Yɩɩn-sõamyã sebre 25:1-22
A Davɩɩd yɩɩlle.
א [Aleph]
25 Zeova, yaa yãmb la mam wẽnemd* n teese.
ב [Beth]
2 Mam Wẽnnaam, mam teega yãmba.+Ra bas-y tɩ m paam yãnd ye.+
Ra bas-y tɩ m bɛɛbã la maam ye.+
ג [Gimel]
3 Sãmbg sẽn kae, neb nins sẽn teeg yãmbã baa a ye kõn yã yãnd ye.+La yãnd n gũud neb nins sẽn maand zãmb zaalem yĩngã.+
ד [Daleth]
4 Zeova, sõng-y maam tɩ m bãng yãmb soayã.+Zãms-y maam yãmb soayã.+
ה [He]
5 Kɩt-y tɩ m kẽn yãmb sɩdã pʋgẽ la y zãms maam,+bala yãmb yaa mam Wẽnnaam sẽn fãagd maam.
ו [Waw]
Mam teega yãmb wakat fãa.
ז [Zayin]
6 Zeova, tẽeg-y tɩ yãmb yaa Wẽnnaam sẽn yaa nimbãan-zoɛta,la tɩ yãmb nonga+ y nin-buiidã wakat fãa.+
ח [Heth]
7 Ra tẽeg-y mam yãadmẽ yel-wẽnã ne m beegrã ye.
Zeova, tẽeg-y mam yell wa sẽn zems yãmb maan-neerã,+yãmb sõmblmã yĩnga.+
ט [Teth]
8 A Zeova yaa sõma la tɩrga.+
Yaa rẽ yĩng la a sẽn wilgd yel-wẽn-maandbã sor ning zug b sẽn segd n kẽnã.+
י [Yod]
9 A na n sõnga sik-m-meng soab t’a maan sẽn yaa tɩrga.+A na n zãmsa sik-m-mens rãmbã a sorã.+
כ [Kaph]
10 A Zeova soayã fãa yaa maan-neer la kɩs-sɩda,neb nins sẽn sakd a kaoolã+ ne a noyã+ nifẽ.
ל [Lamed]
11 Zeova, yãmb yʋʋrã yĩng+bɩ y maan m kongrã sugri, baa ne a sẽn yaa kãsengã.
מ [Mem]
12 Ãnda soab n zoet a Zeova?+
A na n wilga a soab sor ning a sẽn segd n yãkã.+
נ [Nun]
13 A* na n paama sẽn yaa sõma.+A yagensã na n sooga tẽngã.+
ס [Samekh]
14 Yaa neb nins sẽn zoet a Zeova wã n paamd zood sõma ne-a.+A sõngd-b lame tɩ b bãng a kaoolã.+
ע [Ayin]
15 Mam ninã geta a Zeova wakat fãa,+bala a na n yiisa mam naoã bẽdgã pʋgẽ.+
פ [Pe]
16 Wẽnemd-y y neng n tees maam, la y zoe mam nimbãanega,bala mam yaa m yembr n pa tar sõangd ye.
צ [Tsade]
17 Mam sũ-sãamsã lebga wʋsgo.+Kɩt-y tɩ m yɩɩrã sa.
ר [Resh]
18 Ges-y mam namsgã la m yel-pakrã,+la y kõ maam sugr m yel-wẽnã fãa yĩnga.+
19 Ges-y mam bɛɛbã sẽn yaa wʋsg to-to wã,la b sẽn kis maam ne b sũy fãa to-to wã.
ש [Shin]
20 Kogl-y mam vɩɩmã* la y fãag-ma.+
Ra bas-y tɩ m paam yãnde, bala yaa yãmb nengẽ la m soond-yã.
ת [Taw]
21 Bɩ mam burkĩndã ne m tɩrlmã kogl-ma,+bala yaa yãmb la mam teeg-yã.+
22 Mam Wẽnnaam, fãag-y Israyɛll nebã b sũ-sãamsã fãa pʋgẽ.
