzʼokʼsaj [a religion]» a kʼochaʼan tuwich a Dʼioso? (Santiago 1:27–NWT, a tzʼiʼ puunto yalam) Kambʼalte kʼuʼ a tan u kaʼansik a Bʼibʼle?
1. Tubʼaj kaʼ jokʼok kʼuʼ a kaʼ ti tzʼokese?
«Jaj a tʼan» kutʼan a Jesus tiʼi a Dʼioso. (Juan 17:17) Leʼek kʼuʼ a yan ichil a Bʼibʼle leʼek a kaʼ ti tzʼokese. Yanooʼ a religion maʼ walakooʼ u tzʼokʼsik a jaj yan ichil u tʼan a Dʼios. Pero tanooʼ u tzʼokʼsik a kostuumbʼre waxan a tukul a walak u kaʼansik a winiki. Walakooʼ u «pʼütic [u] tzʼocsic u tʼan [a] Dios tiʼi [u tzʼokʼsikalooʼ] a cʼuʼ u pʼütajooʼ a uchbene» a Jehovah maʼ kiʼ tuwich abʼeeʼ. (Xoko a Marcos 7:9.) Walak ti kiʼkuntik u yool a Jehovah ti tan ti tzʼokʼsik kʼuʼ a yan ich Bʼibʼle.
2. Bʼiki kaʼ ti tzʼaaʼ u yanil a Jehovah?
Umen Jehovah ti waj Bʼetajil jadʼi leʼek a kaʼ ti tzʼaaʼ u yanil. (Revelacion 4:11) Ti bʼoobʼeʼe, tzaj ti yeʼik ti yakunaj tiʼi. Chen leʼek a bʼel ti kaʼa ti tzʼaaʼ u yanil y maʼ bʼel ti kaʼa ti usaarte a dʼios a chen bʼetabʼälä waxan letraatoj.—Xoko a Isaias 42:8.
«Tzʼajeʼex tiʼi a Dios a cuxtal a jabix a quiʼ tu wichi.» (Romanos 12:1) U nuʼkul abʼeeʼ, bʼel ti kaʼa ti tzʼokes u ley. Por ejemploj, leʼek mak yaj u yubʼi a Dʼioso walak u tzʼokʼsik u ley yokʼlal a tzʼokolbʼeele. Maʼ walak u kʼuutz y u kaaläl. a
3. Kʼuʼkaʼa kaʼ ti komon nakʼes u yanil a Jehovah etelooʼ ti wettzʼokʼsajil?
Leʼek ti tan ti muchʼtal kadʼa semaana tan «ti wadʼik u kiʼil a Jehovah. . . ichil ti muchʼnala.» (Salmo 111:1, 2) Junpʼeel bʼiki ti tan ti bʼetik abʼeʼe leʼek ti tan ti kʼay. (Xoko a Salmo 104:33.) A Jehovah yaj u yubʼoʼon, tan u yadʼiktoʼon kaʼ xikoʼon ti muchʼtal umen jedʼeʼek u yaantikoʼon tiʼi kaʼ yanak tiʼitoʼon a kuxtal ti bʼebʼeel. Leʼek ti tan ti bʼel ti muchʼtal bʼel ti kaʼa ti chichkuntooʼ u yool ti wetʼok y bʼelilik u kaʼa u chichkuntooʼ ti wool.
MAS KAMBʼALTETO
Ila kʼuʼkaʼa maʼ kiʼ tuwich Jehovah kaʼ ti usaartej a bʼaʼal a chen bʼetbʼel waxan letraatoj ichil ti tzʼokʼsaj. Eelte top bʼiki ti jedʼeʼek ti tzʼeek u yanil a Dʼioso.
4. Maʼ ti usaartik a bʼaʼal a bʼetabʼälä waxan letraatoj ichil ti tzʼokʼsaj
Bʼiki ti weel ti maʼ kiʼak tuwich Dʼios? Chaʼanteʼex a VIDʼEO, kaʼtun tzikbʼalteʼex a kʼaatchiʼooʼ adʼaʼa.
-
Kʼuʼ u kʼämajooʼ u jente a Dʼios uchiji, leʼek ti tanooʼ u usaartik a bʼaʼal a chen bʼetbʼi tiʼi kaʼ u tzʼaʼooʼ u yanil a Dʼioso?
Yanooʼ a mak walak u tuklik leʼek ti tanooʼ u usaartik a bʼaʼal a chen bʼetbʼele waxan letraatoj, naʼtzʼooʼ tutzeel a Dʼioso. Pero jaj wa ti tan u naʼtzʼkunbʼul tutzeel a Dʼioso jabʼix tan u mas naachkunbʼul? Xokeʼex a Exodo 20:4-6 etel a Salmo 106:35, 36, kaʼtun tzikbʼalteʼex a kʼaatchiʼooʼ adʼaʼa:
-
Kʼuʼ a walak a wilik a walakooʼ u usaartik a mak ti tanooʼ u tzʼeek u yanil a Dʼioso?
-
Bʼiki u yool a Jehovah etel u usaarbʼäl a bʼaʼal a chen bʼetbʼel waxan letraatoj?
-
Bʼiki a wool etel u usaarbʼäl a bʼaʼal a chen bʼetbʼel waxan letraatoj?
5. Wa chen Jehovah a kaʼ ti tzʼaaʼ u yanili maʼ kaʼ bʼel ti kaʼa ti choʼbʼol umen a kaʼansaj a maʼ yan u jajili.
Eelte bʼiki ti leʼek ti tan ti tzʼeek u yanil a Dʼios Jehovah ichil u tojili, maʼ kaʼ bʼel ti kaʼa ti choʼbʼol umen a kaʼansaj a maʼ yan u jajili. Chaʼanteʼex a VIDʼEO.
Xokeʼex a Salmo 91:14, kaʼtun tzikbʼalteʼex a kʼaatchiʼ adʼaʼa:
-
Kʼuʼ a bʼel u kaʼa u bʼeteʼ toʼon a Jehovah, wa chen leʼek a kaʼ ti tzʼaaʼ u yanil umen yaj ti wuyi?
6. Walak ti muchʼtal ich muchʼnalil ti nakʼes u yanil a Dʼioso
Leʼek ti tan ti kʼay y ti tan ti tzʼeek ti nuuk ichil a muchʼtala, tan ti wadʼik u kiʼil a Jehovah y tan ti chichkuntikooʼ u yool ti wetʼok. Xokeʼex a Salmo 22:22, kaʼtun tzikbʼalteʼex a kʼaatchiʼooʼ adʼaʼa:
-
Kiʼ wa tawich a wuyikooʼ u nuuk a mak ichil a muchʼtala?
-
A kʼati wa a listaarte a nuuk incheche?
7. Kiʼ u yool a Jehovah ti walak ti jätzik kʼuʼ a walak ti käniki
Yaabʼ bʼiki ti jedʼeʼek ti jätzik a jaj a yan ich Bʼibʼle tiʼijooʼ ulaakʼ a maka. Xokeʼex a Salmo 9:1 y 34:1, kaʼtun tzikbʼalteʼex a kʼaatchiʼ adʼaʼa:
-
Kʼuʼ a känaj ichil a Bʼibʼle a kʼati a jätzäʼ tiʼi ulaakʼ a maka?
YAN MAK WALAK U YADʼIK: «Maʼ jedʼeʼek a paatal a tzʼaaʼ u yanil a Dʼioso.»
-
Kʼuʼ a tukul incheche?
KʼUʼ A KÄNAJA
Walak ti kiʼkuntik u yool ti waj Bʼetajil ti jadʼiʼ leʼek a tan ti nakʼsik u yanil, tanil ti adʼik u kiʼil ichil ti muchʼtal y ti tanil ti jätzik kʼuʼ a walak ti känik tiʼijooʼ ulaakʼ a maka.
Tzikbʼalbʼäl kʼuʼ ti känaja
-
Tubʼaj jedʼeʼek ti känik bʼiki kaʼ ti tzʼaaʼ u yanil a Dʼios ichil u tojili?
-
Kʼuʼkaʼa jadʼiʼ Jehovah a kaʼ ti tzʼaaʼ u yanil?
-
Kʼuʼkaʼa kaʼ ti tzʼaaʼ u yanil a Dʼios ich komonil etelooʼ a mak u kʼatilik u tzʼaaʼ u yanil a Dʼios ichil u tojil?
MAS ILATOJ
Xoko u pektzil juntuul ix chʼup bʼiki kaʼ u pʼätaj u tzʼeek u yanil a bʼaʼal a chen bʼetbʼel. Ichil a kuentaj, «Maʼ kaʼ Walak in Tzʼeek u Yanil a Bʼaʼal a Chen Bʼetbʼel.»
«A Bʼibʼle Walak u Jelik u Kuxtal a Maka» (The Watchtower, July 1, 2011)
Naʼtej kʼuʼ jedʼeʼek u aantikech kaʼ a tzʼaaʼ a nuuk ichil a muchʼtala.
«Adʼä u kiʼil a Jehovah Ichil a Muchʼnala» (The Watchtower, January 2019)
Ila bʼiki kaʼ u yilaj u kiʼil a muchʼtal juntuul aj tzʼutzʼubʼ mak kaʼax maʼ kʼuʼun tiʼi u bʼetik.
Yaabʼ a mak walak u tzʼokʼsik ti kʼabʼeet a crus ichil a tzʼokʼsaja pero kaʼ wa ti usaarte?
«A Testigojooʼ Tiʼi Jehovah maʼ Walakooʼ u Usaartik a Crusu, Kʼuʼkaʼa?» (Web article)
a Bʼel u kaʼa tzikbʼalbʼäl u pektzilooʼ adʼaaʼ ichil ulaakʼ a kambʼala.