Bʋ-kaoodbã sebre 19:1-30

ÉCOUTER EN

Bẽnzame buudã neb yõga pag Gibeya t’a ki (1-30)

19 Rĩm sẽn da wa n ka be Israyɛllã,+ Levi buudã ned sẽn da be zĩig sẽn zãr Efrayim soolmã zĩig ning sẽn yaa tãensã,+ n da rɩk bi-pugl Betlehɛm+ sẽn be Zida soolmẽ wã, la bi-puglã lebga a pʋg-rɩkdga.* ² La pʋg-rɩkdgã* ra pa maand sɩd ne-a ye. A basa yẽ n kẽng a ba wã zakẽ Betlehɛm sẽn be Zida soolmẽ wã, n tɩ zĩnd be kiis a naase. ³ Dẽ, a sɩdã babs-a lame n na n tɩ gom ne-a t’a lebg n wa. A kẽnga ne a tʋm-tʋmda, n paas bõens a yiibu. B sẽn ta wã, pagã tall-a lame n kẽes a ba wã zakẽ. A ba wã sẽn yã raoã, a sũur yɩɩ noogo. ⁴ Raoã rɛɛmbã, rat n yeel tɩ pagã ba wã goma ne-a, t’a sak n pa ne bãmb rasem a tãabo. Bãmb da rɩtame la b yũuda, tɩ raoã gãe be yʋngo. ⁵ Rasem a naas-n-soabã daare, b sẽn yik ne yibeoogã pĩnd n na n loogã, pagã ba wã yeela a rɛɛmbã yaa: “Rɩ-y bũmb n paam pãnga, n yaool n looge.” ⁶ Woto, bãmb zĩndame, tɩ raoã ne a rɛɛmbã naag taab n dɩ la b yũ. Rẽ poore, pagã ba wã yeela a rɛɛmbã yaa: “M bõos tɩ f gãand yʋngã n noog f sũuri.”* ⁷ Raoã sẽn yik t’a na n looge, a rɛɛmbã kell n bõos-a lame, hal t’a sak n le gãand be yʋngã. ⁸ Rasem a nu soabã daare, raoã sẽn yik yibeoog pĩnd n na n looge, pagã ba wã yeel-a lame: “Rɩ-y bũmb n paam pãnga.” La b kell n zĩnda ne taab hal tɩ zaabr wa rat n ta, tɩ b yiibã ra ket n dɩtẽ. ⁹ Raoã sẽn yik n peeg a pʋg-rɩkdgã* ne a tʋm-tʋmdã tɩ b na n looge, a rɛɛmbã, rat n yeel tɩ pagã ba wã yeel-a lame yaa: “Ade! Zaabr taame la bala. M bõos tɩ f gãand yʋngã. Wĩndgã kẽeme la bala. Gãand yʋngã n noog f sũuri. Beoogo, f tõe n yika pĩnd n dɩk sor n kuil f yiri.”* ¹⁰ La raoã pa sak n na n le gãand yʋng a to yɛs ye. A yikame n kẽn n ta Zebuusi, rat n yeel tɩ Zerizalɛmme.+ A rɩka sor n loog ne bõens a yiibã ne b zɩɩbã, n paas a pʋg-rɩkdgã* ne a tʋm-tʋmdã. ¹¹ B sẽn wa n kolg Zebuusã tɩ wĩndgã ra kẽeme la bala. Rẽ la tʋm-tʋmdã yeel a zu-soabã yaa: “D pa na n yals kaanẽ sẽn yaa Zebuus nebã tẽngã n gãand yʋngã sɩda?” ¹² La a zu-soabã leok-a lame yaa: “D pa segd n yals sãamb sẽn pa Israyɛll neb tẽngẽ ye. D na n kẽn n taa hal Gibeya.”+ ¹³ Dẽ, a yeela a tʋm-tʋmdã yaa: “Wa tɩ d mams n ta Gibeya wall Rama, n gãand tẽn-kãens a yembr pʋgẽ yʋngã.”+ ¹⁴ Woto, b kell n sãagame. Wĩndgã sẽn sɩng kõomã tɩ b kolga Gibeya, Bẽnzame soolmẽ wã. ¹⁵ Bãmb yalsa Gibeya, n na n gãande. B kẽe tẽngã pʋgẽ, n tɩ zĩnd zãma wã zĩigẽ. La ned baa a ye pa reeg bãmb gãag-sobend a yir ye.+ ¹⁶ La zaab-kãnga, nin-kẽem sẽn da tɩ tʋm a pʋʋgẽ n kuiisẽ n wa n tũ be. A ra yaa Efrayim soolmã zĩig ning sẽn yaa tãensã neda,+ n da be Gibeya wakat bilfu. La tẽngã nebã ra yaa Bẽnzame buudã neba.+ ¹⁷ Nin-kẽemã sẽn zẽk a neng n yã raoã zãma wã zĩigẽ wã, a sokame: “Yãmb dabda yɛɛnẽ, la yɛ la yãmb yi-yã?” ¹⁸ T’a leok yaa: “Tõnd da bee Betlehɛm sẽn be Zida soolmẽ wã.+ D yii be masã n dabd a Zeova roogẽ wã.* Rẽ poore, d na n kẽnga zĩig sẽn zãr Efrayim soolmã zĩig ning sẽn yaa tãensã, mam sẽn yitẽ wã. La ned baa a ye pa reeg tõnd sãand a zakẽ ye. ¹⁹ Tõnd tara mood ne yambd sẽn sekd d bõensã,+ la d tar bur+ ne divẽ maam ne m pagã la d tʋm-tʋmdã yĩnga. Bũmb pa paoog tõnd ye.” ²⁰ La nin-kẽemã yeelame: “Bɩ laafɩ zĩnd ne foo! Bas tɩ m ges tɩ f paam bũmb nins fãa f sẽn date. Fo we n da gãand ka sẽn yaa zãma wã zĩigã ye.” ²¹ Dẽ, a tall-a lame n kuil a yiri, n bao rɩɩb n kõ bõensã. La b waasa b naoã, n dɩ la b yũ. ²² B sẽn wa n noogd b yõorã, tẽngã nin-yood n wa n gũbg zakã, n wẽed kʋɩlengã ne pãnga, la b gomd ne nin-kẽemã sẽn yaa roogã soabã n yetẽ: “Yiis raoã sẽn be fo roogẽ wã n wa tɩ d gãand-a.”+ ²³ Rẽ la roogã soab yi n yeel-b yaa: “Ayo, m saam-biisi. Da maan-y wẽng a woto ye. Maan-y sugr tɩ raoã yaa sãan sẽn sig mam zakẽ. Da tʋm-y tʋʋm-kãngã sẽn yaa wɩɩbdã ye. ²⁴ Ad m bi-puglã sẽn nan pa mi raoã, ne raoã pʋg-rɩkdgã* sẽn be ka. Bas-y tɩ m yiis-b n kõ-y tɩ y maan-b y sẽn date.*+ La bɩ y ra tʋm tʋʋm-kãngã sẽn yaa wɩɩbdã ne raoã ye.” ²⁵ La rapã pa kelg-a ye. Dẽ, Levi buudã nedã gãda a pʋg-rɩkdgã*+ n yiis n kõ-ba. B modg-a lame n gãand-a yʋngã tõre. La zĩigã sẽn wa n yẽegdẽ, bãmb bas-a lame t’a looge. ²⁶ Pagã taa nin-kẽemã roog noor yibeoogã pĩnda, zĩig ning a zu-soabã sẽn da be wã, n lʋɩ n pa be hal tɩ wĩndgã wa puki. ²⁷ A zu-soabã sẽn yik yibeoog n pak roogã kʋɩlens n yi n na n dɩk sorã, a yãa a pagã, rat n yeel t’a pʋg-rɩkdgã* sẽn tẽeg n gãe roogã rignoorẽ, t’a nusã palg rigno-koakã. ²⁸ Dẽ, a yeel-a lame: “Yik tɩ d looge.” La a pa wʋm leokr ye. Raoã rɩka pagã n palg bõangã n dɩk a yir sore. ²⁹ A sẽn ta yiri, a rɩka karenkɛ n pas a pʋg-rɩkdgã* zĩis piig la a yiibu, n tool Israyɛll soolem fãa a yembre. ³⁰ Ned ning fãa sẽn yã rẽ yeelame: “Israyɛll nebã sẽn yi Ezɩptã daar tɛk n tãag rũndã, bõn-kãngã buud zɩ n maane, la d zɩ n yã me ye. Tags-y yellã zug neere, n yẽs ne taaba,+ la y wilg-d d sẽn segd n maane.”