Yɩɩn-sõamyã sebre 65:1-13
Yɩɩlã taoor soab yĩnga. A Davɩɩd yɩɩlle.
65 Mam Wẽnnaam, pẽgr n gũud yãmb Siyõ.+Tõnd na n pidsa bũmb nins d sẽn pʋlem yãmbã.+
2 Yãmb a Soab ning sẽn wʋmd pʋʋsgã, neb buud fãa* na n waa yãmb nengẽ.+
3 Mam kongr toor-toorã namsda maam,+la yãmb luta tõnd beegrã.+
4 Sũ-noog soab la ned ning yãmb sẽn yãke, n tall-a n kolg y mengsẽn na yɩl t’a zĩnd y samanã pʋsẽ wã.+
Tõnd na n tɩga ne bõn-sõma wã sẽn be yãmb roogẽ wã,+yãmb ro-sõngẽ wã.+
5 Mam Wẽnnaam sẽn yaa tõnd fãagda,yãmb na n leoka tõnd ne tɩrlem tʋʋm sẽn kẽesd rabeem.+Yãmb yaa Soab ning dũniyã tɛk fãa neb+ne sẽn be-b hal mogrã rʋʋndã sẽn teegã.
6 Yãmb* lugla tãensã kãn-kãe ne yãmb pãngã.Yãmb* yeelga pãng wa fuugu.+
7 Yãmb* kɩtdame tɩ mogrã sẽn maand bʋʋrã pa sɩddd,+la y kɩtdẽ t’a ko-pɛmã bʋʋrã ne buud toɛy-toɛyã sẽn gudgã pa sɩddd.+
8 Yãmb bõn-bãnã na n kɩtame tɩ zĩ-zãrsẽ neb yɛɛse.+Yãmb na n kɩtame tɩ sẽn be-b wĩndg sẽn yitẽ hal n tɩ ta wĩndg sẽn lʋɩtẽ wã kaas ne sũ-noogo.
9 Yãmb geta tẽngã yelle,n kɩtdẽ t’a womd biis zembal la a tar noosem wʋsgo.+
Wẽnnaam kʋɩlgã pida ne koom.Yãmb kõta kood ninsaalbã yĩnga,+bala yaa woto la yãmb maan tẽngã.
10 Yãmb madgda a pʋtã, la y saremd a zĩis nins b sẽn ko wã.Yãmb kɩtdame tɩ saas niid n bʋkd-a. Yãmb ningda a koodã sẽn nan yi wã barka.+
11 Yãmb nagsa yʋʋmdã ne bõn-sõma, tɩ yaa wa b ning-a-la maanfo.Yãmb sẽn kẽnẽ fãa, yãmb kɩtdame tɩ bõn-sõma wʋsg zĩnd be.+
12 Rũmsã wãbneg zĩis sẽn be we-raoogẽ wã tara paasgo,+tɩ sũ-no-kãseng be kunkubã zutu.+
13 Rũmsã wãbneg zĩis pida ne rũmsi,tɩ londã* pid ne koodo.+
B kaasda ne sũ-noogo. B pʋd n yɩɩndame.+
Vẽnegr toor-toore
^ Ebre, “yĩn-nems buud fãa.”
^ Ebre, “Yẽ.”
^ Ebre, “Yẽ.”
^ Ebre, “Yẽ.”
^ Bɩ, “tẽn-nabã.”
