Yɩɩn-sõamyã sebre 122:1-9
Rʋʋbã yɩɩlle. A Davɩɩd yɩɩlle.
122 Mam kɩdma sũ-noogo, b sẽn wa n yeel maam yaa:
“D kẽng a Zeova roogẽ wã.”+
2 La masã, tõnd naoã yasafoom a Zerizalɛm rignoyẽ wã.+
3 B mee Zerizalɛm t’a yaa tẽngrot sẽn sẽg taaba.+
4 Buud toɛy-toɛyã sẽn yaaa Zah* buud toɛy-toɛyã kẽnga bewa sẽn zems noy nins b sẽn kõ Israyɛll nebã,n na n tɩ pẽg a Zeova yʋʋrã.+
5 Bala bʋ-kaoor gɛy la b lugl be.+Yaa a Davɩɩd roogã naam gɛyã.+
6 Pʋʋs-y n kos-y tɩ laafɩ zĩnd Zerizalɛm.+
Foom a galʋ-tẽnga, neb nins sẽn nong foomã na n zĩnda bãane.
7 Bɩ laafɩ zĩnd tẽngã* pʋgẽ,tɩ bãan zĩnd fo gasdã sẽn tar pãngã pʋsẽ.
8 Mam saam-biisã ne m tũud-n-taasã yĩnga, mam na n yeelame:
“Bɩ laafɩ zĩnd fo pʋgẽ.”
9 Tõnd Wẽnnaam a Zeova roogã yĩnga,+mam na n baoo fo neere.
