Biiblã yeelame t’a “Zeova pa na n mong sẽn kẽnd-b ne burkĩndã bõn-sõng baa a yembr ye.” (Yɩɩn-sõamyã 84:11) “Kẽnd ne burkĩndã” rat n yeelame tɩ bõe? Rat n yeelame tɩ f sẽn vɩ to-to wã zemsa ne f sẽn pʋlem a Zeova bũmb ningã, f sẽn wa n dɩk f meng n kõ-a wã. (Koɛɛg soaba 5:4, 5) Fo lisgã poore, f na n maana wãn n kẽn ne burkindi?

D na n yãa bũmb a wãna

•  Kell n tõog toog zu-loees sasa

•  Kell n yals kãn-kãe makr sasa

•  Ket n paasd f yẽesmã pãnga

 Vɛrse wã: “Tõnd segd n paama namsg wʋsg n yaool n kẽ Wẽnnaam Rĩungã pʋgẽ.”—Tʋʋma 14:22.

 Rẽ sẽn dat n yɛɛlga: Yaa vẽeneg tɩ kiris-nebã fãa na n paama zu-loees b vɩɩmã pʋgẽ. Zu-loees kẽer f sẽn na n paam yaa yaalg bɩ namsg f sẽn yaa kiris-nedã yĩnga. Ninsaalbã fãa mi n maoo ne zu-loees wala ligd zu-loees bɩ bãase.

 Bũmb ning sẽn tõe n wa maane: F yɛlã tõe n wa toeemame. Wakat ninga pa na n yɩ wa f sẽn datã ye. Biiblã wilgame tɩ yel-beed tõe n paama nebã fãa, sẽn yaa-b kiris-neb la sẽn pa-b kiris-nebã me.—Koɛɛg soaba 9:11.

 F sẽn tõe n maane: Sẽn mik tɩ f na n paama zu-loeesã, f tõe n bao n bãnga f sẽn n na n mao ne-b to-to. Ges f zu-loeesã wa segb f sẽn paam n na n keng f tẽebã la f maneg n teeg a Zeova. (Zak 1:2, 3) Kaoosg zugẽ, f na n wa tõog n yeela wa tẽn-tʋmd a Poll yaa: “Bũmb fãa pʋgẽ, mam tara pãnga, sẽn kõt-a maam pãngã maasem yĩnga.”—Filip rãmbã 4:13.

 Saglga: Bao n bãng a Zozɛf kibarã. F tõe n karma a kibarã Sɩngr sak 37 la sak 39 n taag 41. Sok f meng yaa: Yel-lingdem-bʋs n paam-a? A maana wãn n mao ne-ba? Bõe la a Zeova maan n sõng-a?

 Fo rata sõngr n paas bɩ?

•   Karem:

   “Yel-beed sasa, m maanda wãna?”

   “Suis-je quelqu’un de « résilient » ?”

   “Comment faire face aux changements”

•   Telesaarze:

   “Un de mes parents est malade”

 Vɛrse wã: “Ned kam fãa paamda makr a mengã ratem sẽn tusd-a la a belgd-a wã yĩnga.”—Zak 1:14.

 Rẽ sẽn dat n yɛɛlga: Wakat ninga tõnd fãa paamda makr d mengã ratem yĩnga. D sã n pa mao n tõog-ba, tõe n wa kɩtame tɩ d maan sẽn yaa wẽnga.

 Bũmb ning sẽn tõe n wa maane: F lisgã poore, f na n kell n paama makr f “yĩngã tʋlsem” yĩnga. (2 Pɩyɛɛr 2:18) Tõe meng tɩ f wa tar yoob tʋlsem nand tɩ f kẽ kãadem.

 F sẽn tõe n maane: Yãk f sẽn na n maan bũmb ning masã meng tɩ makrã nan pa wa ye. Rẽ na n sõng-f lame tɩ f ra bas tɩ f yĩngã tʋlsem kɩt tɩ f maan sẽn pa sõma ye. Tẽeg a Zeezi sẽn yeelã: “Ned baa a ye pa tõe n yɩ zu-soben-dãmb a yiib yamb ye.” (Matiye 6:24) Fo tog n yãka f zu-soab sẽn na n yɩ a soaba. Yãk a Zeova. Baa f yĩngã ratem pãng sẽn yaa to-to fãa, f tõe n yãka yam n pa maan sẽn yaa wẽng ye.—Galat-rãmbã 5:16.

 Saglga: Bao n bãng f sẽn maand tɩ yaa sõma, la f pãn-komsmã. Bao zo-rãmb sẽn na n sõng-f tɩ f bɩɩs zʋg-sõma. Zãag f meng ne neba, zĩis la yɛl sẽn tõe n kɩt tɩ yɩ toog ne-f tɩ f maan sẽn yaa tɩrgã.—Yɩɩn-sõamyã 26:4, 5.

 Fo rata sõngr n paas bɩ?

•   Karem:

   “M maanda wãn n da maan wẽnga?”

   “Que faire pour ne pas penser constamment au sexe ?”

   “Comment résister à la pression du groupe ?”

   “Y maooda sẽn na yɩl tɩ y tagsa wã yɩ a Zeova rẽndã bɩ?”

 Vɛrse wã: “Ned kam fãa kell n tall yẽesem ning a sẽn da tar hal sɩngrẽ wã, . . . n tãag saabã. Rẽ la y pa na n lebg kʋɩɩmb ye.”—Ebre-rãmbã 6:11, 12.

 Rẽ sẽn dat n yɛɛlga: Ned sã n pa wɩngd ne a tʋʋmde, a yẽesmã tõe n boogame, t’a wa lebg kʋɩɩma.

 Bũmb ning sẽn tõe n wa maane: Fo lisgã poore, f sũurã ra yaa noog tɩ f tar yẽesem wʋsg me. Fo ra nonga Zeova ne f sũur fãa. La tarẽ-n-tarẽ, tõe n wa n yɩɩ toog tɩ f sak a Zeova bũmb fãa pʋgẽ. Rẽ tõe n komsa f raoodo, la boog f yẽesmã.—Galat-rãmbã 5:7.

 F sẽn tõe n maane: Kell n maan sẽn yaa tɩrga, baa f yamã sã n wa pa be rẽ maanego. (1 Korẽnt rãmbã 9:27) La nananda, pẽnegd f saasẽ Ba wã, n baood n bãngd-a sõma n paasdẽ, la f mi n gomd ne-a ne pʋʋsgã maasem. Sẽn paase, kell n yõg zood sõma ne neb nins sẽn tũud a Zeova ne b sũur fãa wã.

 Saglga: Da yĩm t’a Zeova nong-f-la wʋsgo, la t’a rat n sõng-f-la wakat fãa ye. Da tags t’a sũurã sãama ne foo, f yẽesmã sẽn boog wakat bilf pʋgẽ wã yĩng ye. Biiblã yeelame yaa: “A kõta ned ning sẽn yɛ pãnga, la a kõt neb nins sẽn ka pãngã pãng tɩ seke.” (Ezayi 40:29) A na n ning-f-la bark f sẽn modgd n na n le paam yẽesmã yĩnga.

 Fo rata sõngr n paas bɩ?

•   Karem:

   “Kom-bɩɩse, kell-y n tʋm-y y fãagrã yĩnga”

   “Comment trouver du plaisir à adorer Dieu ?”

•   Ges:

   Kom-bɩɩs kẽer sẽn yeele: Vɩɩm sẽn tar bark n yɩɩda

 D sẽn segd n bãnge: Fo sã n kẽnd ne burkĩndi, fo na n nooga a Zeova sũuri. (Yel-bũnã 27:11) Fo sã n yãk yam n zĩnd a poorẽ, a sũur na n yɩɩ noogo. A na n kõ-f-la bũmb nins fãa sẽn yaa tɩlɛ wã, t’a Sʋɩtãan ra tõog-f ye.