Tõod sebre 32:1-52
32 “Bɩ sẽn be-b saasẽ wã kelg tɩ m na n gomame,la bɩ sẽn be-b tẽngã zugã wʋm mam noorã goama.
2 Mam zãmsgã na n nii wa saaga.Mam goamã na n siga wa meenem,wa saag sẽn minisd mood zutu,la wa saag sẽn niid wʋsg mood la tɩɩs zugu.
3 Bala mam na n moona a Zeova yʋʋrã.+
Gom-y tõnd Wẽnnaamã ziirã yelle!+
4 A yaa Pĩig kugri. A tʋʋmã zemsa zãnga.+Bala a soayã fãa yaa tɩrse.+
A yaa Wẽnnaam sẽn yaa sɩd soaba,+ n pa tol n maand kɛgr ye.+A yaa tɩrlem soaba, la tɩrga.+
5 Yaa Israyɛll nebã n sãam b mense.+
Bãmb pa Wẽnnaam kamb ye. Yaa bãmb n tar taale.+
Bãmb yaa zãmaan sẽn yaa wẽnga, la zãmb dãmba!+
6 Nin-buiid sẽn yaa yalemb la sẽn pa tar yam,+yaa manesem a woto la yãmb segd n tall ne a Zeova sɩda?+
Pa yẽ la yãmb ba sẽn kɩt tɩ yãmb beẽ,+Soab ning sẽn naan yãmba, la sẽn lugl yãmb tɩ y lebg buudã sɩda?
7 Tẽeg-y pĩnd wẽndẽ wã yelle,la y tags bũmb nins sẽn maan zãmaan nins sẽn loogã wakate.
Sok-y y ba-rãmbã tɩ b tõe n togs-y lame.+Sok-y y nin-kẽembã tɩ b na wilg-yã.
8 Sẽn ka-a to wã sẽn wa n kõ buud fãa a pʋɩɩrã,+a sẽn wa n welg a Ãdem kambã* ne taabã,+a yãka buud toɛy-toɛyã todse,+wa sẽn zems a Israyɛll kambã sõore.+
9 Bala a Zeova nin-buiidã yaa yẽ rẽnda.+A Zakoob yaa yẽ n so.*+
10 A yã-a-la soolem sẽn yaa we-raoog pʋgẽ,+sẽn da yaa vɩʋʋgo, n pid ne we-rũms sẽn yãbda.+
A gũbg-a lame n kogl-a, n ges a yell neere.+A kogl-a-la wa a nin-beelle.+
11 Wa pa-nand-tugr sẽn zãmsd a kamb yɩgbo,n laand a kambã zutu,n tẽegd a pɩgsã n dɩkd-btɩ b zao a pɩgsã zugã,+
12 a Zeova bal n da lʋɩt a* taoore.+Wẽn-sãang pa zĩnd ne-a ye.+
13 A kɩtame t’a zomb tẽngã zĩ-zãntsẽ,+t’a rɩ koodã sẽn be pʋtẽ wã.+
A rɩlg-a-la ne sɩɩd b sẽn yãk pĩigẽ,ne kaam b sẽn yãk kug-kɛgeng pʋgẽ,
14 ne rũm-bɛdã bĩis-kaam la rũm-bõoneg bĩisim,n paas pe-nobdse,*ne Basan pe-raad la boeese,n naag ne bɩle sẽn yaa sõma n yɩɩda.+A kõo foo rãam sẽn maan ne viyn biis koom tɩ f yũ.
15 A Yesurun* sẽn wa n nobã, a tõdgame n tão a soaalã.
Fo nobame, fo lebga bedre, la taoko.+
Dẽ, a basa Wẽnnaam, soab ning sẽn naan yẽ wã.+A paooga Pĩig kugr ning sẽn yaa a fãagdã.
16 Bãmb tũu wẽn-sãamse, tɩ Wẽnnaam sũurã puug wʋsgo.+Bãmb tʋma tʋʋm Wẽnnaam sẽn kisi, n beeg-a.+
17 Bãmb da maanda maand n kõt zĩn-dãmba, la pa Wẽnnaam ye.+B ra kõt-b-la wẽnnaam-dãmb b sẽn pa mi,wẽn-paal sẽn wa sẽn nan pa kaoose,sẽn yaa wẽnnaam-dãmb y yaab-rãmbã sẽn pa bãnge.
18 Yãmb yĩma Pĩig kugr+ ning sẽn kɩt tɩ y beẽ wã yelle.La yãmb pa tẽeg Wẽnnaam ning sẽn kõ yãmb vɩɩmã* yell ye.+
19 A Zeova sẽn wa n yã rẽ wã, a raaga a kom-dibli wã ne a kom-pugli wã n base,+b sẽn beeg-a wã yĩnga.
20 Dẽ, a yeelame: ‘Mam na n solga m neng ne-ba.+M na n gesa sẽn na n yɩ to-to ne-ba.
Bala b yaa zãmaan sẽn yaa wẽnga,+rat n yeel tɩ kamb sẽn pa maand sɩda.+
21 Bãmb tũu wẽn-faado, tɩ m sũurã yiki.*+Bãmb tũu bõn-naands sẽn ka yõodo, n beeg maam.+
Rẽ wã, mam na n tũnuga ne neb sẽn pa buudu, n kɩt tɩ sũ-kiir yõk-ba.+Mam na n tũnuga ne buud sẽn pa tar yam, n yik b sũyã.+
22 Mam sũ-puugrã wita wa bugum+n na n dɩ hal n tãag Yaoogã* zĩ-zulumsẽ wã.+A na n dɩɩ tẽngã ne a koodã fãa.A na n dɩɩ tãensã yẽbgrã.
23 Mam na n kɩtame tɩ b toogã lebg wʋsgo.Mam na n wʋka m pɛɛmã fãa n tão-ba.
24 Kom n na n yõk-b tɩ b zelge.+Yĩn-wɩngr n na n yõk-ba, tɩ b sãam zãnga.+
Mam na n kɩtame tɩ we-rũms wãb-ba,+la m kɩt tɩ wag-toos sẽn be tomẽ kɛ-ba.
25 B na n kʋʋ neb nins sẽn be yɩngã kamb ne sʋʋse.+Rabeem n na n yõk neb nins sẽn be pʋgẽ wã.+Na n yɩɩ woto ne bi-bɩɩga, pa-kuili,bi-bilf la nin-kẽem me.+
26 Mam da na n yeelame: “Mam na n sãeeg-b lame,la m kɩt tɩ ned baa a ye pa le tẽeg b yell ye.”
27 La mam zoeta bɛɛbã sẽn na n yeelã.+Bala bɛɛbã tõeeme n pa wʋm a võore,+
n yeel yaa: “Tõnd pãngã tõog-b lame.+Pa a Zeova n maan woto fãa ye.”
28 Bala b yaa buud sẽn pa tar yam,*la b pa wʋmd baa fʋɩ võor ye.+
29 B sã n da tar yam,+ b ra na n tagsa bõn-kãngã zugu.+
B ra na n tagsa bũmb ning sẽn na n paam-bã yelle.+
30 Nin-yend na n yɩɩ wãn n dig neb tusri,tɩ neb a yiib rig neb tus-piig tɩ b zoe,+
sã n pa tɩ b Pĩig kugrã raag-b lame n base,+sã n pa t’a Zeova ning-b-la b bɛɛbã nusẽ?
31 Bala bãmb pĩig kugrã pa wa tõnd Pĩig kugrã ye.+Baa tõnd bɛɛbã mii rẽ.+
32 Bala b viyn tɩɩsã yaa Sodom viyn tɩɩssẽn yit Gomoor pʋtã pʋsẽ.+
B biisã yaa zẽnem,n yaa toog liga.+
33 B divẽ wã yaa wiis zẽnem,rat n yeel tɩ ruruug zẽnem sẽn yaa toaaga.
34 Mam pa bĩng b sẽn maanã fãa m nengẽ,n pag-b m baoorã pʋgẽ sɩda?+
35 Sũ-dokr yaa maam n so. Maam n keoode.+Wakat ning m sẽn yãkã sã n ta, b naoã na n salgame.+Bala b sãoongã daar kolgame.Bũmb ning sẽn na n paam-bã wata tao-tao.’
36 Bala a Zeova na n kaoo a nin-buiidã bʋʋdo.+A na n zoee a tʋm-tʋmdbã nimbãanega,+a sã n wa yã tɩ b pãngã boogame,la tɩ yaa sẽn pa tar-b sõangd la sẽn pa tar-b pãngã bal n kete.
37 Dẽ, a na n yeelame yaa: ‘B wẽnnaam-dãmbã bee yɛ?+Pĩig kugr ning sẽn da yaa b soondg zĩigã,
38 la sẽn da rɩt b maandã kaamã,*la sẽn da yũud b divẽ kũunã bee yɛ?+
Bɩ b wẽnnaam-dãmbã yik n sõng yãmba.
Bɩ b yɩ yãmb soondg zĩiga.
39 Ade! Mam yaa Wẽnnaam.+Wẽnnaam a to kae n zʋʋg maam ye.+
Mam kʋʋdame, la m kõt vɩɩm.+
Mam pogendame,+ la m na n tɩpame.+Ned pa tõe n fãag a to mam nugẽ ye.+
40 Bala mam zẽka m nug saasẽn wẽend n yetẽ: “Mam sẽn vɩ wakat sẽn ka sɛtã, m wẽenda ne m mengã,”+
41 tɩ m sã n saas m sʋʋgã sẽn pɩndã,n segl m meng n na n kao bʋʋdo,+mam na n doka m sũur m bɛɛbã zugu,+la m keo neb nins sẽn kis maamã.
42 Mam na n kɩtame tɩ m pɛɛmã yũ zɩɩm n tɩge,tɩ m sʋʋgã me wãb nemdo.Yaa neb nins b sẽn kʋ wã, la yembsã zɩɩm,n paas bɛɛbã taoor dãmbã zutu.’
43 Yãmb a buud toɛy-toɛyã fãa neba, naag-y-yã a nin-buiidã n kɩdem sũ-noogo,+bala a na n doka a tʋm-tʋmdbã sũur b zɩɩmã sẽn daagã yĩnga.+A na n doka a sũur a bɛɛbã zugu,+la a maan paasg* a nin-buiidã soolmã yĩnga.”
44 Dẽ, a Moyiiz waame, n lebs n dɩk yɩɩllã goam fãa tɩ nin-buiidã kelge.+ Yɩɩ yẽ ne a Nun biig a Ooze.*+
45 A Moyiiz sẽn togs Israyɛll nebã gom-kãensã fãa n sa wã,
46 a yeel-b lame: “Ning-y gom-kãensã fãa mam sẽn keoog yãmb rũndã wã y yamẽ,+ sẽn na yɩl n dɩk-a n zãms y kambã, tɩ b gũus neer n tũ Tõ-kãngã goamã fãa.+
47 Bala pa gom-vɩɩd ne yãmb ye. Yaa yõor yelle.+ Ne gom-kãensã maasem, yãmb tõe n vɩɩmdame n kaoos soolem ning yãmb sẽn na n dʋʋg Zʋrdẽ kʋɩlgã n tɩ soogã pʋgẽ.”
48 A Zeova goma ne a Moyiiz baraare, n yeele:
49 “Rʋ Abarim tãngã,+ rat n yeel tɩ Nebo tãngã+ sẽn be Mowaab soolmẽ wã n tees Zeriko wã. Rʋ n tɩ ges Kanaã soolmã mam sẽn na n kõ Israyɛll nebã tɩ b soogã.+
50 Rẽ poore, fo na n kii tãngã fo sẽn na n dʋ wã zugu, tɩ b mum foo wa b sẽn mum f yaab-rãmbã, wa fo ba-biig a Aarõ sẽn ki Hoor tãngẽ wã+ tɩ b mum-a wa b sẽn mum a yaab-rãmbã.
51 Bala yãmb y yiibã pa maan sɩd ne maam Israyɛll nebã sʋka, Meriba+ koomã sẽn be Kadɛɛsã, Zĩn we-raoogẽ wã ye. Yãmb pa waoog maam Israyɛll nebã taoor ye.+
52 Fo na n yãa soolem ning mam sẽn na n kõ Israyɛll nebã yɩɩga. La fo pa na n kẽ soolmã pʋgẽ ye.”+
Vẽnegr toor-toore
^ Pa rẽ bɩ, “ninsaalbã.”
^ Bɩ, “A Zakoob yaa yẽ pʋɩɩre.”
^ Rat n yeel t’a Zakoobe.
^ Ebre, “piis sẽn tar kaam.”
^ Rat n yeel tɩ “Ned sẽn yaa tɩrga.” Yaa Israyɛll waoogr yʋʋre.
^ Ebre, “sẽn dog yãmbã.”
^ Bɩ, “sũ-kiir yõk-ma.”
^ Ges-y gom-biis võor bilgrã zĩigẽ.
^ Pa rẽ bɩ, “sẽn pa wʋmd saglga.”
^ Bɩ, “sẽn da rɩt b maandã sẽn yaa sõma n yɩɩdã.”
^ Ges-y gom-biis võor bilgrã zĩigẽ.
^ Yaa a Zozuwe yʋʋr meng-menga. Ooze wã yaa Osaya bool-koɛɛga, sẽn dat n yeel t’a “Zah n fãage, a Zah fãagame.”
