Yɩɩn-sõamyã sebre 14:1-7
Yɩɩlã taoor soab yĩnga. A Davɩɩd yɩɩlle.
14 Yalembã* yeta b sũurẽ yaa:
“A Zeova kae ye.”+
B tʋʋmã yaa tʋʋm-yoodo, tɩ Wẽnnaam kis b sẽn maand bũmb ninsã.Ned baa a ye pa maand sẽn yaa sõma ye.+
2 La a Zeova bee saasẽ n sulgd n get ãdem-biisã,n na n ges ned yam sẽn wek sã n bee b sʋka, ned sã n bee b sʋk n baood a Zeova.+
3 B fãa bʋdgame.+B fãa yaa nin-yoodo.
Baa a ye pa maand sẽn yaa sõma ye.Baa nin-yɛng menga.
4 Tʋʋm-wẽns-maandbã baa a yembr pa wʋmd yɛlã võor la?
Bãmb wãbda mam nebã wa b sẽn wãbd buri.
B pa pʋʋsd a Zeova ye.
5 La rabeem-kãseng n na n yõk-ba,+bala a Zeova bee ne nin-tɩrsã sulli.*
6 Yãmb a tʋʋm-wẽns-maandbã makdame n na n kɩt tɩ sik-m-meng soab magb ra yãk nenga,la a Zeova yaa yẽ soondg zĩiga.+
7 Bɩ Israyɛll fãagrã yi Siyõ n wa!+
A Zeova sã n wa tigim a neb nins sẽn da be yembdã,bɩ a Zakoob yagensã maan sũ-noogo. Bɩ a Israyɛll yagensã kɩdem sũ-noogo.
