Yɩɩn-sõamyã sebre 50:1-23
A Azaf yɩɩlle.+
50 Wẽnnaam-dãmb Wẽnnaam a Zeova*+ gomame.A boonda tẽngã nebsẽn sɩng wĩndgã sẽn yitẽ n tãag a sẽn kẽedẽ.*
2 Wẽnnaam vẽenemã yãgdame n yit Siyõ sẽn yaa neer wʋsgã.+
3 Tõnd Wẽnnaamã na n waame. A pa tõe n kell n sĩnd ye.+
Bug-witim n be a taoore,+tɩ sob-kãseng fugd ne pãng n gilgd-a.+
4 A boonda saasã sẽn be yĩngrã, la tẽngã+n na n kao a nebã bʋʋdo:+
5 “Tigm-y sẽn maand-b sɩd ne maamã n kõ-ma.Yaa neb nins sẽn tikd maoong zug n maand kaool ne maamã.”+
6 Saasã moonda Wẽnnaam tɩrlmã,bala yẽ mengã yaa bʋ-kaooda.+ (Sela)
7 “Mam neba, kelg-y tɩ mam na n gomame.Israyɛll neba, mam na n kõo kaset n ning-y taale.+
Mam yaa Wẽnnaam, yãmb Wẽnnaamã.+
8 Mam pa kibind yãmb y maandã yĩnga,wall y maand sẽn yõogd bugmã sẽn be mam taoor wakat fãa wã yĩng ye.+
9 Pa tɩlɛ ne maam tɩ m yõk loalg yãmb zakẽ,wall bʋʋs* yãmb yãgẽ ye.+
10 Bala we-rũng buud fãa sẽn be kãgrẽ wã yaa maam n so.+Baa we-rũms nins sẽn be tãens tusr zugã.
11 Mam mii tãensã liuuli wã fãa.+Rũms ka tɛkã sẽn be weoogẽ wã yaa maam n so.
12 Kom sã n da tar maam, m pa na n togs yãmb ye.Bala tẽn-gãongã ne bũmb nins fãa sẽn be a zugã yaa maam n so.+
13 Mam na n wãba lolsã nemdo,la m yũ bʋʋsã zɩɩm sɩda?+
14 Pʋʋs-y Wẽnnaam bark tɩ yɩ maoong y sẽn kõ-a,+la y pids y pʋlems nins y sẽn pʋlem Sẽn ka-a to wã.+
15 Bool-y maam yel-pakr wakate.+
Mam na n fãaga yãmba, tɩ y waoog maam.”+
16 La Wẽnnaam na n yeela nin-wẽng yaa:
“Ãnda n kõ foo sor tɩ f gom mam noyã yelle,+wall m kaoolã yelle?+
17 Bala fo kisa kiblgu,*la f wẽnemded f poor n teesd mam goamã.*+
18 Fo sã n yã wagdre, fo wilgdame t’a taa f yam.*+Fo tũuda yoaadba.
19 Fo tara f noorã n yelgd sẽn yaa wẽnga.Fo tara f zɩlemdã n zãmbdẽ.+
20 Fo zĩndidame, n gomd f ba-biig yell wẽnga.+Fo vẽnegda f ma-roakã biig kongre.*
21 Fo sẽn wa n maand bõn-kãensa wã, mam da sĩndame.Woto kɩtame tɩ fo tags tɩ mam na n yɩɩ wa foo.
La masã, mam na n wilga foo f kongre.Mam na n wilga bũmb ning sẽn kɩt tɩ fo tar taalã.+
22 Yãmb a neb nins sẽn yĩm Wẽnnaamã,+ tags-y yãoã yelle,tɩ m da wa tɛ yãmb n tõs tɩ ned kae n fãagd-y ye.
23 Ned ning sẽn pʋʋsd maam a Wẽnnaam bark tɩ yaa a maoongo, a pẽgda maam.+Sã n yaa ne ned ning sẽn tũud so-tɩrga,mam na n kɩtame t’a yã mam fãagrã.”+
Vẽnegr toor-toore
^ Bɩ, “Sẽn yaa-a Wẽnnaamã, Wẽnnaam, a Zeova.”
^ Bɩ, “sẽn sɩng yaang n tãag nin-taoore.”
^ Ebre, “boees.”
^ Ebre, “la f lobd mam goamã f poorẽ.”
^ Bɩ, “zãmsgo.”
^ Pa rẽ bɩ, “fo naagd-a lame.”
^ Bɩ, “Fo sãamda f ma-roakã biig yʋʋre.”
