Wẽnnaam pa gɩdg rao ne pag sẽn yaa buud toor-toor neb sẽn na n kẽ kãadem ne taaba, bala buudã fãa yaa a yembr a nifẽ. Biiblã yeelame tɩ “Wẽnnaam ka tũusd neba,” baa “sẽn yaa buud ning fãa” neba.—Tʋʋma 10:34, 35.

 Ad Biiblã sagls a taab sẽn wilgd tɩ buudã fãa zema taaba, la sẽn gomd kãadem yelle:

 Ninsaalbã fãa yaa d yaab a Ãdem ne a pag a Awa yagense, tɩ Biiblã boond a Awa tɩ “nin-vɩɩsã fãa ma.” (Sɩngre 3:20) Rẽ n so tɩ Biiblã gom Wẽnnaam yell n yeel yaa: “Wẽnnaam talla nin-yend n kɩt tɩ ninsaalbã buud fãa zĩnd dũni zug tɛk fãa.” (Tʋʋma 17:26) Baa ninsaalbã buud sẽn yaa a soab fãa, b yaa zag-yɛng neba. La sã n mik tɩ bu-welsgã tara pãng yãmb babgẽ wã, y maanda wãna?

 Baa buud toor-toor neb kãadem sẽn pa wẽng baa bilf Wẽnnaam nifẽ wã, pa nebã fãa n sakd rẽ ye. (Ezayi 55:8, 9) Yãmb sã n magd n na n kẽ kãadem ne bu-zẽng neda, yãmb ne y sẽn dat n kẽ kãadem ne ned ningã segd n deng n yẽsame n bao sogsg kẽer leoore. Wala makre:

•   Y buudã neb wall y zakã neb sã n wa weoogd-yã, y na n maana wãna?

•   Wãn to la y na n sõng y kambã tɩ b mao ne bu-welsgã?

 Y sã n deng n yẽs ne taab woto, tõe n sõnga yãmb tɩ y tõog tɩ y kãadmã yɩ sõma.—Yel-bũnã 13:10; 21:5.