Bʋ-kaoodbã sebre 5:1-31
5 Baraare, a Deboora+ ne a Abinowam biig a Barak+ pʋda yɩɩn-kãngã n yeele:+
2 Tãb-biis sẽn bas b zoobd* n pa sẽb sẽn be Israyɛllã yĩnga,nin-buiid sẽn kõt b mens ne yamleoogã yĩnga,+pẽg-y-yã a Zeova!
3 Yãmb a rĩm-dãmba, kelg-y-yã! Yãmb a nanambse, yok-y y tʋba!
Mam na n yɩɩla a Zeova yĩnga.
Mam na n yɩɩlame n pẽg Israyɛll Wẽnnaam a Zeova.+
4 Zeova, yãmb sẽn wa n yi Seyɩɩrã,+yãmb sẽn wa n yi Edom soolmẽ wã,tẽngã rigimdame, la sa-gãongã kiiga koom,sawatã rʋʋga koom.
5 Tãensã yẽnega* a Zeova taoore,+baa Sinayi tãngã yẽnega Israyɛll Wẽnnaam a Zeova taoore.+
6 A Anat biig a Samgaar+ wakatẽ wã,a Zayɛll+ wakatẽ wã, soayã ra yaa vɩɩdo,so-toagdbã ra tũuda so-bugsi.
7 Tẽn-kɩremsã nebã ra pa le be ye.Bãmb da pa le be hal tɩ maam a Deboora+ yiki,hal tɩ mam yik Israyɛll wa ma.+
8 Bãmb yãka wẽn-paala.+Dẽ, zabr zĩnda tẽnsã rignoyẽ wã.+
Rap tus-pis-naas sʋk Israyɛlle,b ra pa tõe n yã gãong wall kãnd ye.
9 Mam sũurã bee ne Israyɛll tãb-biisã taoor dãmba,+sẽn kõ b mens ne yamleoog nin-buiidã sʋkã.+
Pẽg-y-yã a Zeova!
10 Yãmb a neb nins sẽn zao bõensã,*yãmb a neb nins sẽn tɩʋ fu-neeb n zĩẽ wã,la yãmb a neb nins sẽn kẽnd sorẽ wã,tags-y-yã!
11 B wʋma neb nins sẽn toogd koom n kõt rũmsã koees koomã toogr zĩisẽ.Be, b ra gomda a Zeova tɩrlem tʋʋmã yelle,a neb nins sẽn be Israyɛll tẽn-kɩremsẽ wã tɩrlem tʋʋmã yelle,
a Zeova nin-buiidã kẽnga tẽnsã rignoyẽ wã.
12 Deboora,+ neke! Neke!
Neke! Nek n pʋd yɩɩlle!+
Barake,+ yiki! A Abinowam biiga, tall f sẽn yõg-b rãmbã n looge!
13 Sẽn põs-bã kẽnga nin-kãsemsã nengẽ.A Zeova nin-buiidã waa mam nengẽ n zab ne gãndaadã.
14 Sẽn be-b longẽ wã yita Efrayimmi.Bãmb pʋgda foo, Bẽnzame, fo nin-buiidã sʋka.
Tãb-biisã taoor dãmb yii Makɩɩr+ n sigi,neb nins sẽn zãad rasaar n yãkd tãb-biisã* yii Zabulõ n sigi.
15 Isakaar na-biisã ra bee ne a Deboora,a Barak+ maana wa Isakaar buudã nebã.
B tʋm-a-la tẽn-nabrẽ wã ne nao.+
N-ye, la Rubɛn buudã neb yẽ yam da yuusdame.
16 Bõe yĩng tɩ fo zĩnd wags a yiibã sʋka,n kelgd-b tɩ b peebd wɩɩs n kõt b rũmsã?+
Rubɛn buudã neb yẽ yam ra yuusdame.
17 Galaad paa Zʋrdẽ kʋɩlgã poore.+La Dan yẽ, bõe yĩng t’a ket ne koom-kogendã?+
Asɛɛr zĩnda mogrã noor n pa maan bũmb ye.A paa a koom-kogendã yalsg zĩisẽ.+
18 Zabulõ yaa buud sẽn gẽneg a yõore.*Naftali me+ gẽnega a yõor tãensẽ wã.+
19 Rĩm-dãmb waame, b zabame,Kanaã rĩm-dãmbã zabame.+Yɩɩ Taanak sẽn be Megido+ koomã noorã.
Bãmb pa paam wanzuri n zɛ ye.+
20 Ãdsã zĩnda saasẽ n zabe,bãmb paa b soayã zut n zab ne a Sisera.
21 Kison kosoogã* koom peega bãmb n looge.+Yaa kʋdem-wẽndẽ kosoogã, Kison kosoogã koom.
Maam n tab pãens rãmbã!
22 Wed-moosã nao-bend kidga tẽnga,a wed-raadã sẽn da zoet ne pãngã yĩnga.+
23 A Zeova malɛkã yeelame: ‘Kãab-y Merooze,n-ye, kãab-y-yã a tẽngã neba,bala bãmb pa wa sõng a Zeova ye.Bãmb pa sõng a Zeova ne gãndaad ye.’
24 Pagbã fãa sʋka, a Zayɛll+ n paam bark n yɩɩda.Yaa Kɛn ned a Hebɛɛr+ pagã.Pagb nins fãa sẽn vɩ fu-rot pʋsẽ wã sʋka, yẽ n paam bark n yɩɩda.
25 Raoã kosa koom, t’a kõ-a bĩisim.
A Zayɛll pʋdga bĩis-gõeem+ tigr laag sẽn yaa neer pʋgẽ n kõ-a.
26 Yẽ rɩka fu-roog baaf ne a nugu,ne a nug-rɩtgo, a rɩka tʋm-tʋmd magto.
Yẽ wẽe a Sisera zugã, a bedsa a zugã,yẽ wẽe a kɩgdgã n pooge.+
27 A Sisera burame n lʋɩ a Zayɛll naoã sʋka. A lʋɩɩme n gãe sara.A burame n lʋɩ a naoã sʋka, a lʋɩɩme.Zĩig ning a sẽn bur n lʋɩ wã, be la a ki-yã.
28 Pag n be fenetrẽ n getẽ,a Sisera ma wã lɩkda fenetrẽ n getẽ:‘Bõe yĩng t’a saarã* kaoosd waoongo?
Bõe yĩng tɩ m ket n nan pa wʋmd a saar-dãmbã wed-moos nao rãamde?’+
29 A Sisera ma wã zakã pagb nins sẽn tar yam n yɩɩdã ra leokdame.N-ye, yẽnda me ra yeta a sũurẽ yaa:
30 ‘Tõe tɩ b pʋɩta taab te-zɛɛdmã b sẽn paamã,Tãb-biig fãa reega pʋg-sad a ye, pʋg-sadb a yiibu,fut sẽn los gar a Sisera sẽn paame, fut sẽn los gar b sẽn zɛ.Fuug sẽn gʋle, fut sẽn los gare, fut a yiib sẽn gʋle,fãadbã sẽn na n tar n nagsd b yubli.’
31 Zeova, bɩ yãmb bɛɛbã fãa sãame,+la bɩ neb nins sẽn nong yãmbã yɩ wa wĩntoogã sẽn pukd a ziirã pʋgẽ wã.”
Tẽngã zĩnda bãan* yʋʋm pis-naase.+
Vẽnegr toor-toore
^ B sẽn pa sẽb b zoob-wogdã wilgdame tɩ b maana pʋlengo, wall b rɩka b mens n kõ Wẽnnaam.
^ Pa rẽ bɩ, “rigimda.”
^ Bɩ, “bõn-zẽesã.”
^ Pa rẽ bɩ, “sẽn tʋmd-b ne seb-gʋlsd tʋʋm-teedã.”
^ Bɩ, “sẽn pa nan a sɩɩgã ye.”
^ Ebre, “kʋɩlgã.”
^ Yaa bũmb sẽn wõnd sarɛt tɩ wed-moos tatẽ.
^ Bɩ, “vʋʋsa.”
