Yɩɩn-sõamyã sebre 19:1-14
Yɩɩlã taoor soab yĩnga. A Davɩɩd yɩɩlle.
19 Saasã moonda Wẽnnaam ziirã.+Sa-gãnã sẽn be yĩngrã* moonda a nus tʋʋmã.+
2 Daar ne a to fãa, b goamã bunda wa koom.Yʋng ne a to fãa, b pukda bãngre.
3 Gomd pa yita, tɩ gom-biis me pa yit ye.Ned pa wʋmd b koeesã ye.
4 La b rãamdã* yita tẽngã gill fãa,tɩ koɛɛg ning b sẽn moondã tat dũniyã kɩremsã fãa.+
Wẽnnaam maana fu-roog wĩntoogã yĩng saasẽ.
5 A yaa wa pʋg-paal sɩd sẽn yit a roogẽ.A maanda su-noog wa gãndaoog sẽn zoet a zoeese.
6 A yita saasã kɩreng a ye,n gilg n tãag kɩreng a to wã,+la zĩig kae a tʋʋlmã sẽn pa tat ye.
7 A Zeova tõogã zemsa zãnga,+ n lebsd n kõt pãnga.+
Bũmb nins a Zeova sẽn tẽegd a nin-buiidã zemsa ne teegre,+ n kõt sẽn pa tar-a yamã yam.+
8 Noy nins sẽn yit a Zeova nengẽ wã yaa tɩrse, n kõt sũ-noogo.+A Zeova tõodã yaa yɩlma, n kõt ned vẽenem.+
9 A Zeova zoees+ yaa sõma, n paad wakat fãa.
A Zeova bʋ-kaoor toor-toorã yaa sɩda. B fãa yaa tɩrse.+
10 B bee yamleoog n yɩɩd sãnem,n yɩɩd sãnem halaal* sẽn yaa wʋsgo.+B yaa noog n yɩɩd sɩɩdo,+ n yɩɩd sɩɩd sẽn yit sɩ-vãgsẽ n tosdẽ.
11 Yaa ne bãmb la b keoog yãmb tʋm-tʋmdã.+Ned sã n sak-ba, a paamda keoor wʋsgo.+
12 Ãnda n tõe n bãng a meng tudgri?+
Bas-y mam yel-wẽn nins m sẽn pa bãng tiirã taale.
13 Kogl-y y tʋm-tʋmdã t’a ra tʋm wuk-m-meng tʋʋm ye.+Ra bas-y tɩ wuk-m-meng tʋʋmã soog-m ye.+
Woto, mam pa na n tall taale,+yel-wẽn-kãsems* taal me pa na n zĩnd mam zug ye.
14 Bɩ mam noorã goam la m sũurã tagsgta yãmb yam,+ yãmb a Zeova sẽn yaa mam Pĩig kugr+ la m Fãagdã.+
Vẽnegr toor-toore
^ Bɩ, “vɩʋʋgẽ wã.”
^ Pa rẽ bɩ, “wĩir sẽn tar n makdẽ wã.”
^ Bɩ, “b sẽn yɩlg.”
^ Bɩ, “yel-wẽn wʋsg.”
