Yɩɩn-sõamyã sebre 136:1-26
136 Pʋʋs-y-yã a Zeova barka, bala a yaa sõma.+A maan-neerã paada wakat fãa.+
2 Pʋʋs-y wẽnnaam-dãmb Wẽnnaamã barka,+bala a maan-neerã paada wakat fãa.
3 Pʋʋs-y zu-soben-dãmb Zu-soabã barka,bala a maan-neerã paada wakat fãa.
4 Yẽ a ye tãa n maand bõn-kãsemse,+bala a maan-neerã paada wakat fãa.+
5 A maana saasã ne bãngre,*+bala a maan-neerã paada wakat fãa.
6 A yɛdga tẽngã koomã zugu,+bala a maan-neerã paada wakat fãa.
7 A maana bõn-kãsemsã sẽn kõt vẽenemã,+bala a maan-neerã paada wakat fãa.
8 A maana wĩndgã sẽn na yɩl t’a soog wĩntoogo,+bala a maan-neerã paada wakat fãa.
9 A maana kiuugã ne ãdsã sẽn na yɩl tɩ b soog yʋngo,+bala a maan-neerã paada wakat fãa.
10 A kʋʋ Ezɩpt kom-dẽemsã,+bala a maan-neerã paada wakat fãa.
11 A yiisa Israyɛll nebã b sʋka,+bala a maan-neerã paada wakat fãa.
12 Yɩɩ ne nug sẽn tar pãnga,+ la ne kang sẽn tar pãnga,*bala a maan-neerã paada wakat fãa.
13 A welga Mog-miuugã zĩis a yiibu,+bala a maan-neerã paada wakat fãa.
14 A kɩtame tɩ Israyɛll nebã pasg a tẽn-sʋkã,+bala a maan-neerã paada wakat fãa.
15 A loba a Farawõ ne a tãb-biisã Mog-miuugã pʋgẽ,+bala a maan-neerã paada wakat fãa.
16 A wilga a nin-buiidã sor we-raoogẽ wã,+bala a maan-neerã paada wakat fãa.
17 A luba rĩm-kãsemse,+bala a maan-neerã paada wakat fãa.
18 A kʋʋ rĩm-dãmb sẽn tar pãense,bala a maan-neerã paada wakat fãa.
19 Yɩɩ Amoor nebã rĩm a Siyon,+bala a maan-neerã paada wakat fãa.
20 Ne Basan rĩm a Ooge,+bala a maan-neerã paada wakat fãa.
21 A rɩka b soolmã n kõ tɩ yɩ pʋɩɩre,+bala a maan-neerã paada wakat fãa.
22 A kõ-a lame tɩ yɩ Israyɛll nebã sẽn yaa a tʋm-tʋmdbã pʋɩɩre,bala a maan-neerã paada wakat fãa.
23 A tẽega tõnd yell d pãngã sẽn wa n sa wã,+bala a maan-neerã paada wakat fãa.+
24 A ra fãagda tõnd d zabd-n-taasã nusẽ,+bala a maan-neerã paada wakat fãa.
25 A kõta bõn-vɩɩg buudã fãa* rɩɩbo,+bala a maan-neerã paada wakat fãa.
26 Pʋʋs-y saasẽ Wẽnnaamã barka,bala a maan-neerã paada wakat fãa.
