Sãmwɛll sebr a yiib-n-soaba 22:1-51
22 A Davɩɩd togsa a Zeova goam nins sẽn be yɩɩn-kãngã pʋgẽ wã,+ daar ning a Zeova sẽn fãag-a a bɛɛbã fãa nusẽ+ la a Sayull nugẽ wã.+
2 A yeelame:
“A Zeova yaa mam pĩiga, la m pãng zĩiga,+ soab ning sẽn fãagd maamã.+
3 Mam Wẽnnaamã yaa mam pĩig kugri.+ Yẽ nengẽ la m soondeda.A yaa m gãongo,+ mam fãagd sẽn tar pãnga,* la m soondg zĩig meng-menga.+Yẽ sẽn yaa m fãagdã nengẽ la m zoet n dabda.+ Yãmb n fãagd maam+ nen-kɛglem dãmbã nusẽ.
4 Mam boonda a Zeova, soab ning sẽn tog ne pẽgrã.A na n fãaga maam m bɛɛbã nusẽ.
5 Kũum ko-wĩis n da gũbg maam.+Nin-yood sẽn yaa wa kʋɩlg sẽn pid n puugd yɛɛsa maam.+
6 Yaoogã* wĩy ra gũbga maam.+Kũumã bẽds ra bee mam taoore.+
7 M toogã pʋgẽ, m boola a Zeova.+M da tara m Wẽnnaamã boolgo.
A paa a ro-sõngã pʋgẽ n wʋm mam koɛɛgã.M sẽn kelemd n kot sõngrã lʋɩɩ a tʋbrẽ.+
8 Dẽ, tẽn-gãongã sɩnga rigimdgu, n miimdẽ.+Saasã yẽbgrã rigimdame,+n miimdẽ, bala Wẽnnaam sũurã ra puugame.+
9 Bug-zõos n yi a yõ-bogdẽ wã n nusdẽ,tɩ bugum sẽn dɩt yi a noorẽ wã.+Bug-saal n yi a nengẽ.
10 A zõnega saasã n sigi.+Sawad-taok n da be a naoã tẽngre.+
11 A zomba seribẽ+ n yɩk n watẽ.
Yẽ zomba malɛk* pɩgs n puk tɩ nebã neẽ.+
12 A kɩtame tɩ lika,ko-rãmb sẽn yaa sabla, la sawad-taok gũbg-a wa fu-roogo.+
13 Bug-saal sẽn wit n yi vẽenemã sẽn be a taoorã pʋgẽ.
14 Dẽ, a Zeova zĩnda saasẽ n sɩng tãsga.+Sẽn ka-a to wã kɩtame tɩ b wʋm a koɛɛgã rãamde.+
15 Yẽ tãoo a pɛɛmã+ n sãeeg bɛɛbã.A kɩtame tɩ saagã yãge, n kẽes-b rabeem.+
16 Mogrã tẽngr pukame tɩ b neẽ.+A Zeova tãsgã, ne a yõ-bogdã pemsmã sẽn yi ne pãngã,+kɩtame tɩ tẽngã yẽbgrã puki.
17 A zĩnda yĩngr n tẽeg a nugu,n gãd maam n tak n yiis ko-zulums pʋsẽ.+
18 A fãaga maam m bɛyã sẽn tar pãngã nugẽ.+A fãaga maam neb nins sẽn kis maam la b tar pãng n yɩɩd maamã nugẽ.
19 Neb nins sẽn kis maamã zaba ne maam m yel-pakr daare,+la a Zeova sõnga maam.
20 A yiisa maam n tall n kẽng zĩig bũmb sẽn pa tõe n paam-m pʋgẽ.*+A fãaga maam a sũur sẽn noom ne maamã yĩnga.+
21 A Zeova keooda maam wa sẽn zems m tɩrlmã.+A ronda maam m nusã sẽn yaa yɩlmã* yĩnga.+
22 Bala mam tũu a Zeova soayã neere.La mam pa maan wẽnem n bas m Wẽnnaamã ye.
23 M bĩnga a tõodã fãa+ m yamẽ.Mam pa na n bʋdg n bas a noyã ye.+
24 Mam na n kell n yɩɩ burkĩn*+ a taoore.La m na n zãaga m meng ne beegre.+
25 Bɩ a Zeova keo maam wa sẽn zems m tɩrlmã,+la m sẽn pa tar taal a taoorã yĩnga.+
26 Yãmb maanda sɩd ne ned ning sẽn maand sɩda.+Ne ned sẽn yaa burkĩna,* yãmb wilgdame tɩ y yaa burkĩna.+
27 Ne ned ning sẽn yaa yɩlemde, yãmb wilgdame tɩ y yaa yɩlemde.+La ne ned ning sẽn yaa sɩlem soaba, yãmb wilgdame tɩ y yam yɩɩd-a lame.+
28 Bala yãmb fãagda sik-m-mens rãmbã,+la y zabd ne tɩtaam dãmbã n sikd-ba.+
29 Bala Zeova, yãmb yaa mam fɩtla.+Yaa a Zeova n kɩtd tɩ mam likã lebg vẽenem.+
30 Ne yãmb sõngre, mam tõe n zaba ne fãadb sulli.Ne Wẽnnaam pãnga, m tõe n kala lalga.+
31 Wẽnnaam soayã zemsa zãnga.+A Zeova gomdã yaa yɩlemde.*+
A yaa gãongo, neb nins fãa sẽn soonded a nengẽ wã yĩnga.+
32 Bala ãnd n yaa Wẽnnaam tɩ sã n pa a Zeova?+
Ãnd n yaa pĩig kugr tɩ sã n pa tõnd Wẽnnaamã?+
33 Wẽnnaam n yaa mam zĩ-soalgdg sẽn tar pãnga.+A na n demsa mam sorã.+
34 A kɩtdame tɩ mam naoã lebg wa walg nao.A kɩtdame tɩ mam yalsd zĩis sẽn zãnt zutu.+
35 A zãmsda maam zabre.Mam nusã tõe n yãaga zũud tãpo.
36 Yãmb kõta maam y fãagr gãongã.La yãmb sik-m-mengã zẽkda maam.+
37 Yãmb yalga sorã m nao-yakmã yĩnga.Mam naoã pa na n salg ye.+
38 M na n diga m bɛɛbã n sãam-b zãnga.Mam pa na n lebg tɩ m pa menes-b zãng ye.
39 Mam na n menes-b lame, la m beds-b tɩ b ra le yik ye.+B na n lʋɩɩ mam naoã tẽngre.
40 Yãmb na n kõo maam pãnga, zabrã yĩnga.+Yãmb na n kɩtame tɩ mam bɛɛbã lʋɩ mam taoore.+
41 Yãmb na n kɩtame tɩ mam bɛɛbã zoe mam taoore.+Mam na n sãama neb nins sẽn kis maamã.+
42 Bãmb kelemdame n kot sõngre, la ned kae n na n fãag-b ye.B pʋd n kelemdame n kot a Zeova sõngre, la a pa leokd-b ye.+
43 Mam na n too bãmb tɩ b lebg bãaneg wa tẽng tom.Mam na n beds-b lame n tab-b wa sor zug bɛgdo.
44 Yãmb na n fãaga maam ne m nin-buiidã wɩdgã.+
Yãmb na n kogla maam tɩ m lebg buud toɛy-toɛy taoor soaba.+Buud m sẽn da pa mi neb na n saka maam.+
45 Bu-zẽms na n wa yĩgimda mam taoor ne rabeem.+B sẽn wʋm bũmb ning mam zugã na n kɩtame tɩ b sak maam.
46 Bu-zẽms na n komsa raoodo.Bãmb na n yii b soondgã zĩisẽ la b rigda.
47 A Zeova vɩɩme! Bɩ m Pĩig kugrã paam pẽgre!+
Bɩ Wẽnnaam sẽn yaa m fãagr pĩig kugrã paam pẽgre.+
48 Wẽnnaam rokda m sũur n kõt-ma.+A kɩtdame tɩ buud toɛy-toɛy sakd maam.+
49 Yẽ fãagda maam m bɛɛbã nusẽ.
Yãmb zẽkda maam yĩngri,+ tɩ sẽn zabd-b ne maamã pa tõe n paam maam ye.Yãmb fãagda maam nen-kɛglem soabã nugẽ.+
50 Zeova, rẽ n so tɩ m na n pʋʋs yãmb bark bu-zẽmsã sʋka,+la m yɩɩl n pẽg yãmb yʋʋrã n yeel yaa:+
51 A tʋmda tʋʋm-kãsems a rĩmã fãagr yĩnga.+A wilgdame t’a sɩd nonga neb nins a sẽn yãkã,*rat n yeel t’a Davɩɩd la a roogã rãmb wakat sẽn kõn sa yĩnga.”+
Vẽnegr toor-toore
^ Ebre, “fãagr yɩɩlle.” Ges-y gom-biis võor bilgrã zĩigẽ, zĩig ning b sẽn gʋls tɩ “Yɩɩllã.”
^ Ges-y gom-biis võor bilgrã zĩigẽ.
^ Bɩ, “sobg.”
^ Bɩ, “zĩ-yalengẽ.”
^ Bɩ, “sẽn ka tar taalã.”
^ Bɩ, “ned sẽn pa tar taal.”
^ Ebre, “gãndaoogo.”
^ Bɩ, “yɩlga ne bugum.”
^ Ebre, “zaeyã.” Ges-y gom-biis võor bilgrã zĩigẽ.
