Yɩɩn-sõamyã sebre 32:1-11
A Davɩɩd yɩɩlle. Maskɩlle.*
32 Sũ-noog soab la ned ning sẽn paam a beegr sugri, ned ning sẽn paam tɩ b lud a yel-wẽnde.*+
2 Sũ-noog soab la ned ning a Zeova sẽn pa ning taale,+ned ning sũur sẽn pa tar zãmbo.
3 Mam sẽn wa n sĩndã, mam kõabã pãng ra boogdame, m sẽn da wẽed sir daarã tõrã yĩnga.+
4 Bala wĩndg la yʋngo, yãmb nugã ra zɩsa mam zugu.+
Mam pãngã saa wa sɩpaolg wakat tʋʋlg sẽn wẽ koom t’a kʋɩ. (Sela)
5 Mam wa n baas n vẽnega m yel-wẽndã n togs yãmba.Mam pa lud m kongrã ye.+
Mam yeelame: “Mam na n vẽnega m beegrã n togs a Zeova.”+
La yãmb kõo maam sugr m kongrã ne m yel-wẽnã yĩnga.+ (Sela)
6 Yaa rẽ yĩng la sẽn maand-a sɩd fãa sẽn na n pʋʋs yãmba,+wakat ning a sẽn ket n tõe n yã yãmbã.+
Dẽ, baa koom sã n wa lim bũmb fãa, kõn ta-a ye.
7 Yãmb yaa zĩ-soalgdg mam yĩnga.Yãmb na n kogla maam tɩ m sũur da sãam ye.+
Yãmb na n kɩtame tɩ neb gũbg maam n kaasd ne sũ-noogo, yãmb sẽn fãag maamã yĩnga.+ (Sela)
8 Yãmb yeelame: “Mam na n kõo foo yam la m wilg-f sor ning f sẽn segd n tũ.+
Mam na n sagla foo, tɩ m ninã get-fo.+
9 Ra lebg wa wed-moaag wall bõn-wɛɛg* sẽn pa tar yam,+tɩ b segd n ning-a salbr wall b sẽb-a wĩirn yaool n tõog n tall-a n kolg foomã ye.”
10 Nin-wẽnsã paamda toog wʋsgo.La a Zeova maan-neerã gũbgda ned ning sẽn teeg-a wã.+
11 Yãmb a nin-tɩrse, maan-y sũ-noog a Zeova yĩnga,* la y kɩdme.Yãmb a sũ-tɩrs rãmbã fãa, kaas-y ne sũ-noogo.
Vẽnegr toor-toore
^ Ges-y gom-biis võor bilgrã zĩigẽ.
^ Bɩ, “kõ a yel-wẽnd sugri.”
^ Yaa wed-moaag ne bõang biiga.
^ Ebre, “maan-y sũ-noog a Zeova pʋgẽ.”
