Vẽnegr sebre 7:1-17
7 Rẽ poore, mam yãa malɛgs a naas sẽn yas tẽngã kɩrems a naasẽ wã, n gãd tẽngã sobd a naasã kãn-kãe sẽn na yɩl tɩ sobg baa a ye ra fug tẽngã zugu, bɩ mogrã zug wall tɩɩg baa a ye zug ye.
2 La mam yãa malɛk a to sẽn yi wĩndgã sẽn pukdẽ wã* n dʋʋd yĩngri, n zãad Wẽnnaam ning sẽn vɩ wã bãndã ningdga. A zẽka a koɛɛg n gom ne malɛgs a naasã b sẽn kõ noor tɩ b sãam tẽngã ne mogrã
3 n yeele: “Ra maan-y tẽngã wall mogrã bɩ tɩɩsã wẽnga, hal tɩ d ning tõnd Wẽnnaamã yembsã rĩy+ bãnd n sa.”+
4 La mam wʋma neb nins b sẽn ning bãndã sõore. Yaa neb tus-koabg la tus pis-naas la a naas+ sẽn yit Israyɛll buud toɛy-toɛyã sʋka:+
5 Zida buudã neb b sẽn ning bãndã yaa neb tus-piig la a yiibu,Rubɛn buudã yaa neb tus-piig la a yiibu,Gaad buudã yaa neb tus-piig la a yiibu,
6 Asɛɛr buudã yaa neb tus-piig la a yiibu,Naftali buudã yaa neb tus-piig la a yiibu,Manase+ buudã yaa neb tus-piig la a yiibu,
7 Sɩmeyõ buudã yaa neb tus-piig la a yiibu,Levi buudã yaa neb tus-piig la a yiibu,Isakaar buudã yaa neb tus-piig la a yiibu,
8 Zebulõ buudã yaa neb tus-piig la a yiibu,Zozɛf buudã yaa neb tus-piig la a yiibu,tɩ Bẽnzame buudã neb b sẽn ning bãndã me yaa neb tus-piig la a yiibu.
9 Rẽ poore, mam yãa kʋʋn-kãseng ned baa a ye sẽn pa tõe n sõd n sa, sẽn yit tẽnsã fãa pʋsẽ, buud toɛy-toɛyã fãa pʋsẽ,+ la sẽn gomd buud-goamã fãa tɩ b yas geerã taoor la Pe-bilã taoor ne kasaab-peelse,+ n zãad koms vãad b nusẽ wã.+
10 La b ra zẽkda b koees n gomd ne pãng n yetẽ: “Fãagrã yita tõnd Wẽnnaamã sẽn zao geerã zugã nengẽ,+ la Pe-bilã nengẽ.”+
11 Malɛgsã fãa ra yasame n gũbg geerã ne kãsem-dãmbã+ la bõn-vɩɩs a naasã. B lʋɩɩ geerã taoor n fõgen b nens tẽng n waoog Wẽnnaam
12 n yeele: “Ãmiina! Bɩ tõnd Wẽnnaamã paam pẽgr ne ziiri, yam la bark pʋʋsgo, waoogr ne tõog la pãng wakat sẽn kõn sa yĩnga.+ Ãmiina.”
13 Rẽ la kãsem-dãmbã nin-yend sok maam yaa: “Nin-kãensã sẽn yer kasaab-peelsã+ yaa ãnda rãmba, la b yita yɛɛnẽ?”
14 Dẽ, mam leok-a-la zĩig pʋgẽ n yeele: “M zu-soaba, yaa yãmb n mi.” T’a yeel maam yaa: “Nin-kãensã yaa neb nins sẽn põs to-kãsengã sasa wã,+ la b pegsa b kasaabsã Pe-bilã zɩɩmã pʋgẽ+ n kɩt tɩ b lebg peelse.
15 Rẽ n so tɩ b yas Wẽnnaam geerã taoor n tũud-a ne b sũy fãa wĩndg la yʋng a roogã pʋgẽ. Sẽn zao-a geerã+ na n tẽega a fu-roogã n lud-ba.+
16 Kom pa na n tol n le yõk-ba, la ko-yũud me pa na n le yõk-b a bada. Wĩntoogã pa na n le wẽ-ba, la tʋʋlg baa bilf me pa na n le yõog-b ye.+
17 Bala Pe-bilã+ sẽn be geerã tẽn-sʋkã na n kɩɩma bãmba.+ A na n talla bãmb n kẽng vɩɩm ko-bunds zĩisẽ.+ La Wẽnnaam na n yẽesa nintãm fãa bãmb ninẽ wã.”+
Vẽnegr toor-toore
^ Bɩ, “yaang.”
