Yɩɩn-sõamyã sebre 145:1-21
A Davɩɩd pẽgr yɩɩlle.
א [Aleph]
145 Mam Wẽnnaam sẽn yaa Rĩma,+ mam na n pẽga yãmba.Mam na n pẽga yãmb yʋʋrã wakat sẽn kõn sa yĩnga.+
ב [Beth]
2 Mam na n pẽga yãmb daarã tõre.+Mam na n pẽga yãmb yʋʋrã wakat sẽn kõn sa yĩnga.+
ג [Gimel]
3 A Zeova yaa kãsenga, n zems ne pẽgr wʋsgo.+A sẽn yaa kãseng to-to wã pa tõe n bãng n bilg ye.+
ד [Daleth]
4 Zãmaan ne a to fãa na n pẽga yãmb tʋʋmã.B na n goma yãmb tʋʋm-kãsemsã yelle.+
ה [He]
5 B na n goma yãmb naamã ziirã sẽn yaa kãsengã yelle.+Mam na n bʋgsa yãmb tʋʋm-kãsemsã zutu.
ו [Waw]
6 B na n goma yãmb tʋʋmã* sẽn sek rabeemã yelle.Mam na n goma yãmb sẽn yaa kãseng to-to wã yelle.
ז [Zayin]
7 B sã n tẽeg yãmb sõmblmã sẽn yaa wʋsgã yelle, b na n pẽga yãmb wʋsgo.+B na n kaasa ne sũ-noog yãmb tɩrlmã yĩnga.+
ח [Heth]
8 A Zeova yaa sõmblem soab la nimbãan-zoeta.+A sũur pa yikd tao-tao ye. A pida ne maan-neere.+
ט [Teth]
9 A Zeova yaa sõma bõn-naandsã fãa yĩnga.+A nimbãan-zoeerã yaa vẽeneg a tʋʋmã fãa pʋsẽ.
י [Yod]
10 Zeova, yãmb tʋʋmã fãa na n pẽga yãmba.+Sẽn maand-b sɩd ne yãmbã na n pẽga yãmba.+
כ [Kaph]
11 B na n moona yãmb naamã ziirã,+la b gom yãmb pãngã yelle,+
ל [Lamed]
12 n kɩt tɩ nebã bãng yãmb tʋʋm-kãsemsã,+la yãmb naamã ziir sẽn yaa kãsengã.+
מ [Mem]
13 Yãmb naamã yaa wakat sẽn kõn sa naam.Yãmb rĩungã paada zãmaan woo zãmaana.+
ס [Samekh]
14 A Zeova teenda neb nins fãa sẽn lʋɩtã,+la a zẽkd neb nins fãa sẽn surã.+
ע [Ayin]
15 Bõn-naandsã fãa geta yãmb n dat sõngre.Yãmb kõt-b-la b rɩɩb a wakate.+
פ [Pe]
16 Yãmb pukda y nugn kõt bõn-vɩɩg buudã fãa a sẽn dat tɩ sekdẽ.+
צ [Tsade]
17 A Zeova yaa tɩrg a soayã fãa pʋsẽ,+la sɩd soab a sẽn maand fãa pʋgẽ.+
ק [Qoph]
18 A Zeova pẽe neb nins fãa sẽn boond-a wã,+neb nins fãa sẽn boond-a ne sɩdã.*+
ר [Resh]
19 A kõta sẽn zoet-b yẽ wã b sẽn dat tɩ sekdẽ.+A wʋmda b sẽn kelemd n kot sõngrã, n fãagd-ba.+
ש [Shin]
20 A Zeova kogenda neb nins fãa sẽn nong-a wã,+la a na n sãama nin-wẽnsã fãa.+
ת [Taw]
21 Mam noorã na n moona a Zeova pẽgrã.+Bɩ bõn-vɩɩsã fãa* pẽg a yʋʋrã sẽn yaa sõngã wakat sẽn kõn sa yĩnga.+
