Yɩɩn-sõamyã sebre 110:1-7
A Davɩɩd yɩɩlle.
110 A Zeova yeela mam Zu-soabã yaa:
“Zĩnd mam nug-rɩtgo,+n tãag m sẽn na n dɩgl f bɛɛbã wa nao-roagendg fo naoã yĩnga.”+
2 A Zeova na n zĩnda Siyõ n tẽeg fo pãngã naam dasaarã n yeele:
“Kẽng n tɩ rɩ naam f bɛɛbã sʋka.”+
3 Daar ning fo sẽn na n lʋɩ f tãb-biisã taoor n kẽng zabrã,* fo nebã na n kõo b mens ne yamleoogo.
Fo kom-bɩɩsã sull yaa wa meenem sẽn sigd tõd-beoogo.B yaa neeb la sõamyã.
4 A Zeova wẽename, la a pa na n toeem yam* ye:
“Fo yaa maan-kʋʋd wakat fãa yĩng+wa a Melkisedɛke!”+
5 A Zeova na n zĩnda fo nug-rɩtgo.+A na n sãama rĩm-dãmb a sũ-puugrã daare.+
6 A na n kaoo buud toɛy-toɛyã bʋʋdo,* la a sɩbg-ba.+A na n kɩtame tɩ soolmã pid ne kũ-rãmba.+
A na n sãama soolem sẽn yaa yaleng* taoor soaba.*
7 A* na n yũu kʋɩlgã sẽn be sorã noorã koom.
Rẽ n so t’a na n zẽk a zugu.
Vẽnegr toor-toore
^ Bɩ, “Daar ning fo sẽn na n tigim f tãb-biisã.”
^ Bɩ, “a pa na n maan a bãngẽ.”
^ Bɩ, “kaoo bʋʋd buud toɛy-toɛyã sʋka.”
^ Bɩ, “tẽngã tõr.”
^ Ebre, “zugu.”
^ Yaa “mam Zu-soab” ning yell b sẽn gomd vɛrse a 1 wã pʋgẽ wã.
