Yɩɩn-sõamyã sebre 45:1-17
Yɩɩlã taoor soab yĩnga. Yɩɩndame tɩ zems “Rulg-lɛlma.” A Koore+ kom-dibli wã yɩɩlle. Maskɩlle.* Nonglem yɩɩlle.
45 Bũmb sẽn yaa sõma n kɩt tɩ mam sũurã noom wʋsgo.
Mam yeelame: “Mam yɩɩllã* gomda rĩm yelle.”+
Bɩ m zɩlemdã yɩ wa seb-gʋlsd+ sẽn tar minim gʋls-moogo.+
2 Ninsaalbã kamb sʋka, fo ra-sãndã n yɩɩda.
Gom-nood n yit fo no-bɩmsẽ wã.+
Yaa rẽ yĩng la Wẽnnaam sẽn ning foo bark wakat fãa yĩngã.+
3 Gãndaoogo,+ sẽbg f sʋʋgã+ f sɛɛgẽ wã.Fo tara naam la ziiri.+
4 Yi ne f ziirã, n tɩ zab n tõoge.+Zomb f wed-moaagã, sɩdã ne sik-m-mengã la tɩrlmã yĩnga.+Fo nug-rɩtgã na n maana* bõn-kãsems sẽn kẽesd rabeem.
5 Fo pɛɛmã yaa sɩlemse, n kɩtdẽ tɩ buud toɛy-toɛyã neb lʋɩt fo taoore.+B kõsda rĩmã bɛɛbã sũyã.+
6 Wẽnnaam yaa fo geer wakat sẽn kõn sa yĩnga.+Fo rĩungã rasaarã yaa tɩrlem dasaare.+
7 Fo nonga tɩrlem,+ la f kis sẽn yaa wẽnga.+
Yaa rẽ yĩng la Wẽnnaam sẽn yaa fo Wẽnnaamã sẽn zae foo+ ne sũ-noog+ kaam n yɩɩd f tũud-n-taasã.
8 Fo futã fãa yaa miir* ne alowɛs raad la kass* yũugu.Na-yirã sẽn nags ne wob-yẽn la sẽn yaa kãsengã pʋgẽ, b wẽeda yʋʋm-teed sẽn tar riss n noogd fo sũuri.
9 Rĩm-dãmb kom-pugli n be pagb nins fo sẽn waoogã sʋka.
Na-pagã wa n yalsa fo nug-rɩtg ne Ofɩɩr sãnem+ nag-teedo.
10 M bi-pugla, kelge. Kɩll f tʋbr n kelg sõma.Yĩm f buudã ne f ba wã zak yelle.
11 Rĩmã na n data foo ne a sũur fãa, fo neermã yĩnga.A sẽn yaa fo zu-soabã yĩnga,bɩ f wõgemd a taoore.
12 Tɩɩr bi-puglã na n waa ne kũuni.Rakãag-bɛdã na n baoo fo lohorem.
13 Rĩmã bi-puglã bee na-yirã* pʋgẽ n yaa neer wʋsgo.A futã nagsa ne sãnem.
14 B na n tall-a lame n wa rĩmã nengẽ ne fut sẽn wʋg tɩ yaa neeb wʋsgo.*
B talla a tũud-n-taasã sẽn yaa pʋg-sadb sẽn nan pa mi raoã n wa fo taoore.
15 B na n tall-b lame n wa ne kɩdeng la sũ-noogo.B na n kẽe rĩmã na-yirã.
16 Fo kom-dibli wã na n deega f yaab-rãmbã zĩiga.
Fo na n yãk-b lame tɩ b yɩ nanambs tẽngã gill zugu.+
17 Mam na n kɩtame tɩ nebã bãng fo yʋʋrã zãmaan woo zãmaana.+
Rẽ n so tɩ nebã na n pẽg foo wakat sẽn kõn sa yĩnga.
Vẽnegr toor-toore
^ Ges-y gom-biis võor bilgrã zĩigẽ.
^ Ebre, “Mam tʋʋmã.”
^ Ebre, “zãmsa foo.”
^ Ges-y gom-biis võor bilgrã zĩigẽ.
^ Yaa tɩɩg buudu.
^ Ebre, “roogã.”
^ Pa rẽ bɩ, “kasaabs sẽn gʋle.”
