Yaabʼ a kristiyaano walakooʼ u yadʼik ti aj tzʼokʼsajooʼ. Pero maʼ laj ket kʼuʼ a walakooʼ u tzʼokʼsik waxan a tanooʼ u bʼetik ichil u kuxtal. Bʼiki tun ti jedʼeʼek ti weeltik makooʼ a chukul tzʼokʼsaja?

1. Kʼuʼ u nuʼkul ti a tzʼokʼsaj a juntuul maka?

Aj tzʼokʼsajooʼo, u yaj kambʼal waxan u yaj täkʼään Jesucristo. (Xoko a Hechos 11:26.) Bʼiki ti jaj ti u yaj täkʼäänooʼ Jesus? U yadʼaj a Jesusu: «Maʼ a pʼütiqueʼex a tzʼocsic in tʼan. Ti baaloʼo, incheʼex in waj cambal tu jajil.» (Juan 8:31) U nuʼkul adʼaaʼ leʼekooʼ aj chukul tzʼokʼsaja, tzajooʼ u tzʼokʼsik u kaʼansaj a Jesusu. A Jesusu walak u usaartik a scripturaj ti walak u kaʼansaj. Bʼoobʼeʼilik a tanooʼ u chukul tzʼokʼsaja, Bʼibʼle u xookil kʼuʼ a walakooʼ u tzʼokʼsiki.—Xoko a Lucas 24:27.

2. Bʼiki ti walakooʼ u yeʼik a yakunaj aj chukul tzʼokʼsaja?

A Jesusu u yadʼaj tiʼijooʼ u yaj täkʼään: «Yacunteʼex a bajil ta bajileʼex jabix ilic ti walac in yacuntiqueʼex inene.» (Juan 15:12) Bʼiki kaʼ u yeʼaj Jesus ti yaj u yubʼooʼ u yaj täkʼään? U yetʼoktajooʼ, u chichkuntajooʼ u yool y u aantajooʼ. Ulaakʼili u tzʼaj u kuxtal tiʼijooʼ. (1 Juan 3:16) Bʼoobʼeʼilik aleebʼe leʼekooʼ aj chukul tzʼokʼsaja, maʼ chen walakooʼ u kaʼansik u pektzil a yakunaja. Pero walakooʼ u yeʼik a yakunaj etel kʼuʼ a walakooʼ u yadʼik etel kʼuʼ a walakooʼ u bʼetik.

3. Kʼuʼ ti meyajil a tanooʼ u bʼetik aj chukul tzʼokʼsaj?

A Jesusu yan a meyaj u tzʼaj tiʼijooʼ u yaj täkʼään. «U [...] [täkaaʼtajooʼ] caʼ xicooʼ u yadüʼ [u pektzil u Gobʼeerno] a Dioso.» (Lucas 9:2) Aj tzʼokʼsajooʼ uchiji, maʼ chen jadʼiʼ ichil a naj tubʼaj walakooʼ u tzʼeek u yanil a Dʼios uchooʼ u predʼikaari. Pero bʼinooʼilik najil naj y leʼek a tubʼaj jedʼeʼek u käxtikooʼ a maka. (Xoko a Hechos 5:42; 17:17.) Bʼoobʼeʼilik aj chukul tzʼokʼsaj aleebʼe, leʼek tubʼaj jedʼeʼek u käxtikooʼ a kristiyaano walak u kaʼansikooʼ tiʼi kʼuʼ a tan u kaʼansik a Bʼibʼle. Umen yaj u yubʼooʼ a kristiyaano, kiʼooʼ u yool ti tanooʼ u usaartik u tiempo etel u mukʼ u jätzooʼ a mensaaje a yan ich Bʼibʼle. A mensaaje abʼeeʼ walak u jetzʼkunajool y jedʼeʼek u tzʼeek a wooltej a bʼaʼal a kiʼ a bʼeltoj u kaʼa ti uchul.—Marcos 12:31.

 MAS KAMBʼALTETO

4. Walakooʼ u käxtik a jaj a yan ich Bʼibʼle

5. Walakooʼ u predʼikaartik a jaj a yan ich Bʼibʼle

 6. Walakooʼ u bʼetik kʼuʼ a tanooʼ u predʼikaartiki

Kʼuʼ u tzʼaj ichil u yool aj Tom, ti u käxtaj a tanooʼ u chukul tzʼokʼsaja? Chaʼanteʼex a VIDʼEO, kaʼtun tzikbʼalteʼex a kʼaatchiʼooʼ adʼaʼa.

• Ichil a vidʼeo ti chaʼantaja, kʼuʼkaʼa maʼ u kaʼ kʼati u yubʼi u pektzil a religion aj Tom?

• Kʼuʼkaʼa walak u tzʼokʼsik ti u käxtaj a chuckul tanooʼ u tzʼokʼsaj?

Leʼek kʼuʼ a kaʼ a bʼeteʼe, leʼek a mas walak u ilbʼil tuwich kʼuʼ a tan a wadʼiki. Xokeʼex a Mateo 7:21, kaʼtun tzikbʼalteʼex a kʼaatchiʼ adʼaʼa:

• Kʼuʼ a mas kʼabʼeet ti walak u yilik a Jesusu—leʼek wa kʼuʼ a tan ti wadʼik tan ti tzʼokʼsiki, jabʼix leʼek a bʼaʼal a tan ti bʼetiki?

7. Yaj u yubʼooʼ u yetʼok

• Leʼek aj chukul tzʼokʼsaja, bʼiki ti bʼel u kaʼa u kʼämoolte a mak a jumpaay u raasa?

• Bʼiki ti bʼelooʼ u kaʼa u bʼeteʼ abʼeeʼ ti tan a gerra?

 KʼUʼ A KÄNAJA

Leʼek a tanooʼ u chukul tzʼokʼsaja, walakooʼ u tzʼokʼsik kʼuʼ a tan u kaʼansik a Bʼibʼle. Walakooʼ u yeʼik a chukul yakunaja y walakooʼ u predʼikaartik a jaj a yan ich Bʼibʼle.

Tzikbʼalbʼäl kʼuʼ ti känaja

• Tubʼaj jokʼol kʼuʼ a walakooʼ u tzʼoksik u yaj täkʼään a Cristo?

• Kʼuʼ ti modʼojil walak u yeʼik makooʼ aj chukul tzʼokʼsaja?

• Kʼuʼ ti meyajil a walakooʼ u bʼetik aj chukul tzʼokʼsaja?