A Jehovah u Dʼiosil kʼuʼ a tojo. (1 Corintios 14:33) Tzaj tun kuchi bʼoobʼeʼilik a walakooʼ u bʼetik u jente. Bʼiki ti yan a muchʼnala? Kʼuʼ a kaʼ ti bʼeteʼ tiʼi kaʼ laj xiʼik ti kiʼ?

1. Maki u polil a muchʼnala?

«Leʼec a Cristo jabix u pol.» (Efesios 5:23) Tiʼ kaʼan keʼen ti tan u tzʼeek ti kuentaj a meyaj a tanooʼ u bʼetik u jente a Jehovah tupeteebʼ a yokʼolkabʼa. «Leʼec [...] aj meyaj aj tzʼocsaj tʼan a seeb u yool» leʼekooʼ abʼeeʼ u käxtaj a Jesusu. Maʼ yaabʼooʼ tubʼajili, leʼekooʼ aj Kananil tiʼi ti Muchʼkabʼil (Governing Body). (Xoko a Mateo 24:45-47.) Jabʼixlik u bʼetajooʼ a apostolo etel aj kananilooʼ ichil a kaj Jerusalen uchiji. (Hechos 15:2) Leʼek aj Kananilooʼ tiʼi ti Muchʼkabʼil walakooʼ u yadʼik kʼuʼ a kaʼ u bʼetooʼ tulakal a muchʼnala. Alaʼooʼo maʼ u polil ti muchʼkabʼili. Walakooʼ u xokik a Bʼibʼle tiʼi kaʼ u naʼtooʼ kʼuʼ u kʼati a Jehovah kaʼ u bʼetooʼ y liistojooʼ u tzʼokes a Jesusu.

2. Kʼuʼooʼ u meyaj aj kananili?

Aj kananilooʼo uchi kaakooʼ ti tzʼokʼsaj. Walakooʼ u chichkuntikooʼ u yool, u yaantikooʼ y u kaʼansikooʼ u jente a Jehovah etel kʼuʼ a yan ichil a Bʼibʼle. Maʼ walakooʼ u bʼoʼtabʼäl etel a meyaj a walakooʼ u bʼetiki. A Bʼibʼle walak u yadʼik tiʼijooʼ «Beteʼex a meyaj tulacaleʼex a wool, pero maʼ chen u men tzʼabi teʼex a meyaji, maʼax chen u men wa taneʼex a naali. Beteʼex abeʼ tulacaleʼex a wool.» (1 Pedro 5:1, 2) Yanooʼilik u yaj anatil aj kananili. Ti mas xiʼik a tiempojo jedʼeʼekilik u kaalooʼ ti meyaj ti aj kananil.

Leʼek aj Kananilooʼ tiʼi ti Muchʼkabʼil walakooʼ u käxtik tuyaamooʼ aj kananil bʼikiʼil a kaʼ xiʼik u sutinte a muchʼnal kadʼa seis meeses. Leʼekooʼtun aj kananil abʼeeʼ walakooʼ u bʼel u sutinte a muchʼnal kadʼa sies meeses tiʼi kaʼ u yaantooʼ y u chichkuntooʼ u yool u yettzʼokʼsajil. Ulaakʼili walakooʼ u usaartik a Bʼibʼle tiʼi kaʼ u yilooʼ wa jedʼeʼek u kaal ti meyaj tuyaj antajil aj kananil waxan aj kananil juntuul ti sukuʼun ichil a muchʼnala.—1 Timoteo 3:1-10, 12; Tito 1:5-9.

3. Kʼuʼ u meyaj a jujuntuul Testigo Tiʼi Jehovah?

Tulakal a keʼenooʼ ichil a muchʼnala walakooʼ u «naʼkʼsik u yanil u kʼabʼaʼ a Jehovah». Walakooʼ u bʼetik abʼeeʼ tanilooʼ u kʼay, tanilooʼ u tzʼeekooʼ u nuuk ichil a muchʼtala y tanilooʼ u predʼikaar leʼek a bʼoon ti jedʼeʼek u bʼetikooʼ.—Xoko a Salmo 148:12, 13.

 MAS KAMBʼALTETO

4. Kiʼ ti walak u chʼaʼbʼej a Jesusu

A Jesusu tan u päyikoʼon kaʼ ti kʼämoolte tiʼi ti wa chʼaʼbʼej. Xokeʼex a Mateo 11:28-30, kaʼtun tzikbʼalteʼex a kʼaatchiʼ adʼaʼa:

• Bʼiki tukʼati ti wool a Jesus yokʼlal u chʼaʼbʼej?

5. Etel ejemploj walakooʼ u kaʼansaj

1. Aj kananili walakooʼ u kulesik ti mukʼaʼanooʼ u tzʼokʼsaj etel u tzʼokʼsajooʼ u famiilia

2. Aj kananili walakooʼ u tzʼeek ti kuentaj tulakal a keʼenooʼ ichil a muchʼnala

3.   Bʼoch walakooʼ u predʼikaar aj kananili

4. Kaʼansajooʼ aj kananili. Walakoolik u yanat ti limpyaar y u bʼetikooʼ ulaakʼ a bʼaʼala

6. Jedʼeʼek ti komon meyaj etelooʼ aj kananil

A Bʼibʼle u yadʼaj toʼon kʼuʼkaʼa kʼabʼeet kaʼ ti tzʼokʼsooʼ aj kananili. Xokeʼex a Hebreos 13:17, kaʼtun tzikbʼalteʼex a kʼaatchiʼooʼ adʼaʼa:

• Kʼuʼkaʼa tan u yadʼik Bʼibʼle ti liistojakoʼon ti tzʼokʼsooʼ aj kananil? Bʼiki a wool etel abʼeeʼ?

Xokeʼex a Lucas 16:10, kaʼtun tzikbʼalteʼex a kʼaatchiʼ adʼaʼa:

• Kʼuʼkaʼa kʼabʼeet kaʼ ti tzʼokʼsooʼ aj kananil kaʼax ichil a meen bʼaʼal?

 KʼUʼ A KÄNAJA

Jesus u polil a muchʼnala. Kiʼ ti wool ti walak ti komon meyaj etelooʼ aj kananil a käxtajaʼan umene porke walakooʼ u jetzkuntik ti wool y u kaʼansikoʼon etelooʼ u ejemploj.

Tzikbʼalbʼäl kʼuʼ ti känaja

• Maki u polil a muchʼnala?

• Bʼiki ti walakooʼ u aantik a muchʼnal aj kananili?

• Kʼuʼ u meyaj a jujuntuul ti Testigo Tiʼi Jehovah?