KAMBʼAL 27
Bʼiki ti Jedʼeʼek ti Saʼalbʼäl Umen Kimi a Jesusu?
Umen maʼ uchooʼ u tzʼokʼsaj aj Adan etel ix Eva walaktun ti sipʼil, ti kʼämik a yaja y ti kimil. a Pero maʼ pʼätbʼoʼon ti bʼaaloʼ. A Jehovah u yilaj bʼiki kaʼ u jokʼsoʼon ichil a sipʼil y kimil. U tzʼaj u kuxtal u mejen leʼek a Jesucristo. A Bʼibʼle walak u kaʼansik ti leʼek ti kimi a Jesusu, u kʼubʼaj u kuxtal tiʼi kaʼ u saʼaltoʼon. A Jesusu u bʼoʼtaj ti sipʼil etel u yaj maʼloʼ kuxtal tiʼi kaʼ u jokʼsoʼon ichil a yajilal y kimili. (Xoko a Mateo 20:28.) Leʼek kaʼ u kʼubʼaj u kuxtal a Jesusu, u jebʼaj a bʼej tiʼi kaʼ tzʼabʼäk toʼon kʼuʼ u sätaj aj Adan etel ix Eva. A Jesus yetʼok Jehovah yajooʼ u yubʼoʼon. Leʼek a kambʼal adʼaaʼ bʼel u kaʼa u yaanteech kaʼ mas kʼochaʼanak tawich ti kimi a Jesusu.
1. Bʼiki ti jedʼeʼek ti wilik u kiʼil ti kimi a Jesus aleebʼe?
Umen a kʼebʼaniloʼon yaabʼ a maʼ toj a walak ti bʼetik a maʼ kiʼ tuwich a Jehovah. Pero wa chukul maʼ kiʼ ti wool etel kʼuʼ ti bʼetaja, jedʼeʼek ti kʼaatik tiʼi Jehovah ichil u kʼabʼaʼ a Jesus tiʼi kaʼ u saʼtestoʼon y maʼ ti kaʼ bʼel ti bʼeteʼ. Jedʼeʼek tun ti mas naʼtzʼtal tutzeel a Jehovah. (1 Juan 2:1) A Bʼibʼle u yadʼaj: «U cʼümaj ilic a yaj a Cristo tiʼi caʼ saʼtesabüc ti sipʼil. Maʼ tu caʼ quimil alaʼi. Toj u naʼat. Quimi yocʼlal a maʼ tojooʼ u naʼat tiʼi caʼ xicooʼ etel a Dioso.»—1 Pedro 3:18.
2. Umen kimi a Jesusu bʼiki ti jedʼeʼek ti wilik u kiʼil a kuxtal a wataktoj?
A Jehovah u täkaataj u mejen tiʼi kaʼ u kʼubʼuʼ u yaj maʼloʼ kuxtal. «Ti baaloʼo, tulacal a mac a queʼen u yool tu pach u Mejen a Dioso, maʼ pulaʼanooʼi. Tzʼabi tiʼijooʼ a cuxtal a maʼ yan qʼuin u jobolo.» (Juan 3:16) Umen kʼuʼ u bʼetaj a Jesusu, a Jehovah seebʼaʼan u laj jobʼsik a kʼasil a yanaji umen maʼ uchi u tzʼokʼsaj aj Adan. Wa kaʼ ti bʼeteʼ u meyajil ti tzʼokʼsaj y kaʼ ti tzʼokes ti jaj kaʼ u kʼubʼaj u kuxtal a Jesus tiʼitoʼon, jedʼeʼek ti wilik u kiʼil a kuxtal ti bʼebʼeel tuwich a kichʼpan yokʼolkabʼ!—Isaias 65:21-23.
MAS KAMBʼALTETO
Mas kambʼalbʼäl kʼuʼkaʼa u kʼubʼaj u kuxtal a Jesusu y tzʼaj ti kuentaj kʼuʼ u kiʼil tiʼitech.
3. Umen u kʼubʼaj u kuxtal a Jesusu u saʼaltajoʼon tuwich sipʼil y kimil
Chaʼanteʼex a VIDʼEO, kaʼtun tzikbʼalteʼex a kʼaatchiʼ adʼaʼa.
-
Kʼuʼ u perdʼerta aj Adan ti maʼ u tzʼokʼsaj u tʼan a Dʼioso?
Xokeʼex a Romanos 5:12, kaʼtun tzikbʼalteʼex a kʼaatchiʼ adʼaʼa:
-
Kʼuʼ a tan a wilik ichil a kuxtal umen uchi u sipʼil aj Adan?
Xokeʼex a Juan 3:16, kaʼtun tzikbʼalteʼex a kʼaatchiʼ adʼaʼa:
-
Kʼuʼkaʼa u täkaatik u mejen a Jehovah tuwich a yokʼolkabʼa?
-
Aj Adana maʼloʼ winik kuchi, pero maʼ u tzʼokʼsaj a Dʼioso y u tzʼaj a kristiyaano ichil a sipʼil etel kimil
-
A Jesusu maʼloʼ winik u tzʼokʼsaj a Dʼioso, umen abʼeeʼ jedʼeʼekooʼ u yilik kristiyaano u kiʼil a kuxtal ti bʼebʼeel ich maʼloʼil
4. Umen u kʼubʼaj u kuxtal a Jesusu tulakal mak jedʼeʼek u yilik u kiʼil
Chaʼanteʼex a VIDʼEO, kaʼtun tzikbʼalteʼex a kʼaatchiʼ adʼaʼa.
-
Umen kimi juntuul a winiki, bʼiki ti jedʼeʼek u yaantik tulakal a maka?
Xokeʼex a 1 Timoteo 2:5, 6, kaʼtun tzikbʼalteʼex a kʼaatchiʼ adʼaʼa:
-
Aj Adana maʼloʼ winik u tzʼaj a kristiyaano ichil a kimil etel sipʼil. A Jesusu maʼloʼ winikilik. Bʼiki «caʼ u [bʼoʼtaj ti chukul] u sipʼil tulacalooʼ a cristianojo»?
5. U sijʼool Jehovah tiʼitech kaʼ u kʼubʼaj u kuxtal a Jesusu
U ʼamiingoj a Jehovah walakooʼ u yilik ti junpʼeel sijʼool kaʼ u kʼubʼaj u kuxtal a Jesusu. Por ejemploj, xokeʼex a Galatas 2:20–NWT, kaʼtun tzikbʼalteʼex a kʼaatchiʼ adʼaʼa:
-
Kʼuʼ tan u yeʼik ti u kʼämooltaj aj apostolo Pablo ti jumpʼeel sijool tiʼi, kaʼ u kʼubʼaj u kuxtal a Jesusu?
Leʼek ti uchi u sipʼil aj Adana u kʼubʼaj u bʼajil yetʼok u tzʼubʼooʼ tiʼi kimil. Pero a Jehovah u täkaataj u mejen ti kimil tiʼi kaʼ a wilaʼ u kiʼil a kuxtal a maʼ yan kʼin u jobʼolo.
Tanil a xokik a versicolojooʼ adʼaaʼ, tukle bʼiki u yool a Jehovah ti tan u kʼämik a yaj u mejene. Xokeʼex a Juan 19:1-7, 16-18–NWT, kaʼtun tzikbʼalteʼex a kʼaatchiʼ adʼaʼa:
-
Bʼiki a wool etel kʼuʼ u bʼetaj a Jehovah etel a Jesus tiʼitech?
UCHAK U KʼAATIK MAK: «Bʼiki ti jedʼeʼek u saʼaltik a yaabʼ mak a juntulik ti winiki?»
-
Bʼiki ti bʼel a kaʼa a nuukte?
KʼUʼ A KÄNAJA
Umen u kʼubʼaj u kuxtal a Jesusu, a Jehovah jedʼeʼek u saʼtesik ti sipʼil y jedʼeʼek ti kuxtal ti bʼebʼeel.
Tzikbʼalbʼäl kʼuʼ ti känaja
-
Kʼuʼkaʼa kimi a Jesusu?
-
Bʼiki kaʼ u kʼexaj Jesus etel u yaj maʼloʼ kuxtal kʼuʼ u sätaj aj Adan?
-
Bʼiki ti jedʼeʼek a wilik u kiʼil a kuxtal umen kimi a Jesusu?
MAS ILATOJ
Kambʼalte kʼuʼkaʼa walak u adʼabʼäl ti leʼek u yaj maʼloʼ kuxtal a Jesusu, u saʼaltajooʼ a yaabʼa.
«Umen Kimi a Jesusu Bʼiki ti ‹Jedʼeʼek u Saʼaltik a Yaabʼa›?» (Web article)
Ila kʼuʼ a kʼabʼeet kaʼ ti bʼeteʼ tiʼi kaʼ saʼalbʼäkoʼon.
Jedʼeʼek wa u saʼtesik Jehovah a noxiʼ sipʼili?
«Kʼaatchiʼooʼ a Walak u Nuuktik a Bʼibʼle» (The Watchtower, May 1, 2013)
Xoko u pektzil bʼiki ti aantabʼi a juntuul winik umen u känaj u pektzil kʼuʼkaʼa u kʼubʼaj u kuxtal a Jesus.
a A sipʼili, maʼ chen leʼek u bʼetbʼel a bʼaʼal a kʼasa, pero tan u yeʼik ti ak a kʼebʼaniloʼon umen teʼ taleloʼon etel aj Adan y ix Eva.