Yɩɩn-sõamyã sebre 140:1-13
Yɩɩlã taoor soaba yĩnga. A Davɩɩd yɩɩlle.
140 Zeova, fãag-y maam nin-wẽnsã nusẽ.Kogl-y maam ne nen-kɛglem dãmbã,+
2 neb nins sẽn magd wẽng b sũyẽ wã,+la sẽn wat ne zab daarã tõrã.
3 B saasda b zɩlma wã wa waaf zɩlemde.+Põeer zẽnem n be b no-bɩmsẽ wã.+ (Sela)
4 Zeova, kogl-y maam nin-wẽnsã nusẽ.+Kogl-y maam ne nen-kɛglem dãmbã,neb nins sẽn magd n na n lub maamã.
5 Tɩtaam dãmbã solgda bẽdg mam yĩnga.B tara wĩy n yɛdgd gãmbr sorã noore.+
B rɩgenda bẽdg mam yĩnga.+ (Sela)
6 Mam yeela a Zeova yaa: “Yãmb yaa mam Wẽnnaam.
Zeova, kelg-y mam sẽn pʋʋsd n kot sõngrã.”+
7 Zeova sẽn yaa Zu-soab sẽn ka to la m fãagd sẽn tar pãnga,yãmb kogenda maam* zabrã daare.+
8 Zeova, ra kõ-y nin-wẽnsã b sẽn dat bũmb ninsã ye.
Ra bas-y tɩ b magbã yãk nenga, tɩ b wa zẽkd b mens ye. (Sela)+
9 Bɩ sẽn gũbg-b maamã gom-wẽnsãlebg n sig b mens zutu.+
10 Bɩ bug-saal rʋʋg b zutu.+
Bɩ b lob-b bugmã pʋgẽ.Bɩ b lob-b bog-zulums pʋsẽ,*+ tɩ b ra tol n le yik ye.
11 Bɩ munaafɩgsã ra paam zĩig tẽngã zug* ye.+
Bɩ wẽng rig nen-kɛglem dãmbã, n tɩ kʋ-ba.
12 Mam miime t’a Zeova na n sõnga nimbãan-nebã,la a kao naong rãmbã bʋʋd ne tɩrlem.+
13 Sãmbg sẽn kae, nin-tɩrsã na n pẽga yãmb yʋʋrã.Nin-tɩrsã na n zĩnda yãmb taoore.+
