Yɩɩn-sõamyã sebre 104:1-35
104 Bɩ m* pẽg a Zeova.+
Mam Wẽnnaam a Zeova, yãmb yaa kãseng wʋsgo.+
Yãmb yera naam* la neerem wa fuugu.+
2 Vẽenem+ pila yãmb wa fuugu.Yãmb yɛdgda saasã wa fu-roog peende.+
3 A ninga a yĩngr dotã raad ko-rãmbã sẽn be yĩngrã pʋgẽ.*+A kɩtdame tɩ sawatã lebg a saare,*+la a zao sobg pɩgs n kẽnda.+
4 A maana a malɛgsã tɩ b yaa vʋʋsem.A maana a tʋm-tʋmdbã tɩ b yaa wa bugum sẽn dɩte.+
5 A yẽbga tẽngã a yẽbgr toor-toorã zutu.+Bũmb pa na n tol n yẽrg-a a zĩigẽ wã* a bada.+
6 Yãmb lud-a-la ne ko-zulumsi, wa b sẽn lud-a ne fuugu.+
Ko-rãmbã ra bee tãensã zutu.
7 Yãmb sẽn tãsã, b zoeeme.+Yãmb sa-tãsã rãamd kɩtame tɩ b yɛɛs n zoe,
8 n kẽng zĩig ning yãmb sẽn yãk b yĩngã.Tãensã zẽkame,+ tɩ londã sigi.
9 Yãmb yãka toadg b sẽn pa segd n longe,+sẽn na yɩl tɩ b ra le lud tẽngã yɛs ye.
10 Wẽnnaam tʋmda ko-bunds londã* pʋsẽ.B zoeta tãensã sʋka.
11 Ko-bundsã kõta we-rũmsã fãa sẽn be weoogẽ wã koom.We-bõensã yiisda b ko-yũud be.
12 Liuuli wã sẽn yɩgd yĩngrã zaoo koomã zugẽ.B bee vãadã sẽn yaa wʋsgã sʋk n yɩɩndẽ.
13 Wẽnnaam bee a yĩngr dotẽ wã n zãgsd tãensã koom.+
Yãmb tʋʋmã biis sekda tẽngã.+
14 A kɩtdame tɩ mood yit rũmsã yĩnga,la a kɩtdẽ tɩ tɩɩs la kood yit ninsaal yĩnga,+sẽn na yɩl tɩ rɩɩb yi tẽn-gãongã zugu:
15 Yaa divẽ sẽn noogd ninsaal sũurã,+kaam sẽn kɩtd tɩ neng pɩndã,la rɩɩb* sẽn kõt ninsaal pãngã.*+
16 A Zeova tɩɩsã tɩgdame.Yaa Libã sɛɛdr tɩɩsã b sẽn selã,
17 zĩis nins liuuli wã sẽn tʋɩt tʋgdã.
Kʋl-yaadgã+ roog bee zenevirie tɩɩsẽ wã.
18 Tãens nins sẽn yaa lug-lugã yaa we-bʋʋsã yĩnga.+Pĩisã yaa sɛy+ soondg zĩiga.
19 Bãmb maana kiuugã sẽn na yɩl t’a wilgd wakatã.Wĩntoogã mii wakat ning a sẽn segd n kẽ wã sõma.+
20 Yãmb wata ne lika, tɩ zĩigã sobge.+Yaa wakat kãng la we-rũmsã fãa sẽn be kãgrẽ wã gilgda.
21 Gɩgem-poalã kelemda rũms nins b sẽn dat n yõgã yĩnga,+n kot Wẽnnaam b rɩɩbo.+
22 Wĩntoogã sã n wa yi,b loogdame n tɩ gãand b gãag zĩisẽ.
23 Ninsaal yitame n kẽng a tʋʋmdẽ,n tɩ tʋm n tãag zaabre.
24 Zeova, yãmb tʋʋmã sɩd yaa wʋsgo!+
Yãmb maana b fãa ne yam.+
Tẽngã pida ne bũmb nins yãmb sẽn maanã.
25 Sã n yaa ne mogrã, a yaa zulung wʋsg la yalenga,n pid ne bõn-vɩɩs ka tɛka, bɛd la bõonego.+
26 Yaa be la koom-kogendã kẽnda,n paas Leviatã* wã+ yãmb sẽn maan sẽn na yɩl t’a reem be wã.
27 Bãmb fãa teega yãmba,sẽn na yɩl tɩ y kõ-b b rɩɩb a wakate.+
28 B wʋkda bũmb nins yãmb sẽn kõt-bã.+
Yãmb sã n puk y nugã, b paamda bõn-sõma tɩ seke.+
29 Yãmb sã n solg y nengã, b yɛɛsdame.
Yãmb sã n deeg b vʋʋsmã, b kiidame, n leb tomẽ wã.+
30 Yãmb sã n tʋm y vʋʋsmã, y naand-b lame,+la y lebs n palem tẽn-gãongã.
31 A Zeova ziirã na n paa wakat fãa yĩnga.
A Zeova na n maana sũ-noog a tʋʋmã yĩnga.+
32 A sã n ges tẽngã, tẽngã rigdame.A sã n sɩɩs tãensã, b nusda bug-zõose.+
33 Mam na n yɩɩla a Zeova yĩng+ m vɩɩmã tõre.Mam sã n ket n vɩ fãa, m na n yɩɩl n pẽga m Wẽnnaamã.+
34 Bɩ mam tagsa wã ta a yam.*
Mam na n kɩdma sũ-noog a Zeova yĩnga.*
35 Yel-wẽn-maandbã na n menema dũniyã zugu.Nin-wẽnsã pa na n le zĩnd ye.+
Bɩ m* pẽg a Zeova. Pẽg-y-yã a Zah!*
Vẽnegr toor-toore
^ Bɩ, “ziir.”
^ Bɩ, “m sɩɩgã.”
^ Ebre, “ko-rãmbã pʋsẽ.”
^ Yaa bũmb sẽn wõnd sarɛt tɩ wed-moos tatẽ.
^ Bɩ, “pa na n tol n miim-a.”
^ Bɩ, “kosoodã.”
^ Ebre, “ninsaal sũur pãngã.”
^ Ebre, “bur.”
^ Ges-y gom-biis võor bilgrã zĩigẽ.
^ Pa rẽ bɩ, “Bɩ mam sẽn bʋgsd yẽ zugã ta a yam.”
^ Ebre, “maana sũ-noog a Zeova pʋgẽ.”
^ Bɩ, “m sɩɩgã.”
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
