KAMBʼAL 15
Maki a Jesusu?
Yaabʼ mak u yeel a Jesusu. Pero chen u kʼabʼaʼ u yeelooʼo, maʼ u yeelooʼ top maki a Jesusu. Jujumpaay tak ti walakooʼ u tuklik maki. Kʼuʼ u yadʼaj a Bʼibʼle tupektzil a Jesusu?
1. Maki a Jesusu?
A Jesusu juntuul ʼaanjel a yan u mukʼ ti kaʼan. Leʼek a primero bʼetbʼi umen Dʼios ʼaantes u bʼetik ulaakʼooʼ a bʼaʼala. Mentäkä u yadʼaj Bʼibʼle ti «Leʼec ti maʼax to betabüc a maʼax cʼuʼiji, yan ilic alaʼaji.» (Colosenses 1:15) Walak u yadʼik Bʼibʼle ti leʼek «u Mejen [a Dʼioso,] a jun tuul ilic tu bajili» umen Jehovah u bʼetaj. (Juan 3:16) Uchi u komon meyaj etel u Tat tiʼi kaʼ u bʼeteʼ ulaakʼooʼ a bʼaʼala. (Xoko a Proverbios 8:30.) Walak u yilik u kiʼil a meyaj tutzeel u Tat. Junpʼeel a meyaj walak u tzʼabʼäl tiʼiji, leʼek kaʼ u mansej u tʼan u Tat, mentäktunu walak u yadʼik a Bʼibʼle ti leʼek «a [Tʼana].»—Juan 1:14.
2. Kʼuʼkaʼa tali a Jesus yokʼolkabʼa?
Tzʼeek manal 2,000 jaabʼ aleebʼe a Dʼios Jehovah u bʼetaj a milagro. U usaartaj u yaj maʼloʼ esperiito kaʼ u jokʼsej u kuxtal u mejen ti kaʼan. U tzʼaj tiʼi juntuul ix chʼuʼ ix Maria u kʼabʼaʼ kaʼ u yankunte. Bʼoobʼeʼ ti tali ti yantal a Jesus wayeʼ yokʼolkabʼ ti kristiyaanojil. (Xoko a Lucas 1:34, 35–NWT.) Tali a Jesus wayeʼ tuwich yokʼolkabʼ ti kuxtal umen leʼek a Mesiasa, waxan Cristo, u yaj saʼalilooʼ a kristiyaano. a Tulakal a profecia u yadʼaj a Bʼibʼle tupektzil a Mesiasa jajaji umen a Jesusu, jedʼeʼekooʼtun u paatal u naʼtej kristiyaano ti leʼek «[a Cristo] leʼec u Mejen a Dios a cuxaʼana.»—Mateo 16:16.
3. Tubʼaj keʼen a Jesus aleebʼe?
Tupach ti kimi a Jesus wayeʼ yokʼolkabʼa kaʼ likʼsabʼi ti esperiitojil y uskʼaji tupach ti kaʼan. Ti kaʼana «tzʼabi tiʼi ti top yaab u yanil u men a Dioso.» (Filipenses 2:9) A Jesus aleebʼe juntuul ʼaanjel a chukul yan u mukʼ. Pero Jehovah a mas yan u mukʼ tuwich a Jesusu.
MAS KAMBʼALTETO
Mas naʼtej top maki a Jesusu y kʼuʼkaʼa mil kʼabʼeet kaʼ a kambʼalte u pektzil.
4. A Jesusu maʼ leʼek a Dʼios Noochtzil a Top Yaabʼ u Mukʼ
Juntuul ʼaanjel a Jesus ti kaʼan aleebʼe y yan u mukʼ. Pero a Bʼibʼle walak u yadʼik ti walak u tzʼokʼsik u Tat. Kʼuʼkaʼa jedʼeʼek ti wadʼik ti jaj ti bʼoobʼeʼ? Chaʼanteʼex a VIDʼEO tiʼi kaʼ a ileʼex kʼuʼ a tan u kaʼansik a Bʼibʼle tupektzil bʼiki ti jumpaay a Jesus etel a Dʼios a yaabʼ u mukʼu.
Leʼekooʼ a scripturaj a yana bʼel u kaʼa u yaantoʼon ti chʼaʼtojte bʼiki ti jumpaay a Jesus etel a Jehovah. Xokeʼex a kadʼa scripturaj, kaʼtun tzikbʼalteʼex a kʼaatchiʼi.
Xokeʼex a Lucas 1:30-32.
-
Kʼuʼ yadʼaj a ʼaanjel tupektzil bʼiki ti yan a Jesus etel a Dʼios Jehovah, «a nooch u yanili»?
Xokeʼex a Mateo 3:16, 17–NWT.
-
Leʼek ti jobʼi ti okjaʼ a Jesusu, kʼuʼ u yadʼaj a tʼan uchi ti kaʼana?
-
Maki a uchi u tʼan ti walak a tukliki?
Xokeʼex a Juan 14:28.
-
Mak a mas uchbʼene y a mas yan u yanili? Leʼek wa a tattzili jabʼix leʼek a mejentzili?
-
Leʼek kaʼ u yadʼaj Jesus ti Jehovah u tat, kʼuʼ a tan u kaʼansik toʼon abʼeeʼ?
Xokeʼex a Juan 12:49.
-
Walak wa u tuklik Jesus ti ket etel u Tat? Kʼuʼ a tukul?
5. Kʼuʼ tan u yeʼik ti Mesias a Jesusu
Yaabʼ a profecia bʼini u tzikbʼalte a Bʼibʼle tiʼi kaʼ naʼtabʼäk maki a Mesiasa—leʼek a käxtabʼi umen Dʼios tiʼi kaʼ u saʼaltooʼ a kristiyaano. Chaʼanteʼex a VIDʼEO tiʼi kaʼ a wileʼex tzʼeekak a profeciajooʼ u jajkuntaj a Jesus ti tali yokʼolkabʼa.
Xokeʼex a profeciajooʼ a yan ichil a Bʼibʼle, kaʼtun tzikbʼalteʼex a kʼaatchiʼi:
Xokeʼex a Miqueas 5:2 tiʼi kaʼ a weelteʼex tubʼaj kuxaji a Mesiasa. b
-
Leʼek tubʼaj kuxaji a Jesusu u jajkuntaj wa a profecia adʼaʼa? —Mateo 2:1.
Xokeʼex a Salmo 34:20 etel a Zacarias 12:10 tiʼi kaʼ a wileʼex bʼiki ti jajaji a profecia a adʼajaʼan tupektzil bʼiki ti kimil u kaʼa a Mesiasa.
-
Jajajooʼ wa a profeciajooʼ adʼaaʼ? —Juan 19:33-37.
-
Jesus wa u bʼetaj kaʼ jajak a profeciajooʼ adʼaʼa, bʼiki ti walak a tuklik?
-
Kʼuʼ a tan u yeʼik tech adʼaaʼ tupektzil a Jesusu?
6. Leʼek ti tan ti kambʼaltik u pektzil a Jesusu yaabʼ u kiʼil tiʼitoʼon
A Bʼibʼle u yadʼaj ti mil kʼabʼeet kaʼ ti kambʼalte u pektzil a Jesusu y kaʼ ti naʼtej kʼuʼ u kʼati a Dʼios kaʼ u bʼeteʼ. Xokeʼex a Juan 14:6 etel a 17:3, kaʼtun tzikbʼalteʼex a kʼaatchiʼ adʼaʼa:
-
Kʼuʼkaʼa mil kʼabʼeet kaʼ ti kambʼalte u pektzil a Jesusu?
Jesus u jebʼaj a bʼej tiʼi kaʼ ti ʼamiingojtej a Dʼioso. U kaʼansaj u jajil u pektzil a Jehovah y umen alaʼji jedʼeʼek ti käxtik a kuxtal ti bʼebʼeel
YAN MAK WALAK U YADʼIK: «A Testigojooʼ ti Jehovah maʼ yanooʼ u tzʼokʼsaj ichil a Jesusu.»
-
Bʼiki ti bʼel a kaʼa a nuukte?
KʼUʼ A KÄNAJA
A Jesusu juntuul ʼaanjel a yaabʼ u mukʼ, u mejen Dʼios y leʼek a Mesiasa.
Tzikbʼalbʼäl kʼuʼ ti känaja
-
Kʼuʼkaʼa adʼajaʼan ti a Jesus, «Leʼec ti maʼax to betabüc a maʼax cʼuʼiji, yan ilic alaʼaji.»?
-
ʼAantes ti tali a Jesus yokʼolkabʼa, kʼuʼ u bʼetaja?
-
Bʼiki ti weel ti Mesias a Jesusu?
MAS ILATOJ
Mas naʼtej bʼiki kaʼ ti weeltaj ti Mesias a Jesusu.
«Leʼek a Profecia Tupektzil a Mesiasa u Yeʼaj wa ti Jesus Abʼeeʼ?» (Web article)
Bʼiki ti yan a Dʼioso etel a Jesusu? Ila kʼuʼ a tan u yadʼik a Bʼibʼle.
«Kʼuʼkaʼa u Mejen Dʼios ti Walak u Adʼabʼäl a Jesusu?» (Web article)
A Bʼibʼle maʼ u yadʼaj ti oxtuul a dʼios ichil a juntuul. Ila kʼuʼkaʼa.
Xoko bʼiki ti jeeli u kuxtal juntuul ix chʼup ti bʼini u xokoʼ u pektzil a Jesus ichil a Bʼibʼle.
«Juntuul ix Chʼup u kaʼ Tzʼaj ti Kuentaj kʼuʼ a Tan u Tzʼokʼsiki» (Awake!, May 2013)
a Ichil a kambʼal 26 y 27 bʼel a kaʼa a känäʼ kʼuʼkaʼa kʼabʼeet kaʼ saʼalbʼäkooʼ a kristiyaano y bʼiki kaʼ u saʼaltajoʼon a Jesusu.
b Ila a Puunto 2 tiʼi kaʼ a wilaʼ a profecia tubʼaj u tzikbʼaltaj bʼikʼin ti udʼel u kaʼa a Jesus tuwich yokʼolkabʼa.
