Yɩɩn-sõamyã sebre 24:1-10
-
Rĩm ning sẽn tar ziirã tũuda rignoyẽ wã n kẽedẽ
-
“A Zeova n so tẽngã” (1)
-
A Davɩɩd yɩɩlle.
24 A Zeova n so tẽngã ne bũmb nins fãa sẽn be a pʋgẽ wã.+Yẽ n so tẽn-gãongã ne neb nins sẽn be a zugã.
2 Bala a lugla tẽngã kãn-kãe mogrã zugu.+A lugl-a-la kãn-kãe kʋɩlsã zutu.
3 Ãnda n tõe n dʋ a Zeova tãngẽ wã?+Ãnda n tõe n yals a zĩ-sõngẽ wã?
4 Yaa ned ning fãa nus sẽn yaa yɩlma,* la sũur sẽn yaa yɩlemde,+sẽn pa wẽend ne Mam vɩɩmã* n yag ziri,la sẽn pa wẽend zãmb wẽenego.+
5 A na n paama bark a Zeova nengẽ,+la tɩrlem a Wẽnnaamã sẽn fãagd-a wã nengẽ.+
6 Neb nins sẽn baood-a wã zãmaan yaa woto.Yaa neb nins sẽn baood yãmb a Zakoob Wẽnnaamã nengã. (Sela)
7 Yãmb a rignoyã, zẽk-y y zutu.+Yãmb a pĩnd wẽndẽ kʋɩlense, pags-y-yã,*tɩ Rĩm ning sẽn tar ziirã kẽ!+
8 Ãnda la Rĩm ning sẽn tar ziirã?
Yaa a Zeova sẽn tar pãng la sẽn yaa gãndaoogã,+a Zeova sẽn yaa zabr gãndaoogã.+
9 Yãmb a rignoyã, zẽk-y y zutu.+Yãmb a pĩnd wẽndẽ kʋɩlense, pags-y-yã,tɩ Rĩm ning sẽn tar ziirã kẽ!
10 Yaa ãnda la Rĩm-kãng sẽn tar ziirã?
Yaa tãb-biis naab a Zeova. Yẽ la Rĩm ning sẽn tar ziirã.+ (Sela)
Vẽnegr toor-toore
^ Bɩ, “sẽn ka tar taale.”
^ Bɩ, “Mam sɩɩgã,” rat n yeel t’a Zeova vɩɩmã ned sẽn tikd n wẽendẽ wã.
^ Bɩ, “yik-y-yã.”
