Yɩɩn-sõamyã sebre 112:1-10
112 Pẽg-y-yã a Zah!*+
א [Aleph]
Sũ-noog soab la ned ning sẽn zoet a Zeova,+ב [Beth]la sũur sẽn noom wʋsg ne a noyã.+
ג [Gimel]
2 A kambã ne a yagensã na n paama pãng wʋsg tẽngã zugu.ד [Daleth]Nin-tɩrg kamb la a yagens na n paama barka.+
ה [He]
3 Paoong ne arzɛgs n be a roogẽ wã.ו [Waw]A tɩrlmã paada wakat fãa yĩnga.
ז [Zayin]
4 A yãgda wa vẽenem lik pʋgẽ nin-tɩrsã yĩnga.+
ח [Heth]
A yaa nimbãan-zoɛta, sõmblem soab+ la nin-tɩrga.
ט [Teth]
5 Ned ning sẽn pengd ne yamleoog* yɛl yaa sõma.+
י [Yod]
A maanda a bũmb fãa ne tɩrlem.
כ [Kaph]
6 A pa na n tol n maan yɩɩr ye.+
ל [Lamed]
B na n tẽega nin-tɩrg yell wakat fãa yĩnga.+
מ [Mem]
7 A pa na n yɛɛs kiba-wẽng ye.+
נ [Nun]
A sũur keemame. A teega a Zeova.+
ס [Samekh]
8 A sũur keemame. A pa zoet rabeem ye.+ע [Ayin]A na n wa baas n yãa a zabd-n-taasã lʋɩɩse.+
פ [Pe]
9 A ra pʋɩta wʋsgo. A ra kõta naong rãmbã.+
צ [Tsade]
A tɩrlmã paada wakat fãa yĩnga.+
ק [Qoph]
A mengã pãng* na n paasa ne ziiri.
ר [Resh]
10 Nin-wẽng na n yãame t’a sũur puugi.
ש [Shin]
A na n wãba a yẽnã, n faag n wa ki.
ת [Taw]
Nin-wẽnsã tʋlsem na n sãamame.+
Vẽnegr toor-toore
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
^ Bɩ, “ne nimbãan-zoeer.”
^ Ebre, “yɩɩll.”
