A Salomo yɩɩllã sebre 8:1-14
-
Pʋg-sadã (1-4)
-
“Fo sã n da yaa wa mam tão” (1)
-
-
Pʋg-sadã tãopã (5a)
-
‘Yaa ãnda la sẽn kogl a noangã n watẽ wã?’
-
-
Pʋg-sadã (5b-7)
-
“Nonglem tara pãng wa kũum” (6)
-
-
Pʋg-sadã tãopã (8, 9)
-
“A sã n yaa lalga, . . . La a sã n yaa kʋɩlenga, . . .” (9)
-
-
Pʋg-sadã (10-12)
-
“Mam yaa lalga” (10)
-
-
Pe-kɩɩmã (13)
-
‘Bas tɩ m wʋm f koɛɛgã’
-
-
Pʋg-sadã (14)
-
“Zoe tʋʋll wa yãka”
-
8 “Fo sã n da yaa wa mam tãosẽn yẽsem m ma wã bĩisim,
dẽ, mam sã n yã foo yɩnga, m da na n mok-f lame,+la ned baa a ye kõn sãbs maam ye.
2 Mam da na n lʋɩɩ fo taoore,n tall-f n kẽng m ma wã roogẽ,+soab ning sẽn zãms maam bũmb wʋsgã.
Mam na n kõo foo divẽ sẽn tar yũ-noogo,gernaad tɩɩs biis koom sẽn maase.
3 A na n koka mam zugã ne a nug-goabga,la a mobg maam ne a nug-rɩtgo.+
4 Zerizalɛm kom-pugli, mam kotame tɩ y wẽen
tɩ y pa na n bao n nek nonglem m sũurẽ, tɩ m nan pa rat ye.”+
5 “Yaa ãnda la sẽn yit we-raoogẽ wãn kogl a noangã n watẽ wã?”
“Mam neka foo pomm tɩɩgã tẽngre.
F ma kʋma fo rogem beenẽ.
Beenẽ la pag ning sẽn dog foomã ra kʋmd f rogem.
6 Ning maam wa bãnd f sũurẽ wã,la wa bãnd f kangã zugu.Bala nonglem tara pãng wa kũum.+A kɩtdame tɩ ned tabend a sẽn nong a soabã n pa basdẽ, wa Yaoogã* sẽn pa basd nedã.
A bug-witmã yaa wa bugum sẽn dɩte, a Zah* bug-witmã.+
7 Koom sẽn zoet ne pãng pa tõe n kiis nonglem ye.+Kʋɩls pa tõe n kãag-a n loog ye.+
Baa rao sã n dɩk a zak paoong fãa n kõ nonglem yĩnga,b na n sãbsa rẽ.”*
8 “Tõnd tara d tão sẽn yaa bilfu,+n pa tar bĩis ye.
Bõe la d na n maan n kõ d tãoã,daar ning b sẽn na n wa kos-a n kẽ kãadmã?”
9 “A sã n yaa lalga,tõnd na n mee wanzuri gasg a zugu.La a sã n yaa kʋɩlenga,tõnd na n pag-a-la ne sɛɛdr da-peoko.”
10 “Mam yaa lalga,tɩ mam bĩisã yaa wa gasdo.
Woto, a nifẽ mam lebgawa ned sẽn paam bãane.
11 A Salomo ra tara viyn pʋʋg+ Baal-hamon.
Yẽ rɩka viyn pʋʋgã n gũnug neb tɩ b get a yelle.
B ned kam fãa ra wata ne wanzuri ligd-koeems tusri, a biisã yĩnga.
12 Mam tara m toorẽ viyn pʋʋg n maand m yam.
Salomo, wanzuri ligd-koeems tusrã yaa foom n so,tɩ kobs-yi wã yaa neb nins sẽn get a biisã yellã n so.”
13 “Foom a soab ning sẽn be zẽed zĩisẽ wã,+m tũud-n-taasã* tʋll n kelga f koɛɛga.
Bas tɩ ma-me wʋm f koɛɛgã.”+
14 “M noanga, zoe tao-tao.Zoe tʋʋll wa yãk+bɩ walg biiga,tãens nins zut mood sẽn tar yũ-noog sẽn yitã.”
Vẽnegr toor-toore
^ Ges-y gom-biis võor bilgrã zĩigẽ.
^ “Zah” wã yaa a Zeova yʋʋrã bool-koɛɛga.
^ Pa rẽ bɩ, “raoã.”
^ Tõe n yaa, “f tũud-n-taasã.”
