Yɩɩn-sõamyã sebre 44:1-26
Yɩɩlã taoor soab yĩnga. A Koore+ kom-dibli wã yɩɩlle. Maskɩlle.*
44 Mam Wẽnnaam, tõnd mensã tʋbã wʋmame.Tõnd yaab-rãmbã togsa tõnd+bũmb nins yãmb sẽn maan bãmb wakatẽ wã,hal pĩnd wẽndẽ wã.
2 Yãmb talla y nugã n dig buud toɛy-toɛy neba,+la y zĩnig tõnd yaab-rãmbã be.+
Yãmb tõoga buud toɛy-toɛya, n dig-b tɩ b looge.+
3 Tõnd yaab-rãmbã pa reeg soolmã ne bãmb mensã sʋʋs ye.+Pa yɩ bãmb mensã kams n kɩt tɩ b tõog ye.+
Yɩɩ ne yãmb nug-rɩtgã ne y kangã,+ n paas yãmb nengã vẽenemã,yãmb sũur sẽn da noom ne-bã yĩnga.+
4 Mam Wẽnnaam, yãmb yaa mam Rĩma.+Kɩt-y* t’a Zakoob paam tõogr zãng-zãnga.*
5 Ne yãmb pãngã maasem, tõnd na n diga d zabd-n-taasã.+Ne yãmb yʋʋre, tõnd na n taba neb nins sẽn yik n na n zab ne tõndã.+
6 Bala mam pa teeg m tãpã ye.Mam sʋʋgã pa tõe n fãag maam ye.+
7 Yaa yãmb n fãag tõnd d zabd-n-taasã nusẽ.+Yɩɩ yãmb n ning sẽn kis-b tõndã yãnde.
8 Tõnd na n pẽga Wẽnnaam daarã tõre.Tõnd na n pẽga yãmb yʋʋrã wakat fãa yĩnga. (Sela)
9 La yãmb daaga tõnd n base, la y ning-d yãnde.Yãmb pa yãagd tõnd tãb-biisã zabrẽ ye.
10 Yãmb kɩtdame tɩ tõnd tard n lebd poorẽ d zabd-n-taasã taoore.+Neb nins sẽn kis tõndã wʋkda b sẽn dat fãa.
11 Yãmb dɩka tõnd n kõ tɩ b na n wãb tõnd wa piisi.Yãmb sãeega tõnd bu-zẽmsã sʋka.+
12 Yãmb koosda y nin-buiidã zaalem la bala.+Yãmb pa koosd n paamd yõod ye.
13 Yãmb kɩtame tɩ tõnd paamd yãnd d yagsã taoore.Neb nins sẽn gũbg tõndã fãa laada tõndo, la b paoogd tõndo.
14 Yãmb kɩtame tɩ tõnd paamd yaalg* bu-zẽmsã sʋka.+Buud toɛy-toɛyã neb sã n yã tõndo, b girda b zutu.
15 Daarã tõre, yãnd n tar maam.Yãndã kɩtame tɩ m pa tõe n zẽk m zugu,
16 mam sẽn wʋmd b sẽn yaand tõnd la b tʋʋd tõndo,d bɛyã sẽn dokd a sũurã yĩnga.
17 Bõn-kãensã fãa paama tõndo, tɩ tõnd yaool n pa yĩm yãmb yell ye.Tõnd pa kɩɩs yãmb kaoolã ye.+
18 Tõnd pa bʋdg n bas yãmb ye.Tõnd pa bʋdg n bas yãmb sorã ye.
19 La yãmb bedsa tõnd zĩig ning we-baasã sẽn be wã.Yãmb kɩtame tɩ lik bida bui tõndo.
20 Tõnd sã n da yĩm tõnd Wẽnnaamã yʋʋre,wall d tẽeg d nus n pʋʋs wẽn-sãanga,
21 Wẽnnaam ra kõn bãng sɩda?
A mii bũmb nins sẽn solg ned sũurẽ.+
22 Yãmb yĩnga, b kʋʋda tõnd daarã tõre.B geta tõnd wa piis b sẽn na n koode.+
23 Yik-y-yã. Zeova, bõe yĩng tɩ y ket n gõe?+
Nek-y-yã! Ra n daag-y tõnd n bas wakat fãa yĩng ye.+
24 Bõe yĩng tɩ y solgd y nenga?
Bõe yĩng tɩ y yĩm tõnd namsgã la d weoogrã yelle?
25 Bala b luba tõnd* tomẽ wã.B rɩdgda tõnd ne tẽngã.+
26 Yik-y-yã! Yãmb yaa tõnd sõangda.+
Fãag-y tõndo, yãmb maan-neerã yĩnga.+
Vẽnegr toor-toore
^ Ges-y gom-biis võor bilgrã zĩigẽ.
^ Ebre, “Kõ-y noor.”
^ Ebre, “fãagr sẽn yaa kãsenga.”
^ Ebre, “tɩ d lebg yel-bũnd.”
^ Bɩ, “tõnd sɩɩsã.”
