Yɩɩn-sõamyã sebre 56:1-13
Yɩɩlã taoor soab yĩnga. Segd n yɩɩlame tɩ zems “Marwan-sĩndg sẽn be yɩɩga.” A Davɩɩd yɩɩlle.* Yɩɩ wakat ning Filisti nebã sẽn yõk-a Gatã.+
56 Mam Wẽnnaam, zoe-y mam nimbãanega, bala neb sẽn yaa kiidb n zabd ne maam.
Daarã tõre, b zabda ne maam la b weoogd maam.
2 Daarã tõre, mam bɛɛbã baooda maam n na n yõke.Neb wʋsg wuka b mens n zabd ne maam.
3 Rabeem sã n wa tar maam,+ mam teegda yãmba.+
4 Mam teega Wẽnnaam. Mam pẽgd-a-la a goamã yĩnga.Mam teega Wẽnnaam. Mam pa zoet rabeem ye.
Ninsaal* tõe n maana maam bõe?+
5 Daarã tõre, b sãamda mam yɛla.B sẽn tagsd bũmb ning bal yaa b maan maam wẽnga.+
6 B solgame n na n zab ne maam.B gũusd n geta mam nao-yakemd fãa,+n saagd n na n yãk mam yõorã.*+
7 Raag-y-b n bas b wẽnemã yĩnga.
Mam Wẽnnaam, sɩbg-y buud toɛy-toɛyã yãmb sũ-puugrã pʋgẽ.+
8 Yãmb gʋlsda zĩis nins fãa mam sẽn yeebdã.+
Kok-y mam nintãmã n sui y ko-waoogẽ wã.+
Rẽ pa gʋls yãmb sebrã pʋgẽ sɩda?+
9 Daar ning mam sẽn na n bool n kos sõngrã,+ mam bɛɛbã na n tar n leba poorẽ.
Ad bũmb ning mam sẽn kɩs sɩd ne wã: Wẽnnaam bee mam poorẽ.+
10 Mam teega Wẽnnaam. Mam pẽgd-a-la a goamã yĩnga.Mam teega a Zeova. Mam pẽgd-a-la a goamã yĩnga.
11 Mam teega Wẽnnaam. Mam pa zoet rabeem ye.+
Ninsaal tõe n maana maam bõe?+
12 Mam Wẽnnaam, mam segd n pidsa bũmb nins mam sẽn pʋlem yãmbã.+Mam na n kõo yãmb bark pʋʋsg maoongo.+
13 Bala yãmb fãaga maam* ne kũum,+la y kogl mam naoã tɩ b pa lak ye.+Yaa sẽn na yɩl tɩ m tõog n kẽn Wẽnnaam taoor nin-vɩɩsã vẽenemẽ.+
Vẽnegr toor-toore
^ Ebre, “miktam.” Tõe tɩ rat n yeelame tɩ “gʋlsem.”
^ Ebre, “Yĩn-nems.”
^ Bɩ, “mam sɩɩgã.”
^ Bɩ, “mam sɩɩgã.”
