Yɩɩn-sõamyã sebre 149:1-9
149 Pẽg-y-yã a Zah!*
Yɩɩl-y yɩɩn-paall a Zeova yĩnga.+Pẽg-y-yã-a, sẽn maand-b sɩdã tiging pʋgẽ.+
2 Bɩ Israyɛll nebã kɩdem sũ-noog b Naand-kãsengã yĩnga.+Bɩ Siyõ nebã maan sũ-noog b Rĩmã yĩnga.
3 Bɩ b pẽg a yʋʋrã ne saooga,+la b yɩɩl n pẽg-a ne bembeng* la pɛndga.+
4 Bala a Zeova sũur nooma ne a nin-buiidã.+
A fãagda sik-m-mens rãmbã.*+
5 Bɩ sẽn maand-b sɩdã kɩdem sũ-noogo, Wẽnnaam sẽn kɩt tɩ b paam ziirã yĩnga.Bɩ b kaas ne sũ-noog b gãasã zutu.+
6 Bɩ Wẽnnaam pẽgr yɩɩl zĩnd b kokoyẽ wã,tɩ sʋʋs sẽn tar noy a yiib zĩnd b nusẽ,
7 sẽn na yɩl tɩ b rok b sũy ne bu-zẽmsã,n sɩbg buud toɛy-toɛyã,
8 n sẽb b rĩm-dãmbã ne sẽbdse,n sẽb b nanambsã ne bãense,
9 la sẽn na yɩl n sɩbg-b wa sẽn zems b sẽn da gʋls b yĩngã.+
Waoog-kãng yaa sẽn maand-b sɩd ne Wẽnnaamã rẽnda.
Pẽg-y-yã a Zah!*
Vẽnegr toor-toore
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
^ Yaa bũmb sẽn wõnd gãngaoogo, tɩ b zãad ne nug n pãbda.
^ Ebre, “A nagsda sik-m-mens rãmbã ne fãagre.”
^ Bɩ, “Aleluya!” “Yah” bɩ “Zah” wã yaa a Zeova yʋʋrã bool-koɛɛga.
