Yɩɩn-sõamyã sebre 72:1-20
A Salomo wɛɛngẽ.
72 Mam Wẽnnaam, zãms-y rĩmã yãmb noyã,la y zãms rĩmã biigã yãmb tɩrlmã.+
2 Bɩ a sõng yãmb nebã ne tɩrlem,la a sõng yãmb neb nins sẽn yaa nimbãan-nebã ne tɩrlem.+
3 Bɩ tãensã kõ nin-buiidã laafɩ,la bɩ kunkubã kɩt tɩ tɩrlem wa.
4 Bɩ a sõng* neb nins sẽn yaa nimbãan-neb nin-buiidã sʋkã,la bɩ a fãag naong rãmbã kamba.Bɩ a sãam zãmb dãmbã.+
5 Wĩntoogã sã n ketẽ,tɩ kiuugã me ketẽ fãa, b na n zoee yãmba.B na n zoee yãmb zãmaan woo zãmaana.+
6 Rĩmã na n yɩɩ wa saag sẽn niid mood b sẽn wʋr zugu,la wa saag sẽn madgd tẽn-gãongã.+
7 A naamã rɩɩb wakate, nin-tɩrsã na n ninga puudu,*+tɩ laafɩ yɩ wʋsgo,+ n tãag kiuugã sẽn pa na n le wa beẽ.
8 A na n dɩɩ naam* sẽn sɩng ne mogr n tɩ tãag mogre,la sẽn sɩng ne Kʋɩlgã* n tɩ tãag dũniyã tɛka.+
9 Neb nins sẽn be we-rasempʋɩɩgẽ wã na n wõgemda a taoore.A bɛɛbã na n lelma tomã.+
10 Tarsiis rĩm-dãmbã ne ko-sʋk tẽnsã rĩm-dãmb na n yaoo fadgo.*+
Saba rĩm-dãmbã ne Seba rĩm-dãmbã na n kõo kũuni.+
11 Rĩm-dãmbã fãa na n wõgemda a taoore,la buud toɛy-toɛyã fãa neb na n waoog-a lame.
12 Bala a na n fãaga naong soab sẽn kelemd n kot sõngre,n paas nimbãan-ned la ned ning fãa sẽn pa tar sõangda.
13 A na n zoee nimbãan-ned la naong soab nimbãanega.A na n fãaga naong rãmbã vɩɩm.*
14 A na n fãag-b-la* neb nins sẽn weoogd-bã, la nen-kɛglem dãmbã nusẽ.B vɩɩmã* na n yɩɩ bõn-sõng yẽ nifẽ.
15 Bɩ a vɩɩmde, la bɩ b kõ-a Saba sãnemã.+
Bɩ b pʋʋsd a yĩng wakat fãa,la bɩ b ningd-a bark daarã tõre.
16 Kood wʋsg na n zĩnda tẽngã zugu.+Tãensã zut na n pida ne koodo.
Rĩmã pʋt na n woma wa Libã pʋtã.+Galʋ-tẽnsã pʋsẽ, nebã na n fɩɩga wa tẽngã zug moodã.+
17 Bɩ a yʋʋrã pa wakat fãa yĩnga.+Bɩ a yʋʋrã kell n pa, wakat ning fãa wĩntoogã sẽn na n ket n beẽ.
Bɩ nebã paam bark yẽ maasem yĩnga.+Bɩ buud toɛy-toɛyã fãa neb yeel t’a yaa sũ-noog soaba.
18 Bɩ Wẽnnaam a Zeova sẽn yaa Israyɛll Wẽnnaamã paam pẽgre.+Yaa yẽ a ye bal n maand bõn-kãsemse.+
19 Bɩ a yʋʋrã sẽn tar ziirã paam pẽgr wakat fãa yĩnga.+Bɩ a ziirã pid dũniyã gilli.+
Ãmiina, Ãmiina.
20 Woto n baasd a Zese*+ biig a Davɩɩd pʋʋsg toor-toorã.
Vẽnegr toor-toore
^ Ebre, “bʋ.”
^ Ebre, “tobame.”
^ Bɩ, “talla neb.”
^ Rat n yeel tɩ Efrate.
^ Fadg yaa lampo buudu.
^ Bɩ, “sɩɩse.”
^ Bɩ, “fãaga b sɩɩsã.”
^ Ebre, “zɩɩmã.”
^ Ezayi.
