Yɩɩn-sõamyã sebre 51:1-19
Yɩɩlã taoor soab yĩnga. A Davɩɩd yɩɩlle. Yɩɩ no-rɛɛs a Natã sẽn wa n kẽ a Davɩɩd nengẽ, a Davɩɩd sẽn yo ne a Batseba+ wã poore.
51 Mam Wẽnnaam, zoe mam nimbãaneg wa sẽn zems fo maan-neerã.+
Yẽes mam beegrã wa sẽn zems fo nimbãan-zoeerã sẽn yaa wʋsgã.+
2 Pek maam sõma n yiis m kongrã.+Yɩlg maam n yiis m yel-wẽndã.+
3 Bala mam mii m beegrã tiiri.Mam yel-wẽndã bee m taoor* wakat fãa.+
4 Sẽn yɩɩd fãa, yaa foo* la mam maan yel-wẽnd n beege.+Mam maana sẽn yaa wẽng fo nifẽ.+
Woto wã, fo sã n wa gomda, f yaa tɩrga.Fo bʋʋdã kaoob yaa tɩrga.+
5 Ade! Mam doga ne taale.Mam ma wã sẽn dɩk mam pʋgã tɛka, mam yaa yel-wẽn-maanda.*+
6 Fo sũur nooma ne sɩd sẽn be ned sũur pʋgẽ.+Zãms mam sũurã yam hakɩɩka.
7 Yɩlg maam ne izop* n yiis m yel-wẽndã, tɩ m yɩ yɩlemde.+Pek maam, tɩ m yɩ pɛɛlg n yɩɩg sa-lamdo.+
8 Kɩt tɩ m wʋm sũ-noog la kɩdeng rãamde,tɩ kõab nins fo sẽn da kaoã kɩdem sũ-noogo.+
9 Wẽnemd f neng* n da le ges mam yel-wẽnã ye.+Yẽes mam kongrã fãa.+
10 Mam Wẽnnaam, naan sũur sẽn yaa yɩlemd n ning mam pʋgẽ,+la f ning yam-paalg+ sẽn pa yuusd mam pʋgẽ.
11 Ra rig maam n yiis f taoor ye.Ra reeg f vʋʋsem sõngã n bas-m ye.
12 Kɩt tɩ m le paam sũ-noog ning mam sẽn da tare, fo sẽn wa n fãag maamã.+Kɩt tɩ m tʋll n sak foo.
13 Mam na n zãmsa bɛɛgdbã fo soayã,+sẽn na yɩl tɩ yel-wẽn-maandbã lebg n wa fo nengẽ.
14 Mam Wẽnnaam, Wẽnnaam sẽn yaa mam fãagda,+ fãag maam ne zɩɩm taale,+tɩ mam zɩlemdã tõog n gom fo tɩrlmã+ yell ne sũ-noogo.
15 Zeova, yaag mam no-bɩmsã,tɩ m noorã tõog n moon fo pẽgre.+
16 Bala fo pa rat maoong ye. Sã n pa rẽ, m da na n kõome.+Fo sũur pa noom ne maoong sẽn yõogd bugum ye.+
17 Maand sẽn noom Wẽnnaam yaa sũur sẽn sãame.Mam Wẽnnaam, fo pa na n zãgs* sũur sẽn maand a bãngẽ la sẽn sik a meng ye.+
18 Fo sõmblmã yĩnga, bɩ f maan Siyõ neere.Me Zerizalɛm lalsã.
19 Dẽ, fo sũur na n yɩɩ noog ne tɩrlem maandã,maand sẽn yõogd bugmã, la kũun sẽn yõogd bugum zãngã.Woto, b na n kʋʋ lols fo tẽn-kugrã zug n kõ foo.+
Vẽnegr toor-toore
^ Bɩ, “bee m yamẽ.”
^ Ebre, “yaa foo bal.”
^ Ebre, “Mam ma wã rɩka mam pʋgã yel-wẽnd pʋgẽ.”
^ Ges-y gom-biis võor bilgrã zĩigẽ.
^ Bɩ, “Solg f nengã.”
^ Bɩ, “paoog.”
