KAMBʼAL 28
Kʼochaʼanak Tawich kʼuʼ u Bʼetaj Tech a Jehovah Etel a Jesusu
Bʼiki a wool kaʼ u tzʼaaʼ a sijʼool a ʼamiingoj? Chukul kiʼak a wool y a kʼatijak a yeeʼ tiʼi ti kʼochaʼan tawich u sijʼool. Bʼoobʼeʼilik a Jehovah yetʼok a Jesusu yanlik a kichʼpan sijʼool u tzʼajtoʼon a maʼax mak jedʼeʼek u tzʼeek. Kʼuʼ ti sijʼoolil abʼeeʼ y bʼiki ti jedʼeʼek ti yeʼik ti kʼochaʼanak tikiwich?
1. Bʼiki ti jedʼeʼek ti yeʼik ti kʼochaʼan tikiwich kʼuʼ u bʼetajtoʼon a Dʼios etel a Cristo?
A Bʼibʼle u promesaartaj ti «tulacal a mac a queʼen u yool tu pach u Mejen a Dioso» jedʼeʼek u kuxtal ti bʼebʼeel. (Juan 3:16) Kʼuʼ u nuʼkul ti keʼenak u yool a mak tupach a Jesusu? Maʼ chen bʼel ti kaʼa ti tzʼokʼes kʼuʼ u bʼetaj a Jesusu. Kʼabʼeetilik kaʼ ti yeeʼ u meyajil ti tzʼokʼsaj etel a tukul a kaʼ ti bʼeteʼ. (Santiago 2:17) Wa kaʼ ti bʼeteʼ ti bʼoobʼeʼe, tan ti mukʼaʼankuntik ti etʼokil etel a Jesusu y etel u Tat, Jehovah.—Xoko a Juan 14:21.
2. Kʼuʼ ti especial muchʼtal, jedʼeʼek u yaantikoʼon ti yeeʼ ti kʼochʼaʼan tikiwich kʼuʼ u bʼetaj a Jehovah etel a Jesusu?
Ti u ojkʼinil ʼaantes u kimil a Jesusu u yadʼaj tiʼijooʼ u yaj täkʼään ulaakʼil bʼiki ti jedʼeʼekooʼ u yeʼik ti kʼochaʼanooʼ tuwich kʼuʼ u bʼetaja. U yadʼaj tiʼijooʼ kaʼ talakooʼ ich ketil u selebʼraartooʼ «u kʼajsabʼeebʼal u kʼinil ti kimi a Jesusu.» (1 Corintios 11:20–NWT) U bʼetaj adʼaaʼ tiʼi kaʼ kʼaakooʼ tiʼi u apostolo y tulakalooʼ aj chukul tzʼokʼsaj ti u kʼubʼaj u kuxtal tiʼi kaʼ u saʼaltoʼon. A Jesusu u yadʼaj: «Tanaqueʼex a betic adaʼa, tiʼi in cʼajsabeebal.» (Lucas 22:19) Leʼek ti keʼenech tiʼi u kʼajsabʼeebʼal u kʼinil ti kimi a Jesusu tan a yeʼik ti mil kʼochaʼan tawich a yakunaj u yeʼajtoʼon a Jehovah etel a Jesusu.
MAS KAMBʼALTETO
Mas eetej bʼikitak ti jedʼeʼek a yeʼik ti kʼochaʼan tawich a yakunaj u yeʼajooʼ a Jehovah etel a Jesusu. Tzʼaj ti kuentaj u kʼabʼeetil kaʼ ti kʼajes u kʼinil ti kimi a Jesusu.
3. Bʼikitak ti jedʼeʼek ti yeʼik ti kʼochaʼan tikiwich a sijʼoolo
Tukle ti yan mak u saʼaltajech ti tan a bʼudʼel ich jaʼ. Bʼel wa a kaʼa a tubʼes mak u yaantajech, wakix bʼel a kaʼa a ilaʼ bʼiki kaʼ a yee tiʼi ti kʼochaʼan tawich kʼuʼ u bʼetaj tiʼiteche?
Tiʼi Jehovah ti kuxtal. Xokeʼex a 1 Juan 4:8-10, kaʼtun tzikbʼalteʼex a kʼaatchiʼooʼ adʼaʼa:
-
Kʼuʼkaʼa top kichʼpan sijʼool u kuxtal a Jesusu?
-
Bʼiki a wool etel kʼuʼ u bʼetaj a Jehovah yetʼok a Jesus tiʼiteche?
Bʼiki ti jedʼeʼek ti yeʼik ti kʼochaʼan tikiwich kʼuʼ u bʼetajtoʼon a Jehovah etel a Jesusu? Xokeʼex a 2 Corintios 5:15 etel a 1 Juan 4:11; 5:3. Ti jobʼokeʼex a xokoʼ a kadʼaj scripturaj, tzikbʼalteʼex a kʼaatchiʼ adʼaʼa:
-
Etel kʼuʼ u yadʼaj a scripturaj, kʼuʼ a jedʼeʼek ti bʼetik tiʼi kaʼ ti yeeʼ ti kʼochaʼan tikiwich a sijʼoolo?
4. Täkʼäänte u ejemploj a Jesusu
Ulaakʼil bʼiki ti jedʼeʼek ti yeʼik ti kʼochaʼan tikiwich kaʼ u kʼubʼaj u kuxtal a Jesusu, tanil ti täkʼääntik u ejemploj. Xokeʼex a 1 Pedro 2:21, kaʼtun tzikbʼalteʼex a kʼaatchiʼ adʼaʼa:
-
Bʼikitak ti jedʼeʼek a täkʼääntik u ejemploj a Jesusu?
5. Kaʼ xikech tiʼi u Kʼajsabʼeebʼal u Kʼinil ti kimi a Jesusu
Tiʼi kaʼ a weelte kʼuʼ a uchi ti primero kʼajsabʼi u kimeebʼal a Jesusu, xokeʼex a Lucas 22:14, 19, 20. Kaʼtun tzikbʼalteʼex a kʼaatchiʼooʼ adʼaʼa:
-
Kʼuʼ a uchi ichil u kʼajsabʼeebʼal ti kimi a Jesusu?
-
Kʼuʼ u nuʼkul a pan etel a bʼiino?—Ileʼex a versicolo 19 etel 20.
A Jesusu u kʼati kaʼ kʼajsabʼäk ti kimi umenooʼ u yaj täkʼään junsut ichil a jaabʼa. Umen tun abʼeeʼ a Testigojooʼ Tiʼi Jehovah walakooʼ u muchʼtal junsut ichil a jaabʼ u kʼajes ti kimi a Jesusu jabʼix bʼiki kaʼ u yadʼaj. Tiʼi kaʼ a weelte kʼuʼ a walak u uchul ichil a muchʼtal adʼaʼa, chaʼanteʼex a VIDʼEO. Kaʼtun tzikbʼalteʼex a kʼaatchiʼ adʼaʼa.
-
Kʼuʼ a walak u uchul ichil u kʼajsabʼeebʼal u kʼinil ti kimi a Jesusu?
Yan u nuʼkul a pan etel a bʼiino. U nuʼkul a pana, u bʼäkʼel Jesus leʼek u kʼubʼaj tiʼi kaʼ u saʼaltoʼon. U nuʼkul a bʼiino u kʼikʼel
YAN MAK WALAK U YADʼIK: «Siendʼo tan a tzʼokʼsik a Jesusu bʼel a kaʼa ti saʼalbʼäl.»
-
Bʼiki ti jedʼeʼek a usaartik a Juan 3:16 etel a Santiago 2:17 tiʼi kaʼ a yeeʼ ti yantoj kʼuʼ a kʼabʼeete?
KʼUʼ A KÄNAJA
Tan ti yeʼik ti kʼochaʼan tikiwich kʼuʼ u bʼetaj toʼon a Jesusu, tanil ti bʼetik u meyajil ti tzʼokʼsaj y tanil ti bʼel tiʼi u kʼajsabʼeebʼal u kʼinil ti kimi.
Tzikbʼalbʼäl kʼuʼ ti känaja
-
Kʼuʼ u nuʼkul ti keʼenak ti wool tupach a Jesusu?
-
Bʼiki ti a kʼati a yeeʼ ti mil kʼochaʼan tawich kʼuʼ u bʼetaj a Jehovah etel a Jesus tiʼiteche?
-
Kʼuʼkaʼa mil kʼabʼeet kaʼ xikech tiʼi u kʼajsabʼeebʼal u kʼinil ti kimi a Jesusu?
MAS ILATOJ
Umen kimi a Jesusu kʼuʼ a walak u jisikoʼon ti bʼeteʼ?
U Usaarta u Luʼumal Tiʼi kaʼ u Nakʼes u Yanil a Jehovah (9:28)
Mas kambʼalte u pektzil a tzʼokʼsaja y bʼiki ti jedʼeʼek ti bʼetik u meyajil.
«Tzʼa Wool Ichil u Promesaj a Jehovah» (The Watchtower, October 2016)
Xoko u pektzil bʼiki ti tälbʼi u päsäkʼal juntuul ix chʼup umen u pektzil a Jesusu ichil a kuentaj «Kiʼaji in wool, tojaji in kuxtal y liimpiojajeen.»
«A Bʼibʼle Walak u Jelik u Kuxtal a Maka» (The Watchtower, August 1, 2011)
Tzʼaj ti kuentaj kʼuʼkaʼa maʼ yaabʼ mak walak u jantik a pana y u yukʼik a bʼiino ichil u kʼajsabʼeebʼal u kʼinil ti kimi a Jesusu.